سندريلا في بيتي الجزء الثاني

لو اتكلمتي وقولتي اي حاجة من اللي حصلت انا مش عارف ممكن اعمل فيك ايه وقتها ودلوقتي اعتبري اللي حصل درس علشان تبعدي عن اي راجل بعد كدا وتعرفي ان دا اللي ممكن يحصل لك واكتر لما ترمي نفسك على الرجالة.
هبت آلاء ووقفت تحدق بوجه صديقتها لا تصدق ان يصل الامر بشقيقها الى هذا الحد من الدنائة أيعقل ان يتمادى آنس ويحاول التعرض لصديقتها تفجر ڠضب آلاء بالكامل فتركتها وأسرعت بمغادرة منزلها لا ترى الا آنس وما فعله بصديقتها.

اندفعت آلاء الى داخل قصر والدها وقد أعماها الڠضب كليا ونادت بصوت جهوري على شقيقها وقالت
_آنس.
رج صوت آلاء أرجاء المكان فغادر آنس مكتب والده يجاوره محمود وحدق آنس بوجه شقيقته الغاضب وادرك من ملامحها الغاضبة انها على علم بكل شئ وان هنادي افصحت لها بما حدث بينهما فاتجه صوبها يخفى غضبه من هنادي وشقيقته ووقف امامها ورمته آلاء بنظرات احتقار كاد يردها اليها ولكن ردة فعل شقيقته كان أسرع فقد فاجأته بصفعها اياه لتتسع حدقتاه ويصيح بها والدها من فرط صډمته ويقول
_آلاء أنت اټجننتي.
لم تحيد آلاء بعيناها عن عينا شقيقها الذي وقف وقد سود الڠضب وجهه يكاد يبطش بها وتسارعت أنفاس آلاء وتحولت نظراتها الى الاحتقار وقالت
_انا متجننتش لكن ابنك الكبير هو اللي اټجنن اټجنن لما راح لصاحبتي وهددها انه ېفضحها ابنك الكبير كبير العيلة اللي كشف لها وكشف ليا عن خسته وقبل ما تزعق لي اسأل الاستاذ المحترم عمل ايه فهنادي لما سافرنا له النمسا والنهاردة راح وقال لها ايه.
اتجه محمود اليهما ووقف بجوار ابنه الذي تعالت انفاسه وتهدجت وأغمض آنس عيناه حين سأله والده وقال
_ممكن افهم معنى كلام اختك ايه انت عملت ايه فهنادي يا آنس انطق.
نكس آنس رأسه وهو يتذكر ما كاد يفعله بتلك الصغيرة التي أطاحت بعقله تماما فتخطاه والده ووقف امامه وقال
_عملت ايه فصاحبة اختك يا آنس ما تتكلم.
اجابته آلاء وهى تحدق بشقيقها تقرأ ندمه الذي لون وجهه وقالت
_ابنك الكبير يا ادريسي باشا اتعرض لصحبتي وهددها انها تتكلم وراح لها النهاردة يهددها انه هيفضحها ادام الكل لما معرفتهوش مكاني.
شحب وجه محمود فكلمات أبنته زلزلت توازنه وحدق بوجه أبنه پصدمة لا يصدق ابدا ان يفعل ابنه تلك الفعلة البغيضة وفي نفس الوقت توارى آسر الذي ولج الى داخل القصر واستمع الى تصريح شقيقته لا يصدق هو الاخر ما سمع وازداد شعور آنس بالندم أمام نظرات العتاب والانكسار التي سكنت العيون امامه فزفر وقال
_بابا انا انا مكنتش فوعي وقتها وو.
اوقفته صڤعة والده عن اكمال حديثه وصاح محمود ېعنفه بقوة ويقول
_عذر اقبح من ذنب يا آنس بقى انت يا كبير يا سندي وسند اخواتك تعمل كدا وجاي زعلان ان اختك اختفت ما هي لازم تختفي ويحصل لها اكتر من كدا علشان ترد الدين اللي فرقبتك ناحية هنادي ولا انت مش عارف ان داين تدان يا آنس.  
ارتبكت آلاء ووجدت ان عليها ان تصارح والدها بما حدث ولكن ظهور آسر اوقفها عن حديثها فنظر محمود الي ابنائه الثلاث وقال
_كسرتوني يا ولاد الادريسي كسرتوني بعمايلكم انا مش مصدق ان الكبير اللي قولت هيبقى مكاني ويكون الامان ليكم يعمل كدا دا مكفهوش انه راح اتجوز واحدة مستهلكة لمجرد انه يعند معايا لا ويحاول يغ تصب صاحبة اخته اللى عمره ضعف عمرها ولا الهانم بنتي اللى كذبت عليا وخدعتني وفهمتني انها سافرت لخالتها وهي دايرة على حل شعرها معرفش بايته فين ولا مع مين ولا بتعمل ايه والتالت بيتستر عليها ومخبى عليا انه مشارك صاحبه فكافية وسايب مال ابوه للغرب يطمعوا فيه علشان حاسس ان مال ابوه لعڼة لازم يهرب منها لمجرد ان واحدة استغلته زمان بسبب اختياره الغلط وطيشه ولهفته انه يحب وخلاص.
صمت محمود وابتعد عن ابنائه وقال
_يا خسارة تربيتي فيكم يا خسارة العمر اللي راح وانا فاكر اني ربيت صح. عموما انا من اللحظة دي مش هلوم على اي حد فيكم انت يا آنس تقدر ترجع لمراتك وتنسى ان ليك اب وعيلة زي ما عشت طول الخمس سنين مسألتش علينا فيهم وكنا احنا اللي بنجري ونسأل عليك.
والټفت محمود لابنته واردف بحزن
_وأنت يا آلاء اتفضلي امشي روحي مكان ما كنت ومتتعبيش ضميرك بالتفكير كملي هروبك مني ومن العريس اللي اخترته ليك.
صمت محمود مرة اخرى وتلقف انفاسه التى ضاقت بصدره وحدق بوجه آسر وقال
_وانت يا استاذ آسر روح وشارك أصحابك فاشغالهم ومتشغلش دماغك بابوك ابعد عن اللعڼة اللي فالفلوس اللى شقيت وتعبت لحد ما عملتها واتنكر لاسمك علشان محدش يعرف انك ابني.
القى محمود كلماته ولاحق بعيناه ملامح الندم التي كست وجوههم فاستدار عنهم ليصعد الى غرفته وقال
_انا مش عاوز اي حد منكم هنا لو نزلت من فوق ولاقيت اي حد منكم هخلى الحرس يرميه