رواية كاملة بقلم شهد جاد

بعبث ليس بمحله ابدا قبل أن ينهض و يتوجه للمرحاض 
استنيني في اوضتنا عشر دقايق مش هتأخر عليك
أومأت له وعادت لغرفة نومهم بخطوات وئيدة متعثرة وقبل أن تغلق هاتفه من جديد لتعيده لموضعه كانت تسجل الرقم على هاتفها وما أن انتهت وضعته كما كان و تمددت على الفراش وهي تحمد ربها انه لم ينتبه لفعلتها جسدها بذراعيها وتهمس لذاتها كي تحفزها على ما هو قادم بعيون تفيض ألم وبقلب مدمي ډم 

انا قوية...قوية...مش هنهار... أكيد .....اكيد مش هيعمل فيا كده... مش هسيبها تاخده مني ...اهدي يا رهف وافتكري ولادك لازم تبقي قوية علشانهم ...كانت تجاهد ذاتها كي تظل على ثباتها و لا تشعره بشيء حين عودته ورغم هشيم دواخلها إلا أنها بالفعل تمكنت من ذلك ببراعة
أما في صباح يوم جديد داخل الحرم الجامعي
فقد كانت نظراته وبسماته العابثة تصدر كل حين وأخر لها اثناء يومهم الدراسي مما جعلها تشعر بالحنق منه وكم أرادت أن توبخه على غبائه فهو يكاد يفضح أمرهم بحركاته الصبيانية تلك
زفرت وهي تهبد كتبها اعلى الطاولة داخل كافتيريا الجامعة وجلست تنفخ أوداجها بقوة بمزاج عكر للغاية بفضل ذلك الغبي الذي يجلس على بعد منها وعينه لا تفارق موضعها وكم اغضبها ذلك وجعلها حقا تسأم منه
مالك يا نادين سرحانة في ايه
قالتها نغم باهتمام صادق وهي تجاورها وتتبع مرمى بصرها مما جعل نادين تجيبها بتوتر 
مفيش موضوع تافه متشغليش بالك
لاحظت نغم ما بها وألتقطت نظرات الآخر التي تظهر بوضوح أمام الجميع مما جعلها تقول بانفعال 
الحيوان اللي هناك ده هو السبب مش كده
نفت نادين برأسها ونظرت إلى ما تشير إليه نغم بعينها وثأثأت بتوتر 
هاااا قصدك طارق... لأ
زفرت نغم وأخبرتها بفطنة 
اصله بجح وعينه متشالتش من عليك وبرغم انه عارف انك مكتوب كتابك وفي عصمة راجل لكن معندوش ذرة نخوة ولا رجولة
ابتلعت نادين رمقها بوجل وأجابتها تدعي عدم الاكتراث 
وانا مالي هو ميشغلنيش اصلا
تنهدت نغم وربتت على يدها المسنودة على الطاولة قائلة بثقة ليست ابدا بمحلها 
انا بثق فيك وعارفة انك ذكية ومش هتغلطي ابدا انا بس واجبي إني أنبهك الولد ده سمعته وحشة وكل الجامعة بتتكلم عن مغامراته وكفاية اللي عمله في صحبتك
ثقتها التي تفوح من حديثها جعلت نادين تشعر بالخزي من نفسها حتى أن ملامحها قد تهدلت بحزن بين ذكر نغمبتلك الطفلة البائسة ذات الضفائر الطويلة التي فقدت والدتها مما جعلها تنتشلها بقولها المتلهف 
نادين مالك انت كويسة
أومأت لها نادين ببسمة باهتة تقاوم ذلك الشعور الذي داهمها متسائلة 
صحبتي مين
ميرال نسيتيها ولا ايه والله البت دي صعبانة عليا جدا ولما بشوفها قلبي بيوجعني
شيء ما هناك بأحشائها حثها على التساؤل مرة أخرى 
ليه مالها ميرال
تنهدت نغمواسترسلت بكل عفوية 
البنت علطول قاعدة لوحدها وكتير بنات بيشفوها في الحمام بټعيط ده غير أن محدش سيبها في حالها وأولهم سي زفت ده من يومين كان بيرخم عليها وفرج عليها كافتريا الجامعة كلها وكل واحد ترجم الحكاية على مزاجه وطبعا هو مش خسران

حاجة بس البنت المسكينة دي من ساعتها مظهرتش واكيد علشان عارفة ان سيرتها بقت على كل لسان
زاغت نظراتها تجاهد بقايا ضميرها وتساءلت مستغربة بنبرة مهزوزة بعض الشيء 
ليه متعاطفة معاها مش يمكن زي ما بيقولوا عليها
نفت نغم برأسها وقالت بفطنة وصلاح نية 
معتقدش وحتى لو ربنا يهديها بس عارفة رغم أنها من الشلة اياها إلا أن احساسي بيقولي أن جواها كويس ومحتاجة بس حد ياخد بأيدها وبعدين ربنا ما بيفوتش و كل اللي بيتكلموا عنها ممكن يبقوا مكانها في يوم من الأيام
كانت مع كل كلمة تطعن بها دون قصد حتى أنها أيقظت بحديثها ضميرها الكامن بعيد يتوارى خلف تمردها وعنجهيتها مما جعلها تشعر بالحنق من ذاتها فماذا لو كانت هي بموضعها طال تفكيرها في حديث صديقتها التي تجهل تماما أنها هي الرأس المدبر لكل ما يقال
ولا تعلم حينها لم شعرت بالخزي من ذاتها فحقا لا تعلم لم كل شيء حولها يتكاتف كي يزعزع قناعتها
غيرت نغم سير الحديث وهي تناولها دفتر من حوزتها 
سيبك بقى من الكلام ده خلينا في المهم انا نقلتلك كل المحاضرات اللي فاتتك هنا ولو مش فاهمة حاجة ابقي كلميني اشرحها لك
حاولت نادين قدر المستطاع الثبات والتخلي عن تلك الحالة الغريبة التي تتملك منها وقالت بود و ببسمة صادقة 
هو أنت علطول جدعة كده...
أبتسمت نغم وأجابتها بمحبة خالصة لها 
احنا مش اصحاب يا نادين احنا اخوات ولازم نخاف على مصلحة بعض
اومات نادين بامتنان وقبل أن تتفوه بأي شيء آخر كانت منه تجلس على طاولتهم قائلة بعتاب 
اهلا يا بنتي فينك مختفية ليه ده الشلة هتتجنن من غيرك
كادت نادين تجيبها لولآ نغم سبقتها بهجوم 
ويتجننوا ليه إن شاء الله من غيرها
اجابتها منه بنبرة مستخفة 
براحة عليا يا شيخة نغم أنا مش قدك
تأففت نغم وصاحت بها 
اتكلمي كويس ولازم تعرفي أن نادين مش شبهكم انتوا شلة منفلتة والجامعة كلها ملهاش