قصة جديدة
المحتويات
أرسلت جنه أنا أقصد كويس أننا نتبادل الأدوار
أرسل إياد ازاي يعني نتبادل الأدوار !!!!
أرسلت جنه أقصد بدل ما أنا على طول متقله عليك اهو تتقل عليا انت كمان و نبقى خالصين
أرسل إياد اتقل عليكي تتقلي عليا احنا عمرنا ما هنبقى خالصين احنا مكملين باذن الله
أرسلت جنه مكملين المشوار
أرسلت جنه طب مش هتقولي ازاي هاقدر اساعدك
أرسل إياد تساعديني فايه
أرسلت جنه انت لحقت تنسى واضح أنه في عمار جدا بينك و بين الكتب
أرسل إياد آه تقصدي القرايه
أرسلت جنه امال يا بشمهندس و خلاص قررت و عزمت إني هساعدك و مش هتقدر تتهرب هتحب القراءه يعني هتحبها
أرسلت جنه و من غير ما أعرف أنا خلاص في خلال 6 شهور هاكون أنشأت قارىء مبتدأ
أرسل إياد طب عظيم ايه بقى أول كتاب هتقريهولي
أرسلت جنه تقصد أول كتاب هتقراه أنا بقترح لا تحزن
أرسل إياد لا أنا أقصد أول كتاب هتقريهولي
أرسلت جنه امممممم مش فاهمه
أرسلت جنه و أنا قلت هساعدك
أرسل إياد يبقى كل يوم هاخد من وقتك ساعه تقريلي شويه لغاية أما أحب القرايه
أرسلت جنه كل يوم !
أرسل إياد أيوه أنا هآجي المكتبه و تختاري كتاب و تقريلي لمدة ساعه
أرسلت جنه بس ممنوع الصوت العالي في المكتبه
أرسلت جنه عشان منزعجش القراء !
أرسل إياد اها يبقى أنا هآجي بعد ما يخلص الدوام
أرسلت جنه أوك و أنا موافقه
أرسل إياد بس في مشكله
أرسلت جنه خير
أرسل إياد أيام الاجازه هتقريلي ازاي
أرسلت جنه خمس ايام كتير اوي و إن شاء الله فمده قصيره تكون حبيت القرايه و تقرأ بدون مساعدتي
أرسلت جنه ما أنا كنت فاكره إني هارشحلك الكتب و انت تقراهم لوحدك
أرسل إياد مليش دعوه انا عايز ال 6 شهور اللي وعدتيني بيهم
أرسلت جنه و أنا مش هاكسفك 3 شهور و هاديك الشهاده
أرسل إياد ماشي يا بكاشه
ثم أرسل و على فكره أنا عندي حل كويس جدا
أرسل إياد على فكره انتي مش مركزه معايا خالص اوعي تكوني انشغلتي بحاجه
أرسلت جنه حاجه ايه بس !
أرسل إياد بتاكلي مثلا
أرسلت جنه هو انت فاكرني مفجوعه أنا أقدر اصبر من غير أكل لفتره كبيره على فكره !
أرسل إياد أنا قلت مفجوعه فين ده !!!
أرسلت جنه امبارح بعتلي يجي 3 مسجات اوعي تاكلي حاجه الدكتور محرج و الا التحاليل هتبوظ و انهارده كمان بعتلي مسج كده عالصبح !
أرسل إياد على فكره أنا اكتشفت فيكي حاجه جديده أقول و لا بلاش
أرسلت جنه لا من فضلك نورني ايه الاكتشاف ده
أرسل إياد قماصه
أرسلت جنه نعم !!!!
أرسل إياد بتتقمصي بسرعه خالص جدا
أرسلت جنه فين ده
أرسل إياد كل ده و فين ده !
أرسلت جنه كل ده ..!!. طب كتر خيرك إنك مستحملني كل ده
أرسل إياد مش بقولك قماصه ..بس على قلبي زي العسل
أرسلت جنه طب انت عندك اجتماع دلوقتي و أنا عطلتك بما فيه الكفايه
أرسل إياد لا ده انتي قماصه قماصه
أرسلت جنه حرام عليك والله ما زعلت بس بجد مش عايزه اشغلك عن الاجتماع اكتر من كده
أرسل إياد و كده فعلا أثبتي التهمه عليكي
أرسلت جنه على فكره مسمهاش قماصه يمكن حساسه شويه
أرسل إياد اها عندك حق و أنا لازم آخد بالي بعد كده
أرسلت جنه لا عادي و هتآخد بالك من ايه !
أرسل إياد يعني أحاسب على كلامي بلاش أميرتي القماصه تزعل
ثم أرسل أقصد أميرتي الحساسه بس انتي مش عايزه تعرفي الحل
أرسلت جنه آه صحيح تقصد حل لايه
أرسل إياد ايام الاجازه أنا فكرت ممكن تقريلي
متابعة القراءة
