شوق مهران
المحتويات
قائله
مصډومة يا ريهام .. متوقعتش أبدا انه .. يعني أنا فين وهو فين .. متخيلتش أبدا ان ده ممكن يحصل
ثم نظرت الى ريهام قائله بلهفه
انتى سمعتى اللى أنا سمعته صح .. يعني بابا قال ان البشمهندس عمر طلب ايدي
ضحكت ريهام قائله
الله يسامحك يا عمر هبلت البت .. دى كانت زى الفل .. ياعيني عليكي ياختى
أنا حسه انى بحلم يا ريهام .. حسه قلبي هيقف .. مش قادرة أصدق .. طيب اشمعنى أنا .. يعني أدامه بنات كتير و أنا ...........
قطعت كلامها .. نظرت ريهام اليها قائله
ايه فى ايه
قالت لها ياسمين بإستغراب
ريهام ... هو عمر يعرف انى فى حكم اللى مكتوب كتابها
معرفش .. ايه ده .. بس هيعرف منين
أكيد سماح قالت ل أيمن .. وأيمن قاله
صمتت قليلا ثم قالت
ماهو مش معقول يكون اتقدملى وهو فاكر انى اتجوزت بجد
أخرجت هاتفها فى حقيبتها الموضوعه على مقبض السرير خلفها .. ثم اتصلت ب سماح قائله
السلام عليكم ازيك يا سماح
وعليكم السلام .. تمام الحمدلله ازيك انتى يا سمسم
قالت ياسمين بلهفه
مش فاهمة .. ازاى يعني
يعني قولتيله ان محصلش حاجه بينا
ممممم لأ ما قولتلوش حاجه زى كده .. اشمعنى
قالت ياسمين بخفوت
هبقى أحكيلك .. بس ما تجبيش سيرة الموضوع ده خالص .. اتفقنا
ماشى اتفقنا .. بس لازم أفهم .. هو نازل كمان شوية .. يخرج وأكلمك
ماشي .. مع السلامة
مع السلامة
بتقول ما قالتلوش .. أمال هو عرف منين
قالت ريهام
أكيد معرفش
قالت ياسمين بإستغراب
ازاى يعنى .. استنى أكيد عرف من المحامى
هتفت ريهام قائله
مستحيل طبعا دى أسرار يا بنتى مستحيل محامى يخاطر بسمعته ويتكلم فى حاجه شخصيه تخص القضية مع موكل عنده
بس ده مش أى موكل .. ده صاحب الشركة اللى بيشتغل فيها
اتصلت ياسمين بالمحامى .. رأت ريهام الإسم فهتفت قائله
انتى مجنونه .. هتقولى للراجل ايه
قالت ياسمين بإصرار
لازم أتأكد
أتاها صوت أستاذ شوقى عبر الهاتف
ألو
السلام عليكم يا أستاذ شوقى
وعليكم السلام .. أهلا يا دكتورة ياسمين
أهلا بحضرتك
قالت ياسمين بحرج
كنت عايزة أسأل حضرتك سؤال
فى حد كلمك سألك عن تفاصيل القضية .. أو حضرتك شرحت التفاصيل لحد
حد زى مين
البشمهندس عمر
قال الرجل بدهشة
لأ طبعا .. ومال عمر ومال قضيتك
سألته بإصرار
يعني حضرتك متكلمتش معاه فى أى تفاصيل
اطلاقا .. أنا مبتكلمش فى تفاصيل أى قضية الا مع صاحبها .. وكمان عمر عارف عنى كده كويس .. فمستحيل يوجهلى سؤال زى ده
شكرته ياسمين بحرج قائله
متشكره أوى .. ومعلش أسفه ازعجتك
لا ابدا مفيش حاجه يا دكتورة .. مع السلامه
مع السلامه
نظرت الى أختها بدهشة قائله
المحامى ماقالوش
ابتسمت ريهام قائله
ياااه .. ده شكله بيحبك أوى يا ياسمين .. كل ده وفاكرك كنتى متجوزه بجد
ابتسمت ياسمين ورقص قلبها داخل صدرها على أنغام تنفسها .. وقضت ليلتها لا يوجد فى عقلها إلا صورة واحده ... عمر .. أغمضت عينيها وسادتها والابتسامه على شفتيها وتمنت أن تراه فى أحلامها تلك الليلة ...
استقبل عمر أسرته التى وصلت الى المزرعة فى صباح اليوم التالى .. كان لقاءا مؤثرا بعد طول غياب .. قالت كريمه والدته وهى تجلس بجواره على الأريكة
اخص عليك يا عمر كل دى غيبه .. مفكرتش تنزل القاهرة طول الفترة دى .. ايه موحشتكش
ابتسم عمر رأسها ويدها قائلا
لأ طبعا وحشتيني يا ست الكل .. وعارف انى قصرت فى حقك أوى الفترة اللى فاتت .. ومش هقول أى اعذار وراضى بأى عقاپ
ابتسمت قائله
أيوه ما انت عارف انى قلبي حنين وبتعرف تضحك عليا بكلمتين
الټفت اليه والده قائلا
قولى
متابعة القراءة
