قصة سيدنا محمد عليه افضل الصلاة والسلام

يبقي لازم يخافوا عشان اكيد ربنا هيجيب الدعاء. 
فالنبي ﷺ كمل دعاء عليهم وقال  
اللهم عليك بأبي جهل بن هشام اللهم عليك بعتبة بن ربيعة اللهم عليك بشيبة بن ربيعة والوليد بن عقبة وأمية بن خلف وعقبة بن أبي معيط وذكر إسم السابع اللي معاهم  
ومشي وسابهم ..
طبعا المشركين فضلوا يعذبوا في المسلمين ويأذوا النبي ﷺ ..
لكن كان في ناس بتدخل الاسلام وكانوا بيخفوا إسلامهم ..
خوفا من تعذيب المشركين .. 
وعشان برضو مش هيعرفوا يدافعوا عن نفسهم لأنهم فئة قليلة جدا عن المشركين ..
فالنبي ﷺ قالهم خلاص أنا عندي حل 
انتوا هتهاجروا برة مكة وتروحوا بلد تانية لكن بعييييد جدا عن مكة عشان تعبدوا ربنا بدون تعذيب أو ټهديد پالقتل ..
هتروحوا الحبشة 
اشمعني الحبشة يا رسول الله !
لأن فيها ملك لا يظلم عنده أحد 
فخرج للحبشة حوالي اثنا عشر رجل وامرأتين منهم 
عثمان بن عفان وزوجته رقية بنت رسول الله ﷺ
كان تزوجها بعد ما ابن أبو لهب طلقها ..
طبعا استمر أذى المشركين وتعذيبهم للمسلمين واذيتهم للنبي ﷺ 
وفي يوم من الأيام النبي ﷺ كان قاعد عند جبل الصفا 
ف أبو جهل راحله و لوحده ووقف قدام النبي ﷺ ةقعد يشتم فيه !!
النبي ﷺ مكنش بيرد عليه 
يسكت كدة ويلم نفسه  
لا إزاي
فراح ابو جهل وجاب حجر وقعد يحدفه علي رأس رسول الله ﷺ
فالحجر فتح رأس النبي ﷺ ..
فمشي أبو جهل وراح لأصحابه عند الكعبة يحكيلهم إللي حصل ويتفاخر بانتصاره على النبي ﷺ
مين بقي شاف اللي حصل !
مولاة من الموالي اللي هي الأمة المحررة ..
وهي ماشية قابلت واحد هو من سادات مكة الأقوياء 
ومن قوته كان بيخرج للصيد بيصطاد الأسود..
ومكنش يروح البيت لما يرجع من الصيد إلا لما يطوف بالكعبة ..
مين دة !!
حمزة بن عبد المطلب عم النبي ﷺ 
ومش بس عم ده كان أخوه من الرضاعة 
فالمرأة دي وقفته وقالتله 
مشوفتش اللي حصل من شوية لابن أخوك محمد ..
أبو جهل كان هنا وشتمه وضربه...ومحمد سابه ومشي!
فڠضب حمزة جدا 
ومشي ناحية الكعبة في المكان إللي بيقعد فيه أبو جهل
لحد ما وصل عند ابو جهل 
كان قاعد وسط أصحابه 
أبو جهل كان شايفه جاي من بعيد ومتوقع بقى إنه جاي يسلم عليه زي ما بيعمل .
فلسه هيتكلم راح حمزة ماسك القوس بتاعه ومديله على دماغه فاتحها له أكثر مما عمل مع رسول الله ﷺ
وقاله 
إنت بټشتم محمد وأنا على دينه وبقول إللي بيقوله لو جدع كدة رد عليا لو تقدر 
فأصحاب أبو جهل قاموا عايزين ينتقموا من حمزة  
فأبو جهل فقالهم 
سيبوا حمزة فأنا الغلطان ...أنا فعلا شتمت ابن أخوه وأذيته جدا.
فسابه حمزة ورجع لبيته..
وبعدين حصلت الصدمة !!
هو اصلا على دين محمد ولالا !
 
يتبع....... .......
واستند إليها كأنها قوتي واعيش بها كأنها روحي...! R جميله وتملك وجها يشبه صلوات الخاشعين 
قصه_سيدنا_محمد 
١٢
الجزء_الثاني_عشر
لما أبو جهل شتم النبي ﷺ فراح له حمزة عم النبي ﷺ وأخوه في الرضاعة وضړب أبو جهل وكان عايز ينتقم للنبي ﷺ وياخدله حقه 
ف حب يغيظ أبو جهل وقاله إنت بټشتم محمد وأنا على دينه !!
وهو أصلا مكنش علي دين سيدنا محمد ﷺ
فلما دعا ربنا بصدق وقع تصديق الإسلام في قلب حمزة وراح تاني يوم للنبي ﷺ يعلن إسلامه 
قصة إسلام حمزة رضي الله عنه غير موجودة في السيرة النبوية ولكن ذكرها أهل السير 
وطبعا طالما هذه القصص لا ينبني عليها أحكام شرعية فنذكرها عادي جدا للمعرفة 
في وسط المشركين اللي كانوا بيؤذوا المسلمين والنبي ﷺ واحد اسمه عمر بن الخطاب ..
لما النبي ﷺ أذن للمسلمين انهم يهاجروا للحبشة كانوا بيخرجوا مستخبيين عشان محدش يحس بهم ..
كان في واحد من الصحابة اسمه عامر بن ربيعة وزوجته ليلى بنت أبي حثمة وهما خارجين للهجرة إلى الحبشة 
عامر نسي حاجه و رجع يجيبها وساب زوجته مستنياه 
وهي مستنية زوجها لقت عمر بن الخطاب قدامها !!
فقالها إنتي مسافرة يا أم عبد الله !
فقالتله نعم والله لنخرج من البلد دي بسبب قهركم وآذيتكم لنا لحد ما ربنا يفرجها من عنده 
فقالها صحبكم الله....وسابها ومشي !!
طبعا ليلى بنت أبي حثمة استغربت جداااا
هو ده عمر.!! هو دة اللي بيعذب المسلمين !! هو دة الغليظ الشديد !!
إزاي !!
أول ما جاء جوزها قالته لو كنت شفت عمر من شوية ورقته معايا !!
فقالها إنتي طمعتي إنه يسلم!
قالتله أه
فقالها والله لو الحمار أسلم ممكن عمر يسلم !
وقال كده طبعا من شدة قسۏة وغلظة عمر 
فضل عمر قاعد مع نفسه ومش عارف هو علي الحق ولا علي الباطل 
طب 
ياتري إيه اللي يخلي الناس تتخلى عن كل شيء في حياتها مقابل إنها تحافظ علي دين محمد 
وازاي كانوا پيتعذبوا كدة ومستسلموش !!
طب مااحنا كنا بنقول علي محمد إنه الصادق الامين لانه فعلا عمره ما كڈب أبدا اشمعني هيكذب في الدين يعني !!
ياتري أدخل في الدين ده وأكون تابع لهم ولا أعمل ايه
فضل عمر يكلم نفسه ومش عارف يوصل لحل 
وبعد ثلاثة أيام من إسلام حمزة بن عبد المطلب 
راح عمر عند الكعبة فشاف النبي ﷺ جاي وهيصلي
فأول ما النبي ﷺ بدأ في الصلاة بدأ يقرأ سورة الحاقة فقعد عمر يشوف إيه الكلام اللي بيتقال دة و يسمع القرآن من النبي ﷺ
الحاقة. ما الحاقة. وما أدراك ما الحاقة. 
كذبت ثمود وعاد بالقارعة. فأما ثمود فأهلكوا بالطاغية...
فعمر قال والله دة شاعر 
فالنبي ﷺ قرأ 
إنه لقول رسول كريم وما هو بقول شاعر قليلا ما تؤمنون 
إن القرآن لكلام الله يتلوه رسول عظيم الشرف والفضل 
وليس بقول شاعر كما تزعمون قليلا ما تؤمنون 
فعمر قال يبقى كاهن!!
فالنبي ﷺ قرأ 
ولا بقول كاهن قليلا ما تذكرون تنزيل من رب العالمين
وليس بكاهن قليلا ما يكون منكم يتأمل الفرق بينهما
ولكنه كلام رب العالمين الذي أنزله على رسوله الكريم محمد ﷺ 
فوقع الإسلام في قلب عمر وأيقن إن هو ده دين الحق 
وبعدها راح لرسول الله ﷺ فأسلم 
وأصابته دعوة النبي ﷺ 
اللهم أعز الإسلام بأحب هذين الرجلين إليك بأبي جهل أو بعمر بن الخطاب ..
وكان أحبهما إليه عمر ..
وفرح به رسول الله ﷺ وفرح المسلمين فرحا شديد جدا لدخول عمر بن الخطاب الإسلام .. 
يا معشر قريش لقد صبأ عمر 
عمر غير دينه ..
فعمر قاله كداااااب أنا مغيرتش ديني أنا أسلمت وشهدت أن لا إله إلا الله وأن محمدا رسول الله 
بعد ما عمر بن الخطاب أسلم راح لأهل قريش وسألهم مين هنا اللي بينقل الكلام في مكة !
فقالوله واحد إسمه جميل بن معمر 
فعمر راح لجميل بن معمر وقاله يا جميل أنا أسلمت ودخلت دين محمد ﷺ 
راح قايم جميل بن معمر من مكانه من غير ما يرد عليه وراح عند باب المسجد 
فعمر راح وراه يشوفه هيعمل ايه 
ف بأعلي صوت قال جميل  
يااااااا معشر قريش