قصة سيدنا محمد عليه افضل الصلاة والسلام

دول ..
فرجعوا لمكة وراحوا للنبي ﷺ وقالوله إحنا عايزين نسألك ثلاث أسئلة 
السؤال الأول إيه هي قصة الملك اللي طاف مشارق الأرض ومغاربها !
السؤال الثاني إيه اللي حصل مع الفتية اللي اختفوا في الزمن البعيد !
السؤال الثالث إيه هي الروح !
فالنبي ﷺ اتحمس أوي وقالهم حاضر هجاوب عليكم بس بكرة 
ومن الحماس نسي النبي ﷺ أن يقول إن شاء الله ..
ف تاني يوم المشركين راحوا للنبي ﷺ عشان يعرفوا إجابة الأسئلة دي فالنبي ﷺ قالهم هقولكم بكرة 
وكان الوحي انقطع عن النبي ﷺ لمدة خمسة عشر. يوما 
طبعا الكفار ما صدقوا بقي !!قعدوا يقولوا شوفتوا أهو دة كذاب !! 
اهو بقالنا خمسة عشر يوما بيقولنا بكرة بكرة ومفيش أي حاجة قالهالنا لحد دلوقتي !!
فالنبي ﷺ حزن جدا من كلامهم  
وحزن برضو لانقطاع الوحي 
فنزل سيدنا جبريل عليه السلام بسورة الكهف بيشرح فيها قصة ذو القرنين رد علي سؤالهم الأول  
وفتية الكهف رد علي سؤالهم الثاني 
والروح قال إن ميعرفش عنها حاجة لأن كل الأنبياء السابقين محدش اتكلم فيهم عن الروح 
لأن الروح من الأمور الغيبية اللى محدش يعرف عنها حاجة 
ويسألونك عن الروح ۖ قل الروح من أمر ربي وما أوتيتم من العلم إلا قليلا..
وأنزل الله عزوجل مع الجواب توجيها للنبي ﷺ فقال تعالى
ولا تقولن لشيء إني فاعل ذلك غدا إلا أن يشاء الله ۚ واذكر ربك إذا نسيت وقل عسى أن يهدين ربي لأقرب من هذا رشدا..
وكانت الاجابات دي دليلا من الأدلة اللي جاءت تصديقا على نبوة النبي ﷺ في الوقت اللي عانى فيه أهل مكة من الظلم والقهر 
وفي يوم من الأيام كان في سبعة من كبار مكة قاعدين مع بعض منهم أبو جهل وأبي بن خلف  
فعمالين يتكلموا عن النبي ﷺ ويقولوا 
احنا مصبرناش على أي حد كدة زي ما صبرنا على محمد  
عمال يفرق بينا وبين بعض ويسب آلهتنا 
ف وهما بيتكلموا لقوا النبي ﷺ جاي عليهم عشان يطوف حول الكعبة  
فتعمدوا إن هما يسمعوه الكلام اللي بيقولوه 
فالنبي ﷺ لما سمع كلامهم وجهه اتغير !! وسكت ..
فكملوا كلام وشتيمة وتريقة عليه 
فالنبي ﷺ وقف وبص لهم وقالهم
يا معشر قريش والذي نفس محمد بيده إنما جئتكم بالذبح..
فسكتوا واتصدموا طبعا !! 
طب هو إزاي النبي ﷺ يقول جئتكم بالذبح ! هو مش النبي ﷺ جاء رحمة للعالمين !
فأهل قريش لما لقوا النبي ﷺ قالهم كدة قالو انصرف يا أبا القاسم انصرف راشدا والله ما كنت جهولا..
فالنبي ﷺ مشي ..
وقعدوا يقولوا لبعض إحنا بكرة بقي هنوريه هنعمل فيه إيه !!!
تاني يوم فضلوا نفس السبعة متجمعين وبيتكلموا برضو علي النبي ﷺ ومستنين يشوفوه رايح عند الكعبة 
فأول ما شافوا النبي ﷺ راحوا قايمين وحاوطوا النبي ﷺ وعملوا اييييييييه !
تابع وهتعرف باقي القصه
 
يتبع.......
قصه_سيدنا_محمد الجميع 
١١
الجزء_الحادي_عشر
أول ما شافوا النبي ﷺ جاي عليهم راحوا قايمين عليه مرة واحدة وحاوطوه 
ووقف عقبة بن أبي معيط قدام النبي ﷺ ومسكه من عبايته من عند رقبته !! وقعد يقوله 
هو إنت بقي اللي بټشتم آلهتنا!! إنت اللي فرقت بيننا !!
انت اللي بتعيب علي ديننا !!انت اللي استصغرت عقولنا وطريقة تفكيرنا !!
فالنبي ﷺ قالهم  
نعم أنا اللي بقول كده ..
فعقبة بن معيط راح واخد عبياته ولفها حول رقبة النبي ﷺ من وراه وخنقه جدا 
مين شاف الموقف دة !
أبو بكر الصديق 
راح يجري علي النبي ﷺ وهو بيبكي وبيقول
أتقتلون رجلا أن يقول ربي الله ..
وفضل يزق ويضرب فيهم عشان يبعد النبي ﷺ عنهم 
كان واحد من السبعة دول أبو جهل 
بعد ما عدا فترة علي الموقف دة راح أبو جهل عند الكعبة وسأل الناس الموجودين 
هو محمد بييجي يسجد عند الكعبة يصلي !
فالناس قالتله اه
فقالهم واللات والعزى لو شوفته بيعمل كده لأدوس على رقبته أو أعفر وجهه في التراب 
فالنبي ﷺ كان جاي عشان يصلي عند الكعبة 
فضل واقف أبو جهل مستني النبي ﷺ يدخل الصلاة ويسجد 
أول ما النبي ﷺ سجد 
راح قايم أبو جهل عشان يدوس على رقبته وفجأة الناس شافوا أبو جهل بيرجع لورا بسرعة!
وحاطط إيده على وشه 
فالناس استغربت !! 
الله مش دة اللي لسه كان عامل فيها عشر رجالة في بعض وهيدوس علي رقبة محمد وهو ساجد !!
فالناس سألته مالك !
قالهم انا شوفت بيني وبينه خندق من ڼار وأجنحة ..
فالنبي ﷺ قالهم 
لو كان قرب مني لاختطفته الملائكة عضو عضو..
فأنزل الله تعالي 
كلا إن الإنسان ليطغى أن رآه استغنى إن إلى ربك الرجعى 
أرأيت الذي ينهى عبدا إذا صلى
شوفت أبو جهل اللي بينهيك يا محمد عن الصلاة 

أرأيت إن كان على الهدى 
شوفت إن كان هو المنهي عن الصلاة على الهدى فإزاي ينهاه 
أو أمر بالتقوى 
ولو كان آمرا غيره بالتقوى هينهاه عن ذلك إزاي برضو 
أرأيت إن كڈب وتولى 
شوفت إن كڈب هذا الناهي باللي بيعرض عنه 
ألم يعلم بأن الله يرى 
هو فاكر إن ربنا مش شايف كل اللي بيعمله 
كلا لئن لم ينته لنسفعا بالناصية 
هو لو مرجعش عن شقاقه وأذاه ليك يا محمد لنأخذن بناصيته أخذا عڼيفا ويطرح في الڼار 
ناصية كاذبة خاطئة 
ناصيته ناصية كاذبة في مقالها خاطئة في أفعالها
فليدع ناديه 
هيحضر الطاغية دي أهل ناديه اللي بينتصر بهم 
سندع الزبانية 
سندعو ملائكة العڈاب 
كلا لا تطعه واسجد واقترب..
أبو جهل مش هيقدر يأذيك يا محمد فلا تطعه فيما دعاك إليه  
لان كل غرضه منك هو ترك الصلاة 
فاسجد لربك واقترب منه بالتحبب لله بطاعته 
مين فيكم هيروح يجيب أمعاء البعير ويحطها على ظهر محمد وهو ساجد !
انااااااااا
خلاص هو اللي هيقوم بالمهمة دي عقبة بن أبي معيط ..
في يوم من الأيام النبي ﷺ كان بيصلي عند البيت 
فأبو جهل وباقي السبعة اللي بيأذوا النبي ﷺ والمسلمين كانوا قاعدين بيتكلموا مع بعض  
فأول ما شافوا النبي ﷺ هيصلي فأبو جهل قالهم 
مين فيكم هيروح يجيب أمعاء البعير ويحطها على ظهر محمد وهو ساجد !
ف عقبة بن أبي معيط قال أنا اللي هعمل كدة !
وقام وجاب الأمعاء ووقف يستني النبي ﷺ يسجد  
وأول ما سجد النبي ﷺ راح حاطط على ظهره أمعاء البعير 
وقعدوا يضحكوا على النبي ﷺ !
مين اللي شاف الموقف دة ! عبد الله بن مسعود 
للاسف عبدالله بن مسعود مقدرش يروح يشيل الأمعاء من علي ضهر النبي ﷺ ..
ف راح قال لفاطمة رضي الله عنها بنت رسول الله ﷺ اللي شافه 
ف جاءت فاطمة بسرعة وشالت الأمعاء من على ظهر النبي ﷺ 
أول ما النبي ﷺ خلص صلاة فقال بصوت عالي جداااا اللهم عليك بقريش ..اللهم عليك بقريش..اللهم عليك بقريش
فسكتوا وبطلوا ضحك وخافوا جدا من دعاء النبي ﷺ عليهم 
ماهما عارفين إنهم بيأذوه ويضايقوا فيه وعارفين إنه الصادق الامين ومش كذاب 
فلما يدعي عليهم كدة