حاصله علي امتياز

فتبعتها سعاد بعينيها وقالت بمكر بقى انتي يايسرا مستغربة ياسر ليه مش راضي يتجوز هيتجوز إزاي وبنت زي
دي عايشة معاه زمانها مجنناه ومش مخلياه يفكر في حاجة غيرها
تعجبت يسرا وقالت لا ياسعاد ياسر عمره مايبص لواحده زي دي دي طلعت ولا نزلت شغالة وهو متمسك بها
عشان خاطر الولاد بس إنما مش الدكتور ياسر ابني اللي يفكر كده 

نظرت لها سعاد بخيبة وقالت متستبعديش حاجة ياسعاد دي بت مسهوكة ومتمسكنة وهما دول اللي بيطلع منهم العجب ماشوفتيش فاروق جوز جيهان واللي عمله طلع متجوز عليها الشغالة بقاله سنتين وهي كانت نايمة على ودانها 
ردت عليها يسرا بريبة وقالت خوفتيني على ابني طب والحل إيه وابني مش مستغني عنها عشان عياله
أجابتها سعاد الحل إنك متسيبيش واحدة زي مع ابنك لوحدهم ولازم طول الوقت تعرفيها مقامها وتكسري مناخيرها لحد ما تقنعي ياسر وتجوزيه واحدة بنت ناس زيه تغنيه عن الأشكال دي
لم تعلم غصون كيف صمدت وصبرت دون أن تصرخ حتى انتهى ذلك الحوار المقيت بينهما فهي مجرد أن ذهبت من أمامهما لم تنتظرا مغادرتها وبدأتا في الحديث لذا تملكها الفضول ووقفت جانبا حتى تنتهي كل منهما من تلك الكلمات المسمۏمة التي أشعرتها أنها لا قيمة لها وأن كرامة الإنسان بعائلته كما ترى أما هي فقد كانت وستظل بلا عائلة مدى الحياة.
مشت بخطوات ثقيلة وعادت بالولدين لجدتهما وتركتها ترحب بهما وقالت بخفوت تحبوا تشربوا حاجة
رفعت كل منهما نظرها لها بإستحقار وقالت يسرا أنا برتقال فريش ثم قالت سعاد وأنا قهوة مظبوطة
أومأت رأسها وذهبت للمطبخ تعد لهم المشروبان ولكن خنقتها الدموع لشعورها بالدونية أمامهما فماذا فعلت لتستحق ذلك وتعجبت كيف لإمرأة مثل تلك أن تنجب فخرا كياسر وعظيمة كياسمين وملاكا كآسر.
ظلت
دقائق حتى تنتهي من حالة الرثاء التي تنعي فيها نفسها وتستعيد هدوءها وتعود لهما ولكنها انتفضت فجأة عندما سمعت صوته خلفها يسألها بټعيطي ليه ياغصون
رفعت يدها تلقائيا تمسح دموعها وتقول لا أبدا أنا معيطتش
سألها بنبرة حانية ماما زعلتك بحاجة 
أسرعت تهز رأسها نافية وتقول لا أبدا.. مزعلتنيش ف حاجة
هز رأسه بعد اقتناع وقال طب ممكن تجهزي عشا عشان كده باظت الخروجة مع الولاد
هزت رأسها بهدوء وقالت تحت أمرك.. دقايق ويكون جاهز
وبالفعل نفذت يسرا وصية صديقتها وأخبرت ياسر أنها تريد أن تمكث معه في المنزل بضعة أيام لأنها ملت الوحدة في غياب يمني بسبب بقائها في المستشفى مع يوسف وقد رحب ياسر بذلك ولكنه أصر ألا تغادر غصون كل مساء فأمه في المنزل ولا داعي لقلقها لا يعلم أنها كانت سبب ألمها وضيقها فهي كانت لاتمل من توبيخها وذمها في كل ماتفعله غصون ومع ذلك طوال النهار أثناء غياب ياسر كانت تكلفها بمهام شاقة مع مراعاة الأولاد أصبحت لا تتحمل وذات ظهيرة يوم وبينما ياسر في عمله ولن يعود سوى مساء اليوم كانت ترتاح يسرا في الغرفة التي خصصت لها في المنزل ونادت على غصون وقالت لها خلصتي الغدا
ردت غصون كل حاجة جاهزة ونص ساعة ويكون خلصان
وبختها يسرا نص ساعة ليه أنتي مش عارفة إن ده ميعاد غدايا
ردت غصون بأسف آسفة بس كنت مشغولة بتنضيف الشبابيك زي ماحضرتك قولتي
انفعلت عليها يسرا وقالت أنتي إيه مش عاجبك ومالك مضايقة كده
هو ده مش شغلك وإنتي مكلفة بيه 
ردت عليها غصون بإنكسار أنا بس مش عايزة اعصي حضرتك بس ده مش شغلي أنا كل شغلي هنا هو إني أراعي الأولاد بس.. و.. 
انفعلت يسرا وقاطعتها وترسمي على أبوهم لما يتجوز واحدة من غير أصل زيك أنتي فاكرة إني مش فاهماكي ياخبيثة يالئيمة إنتي بس دا بعدك وابني مش هسيبه
غير لما اطمن عليه 
اڼهارت غصون وقالت بدموع وانفعال حرام عليكي.. كفاية ظنون فيا بقى أنتي شوفتي مني إيه عشان تقولي كده أنا.
قاطعها صوته من خلفها وهو يقول بصرامة أنتي ست البيت هنا ياغصون وهتفضلي سته على طول
تفاجأ الإثنتان من وجوده وساد صمتهما فاستكمل قائلا
يزيد كان بيحكيلي على كل حاجة بتحصل في غيابي بس الغلط مش غلطك ياأمي الغلط غلط اللي بتتهاون دايما ف حقها
أخفضت بصرها ومازالت دموعها تسيل فنظر لأمه التي تنظر پغضب وقال وصدقيني ياأمي.. انا هطمنك عليا وهتجوز 
ابتسمت الأم وتحول ڠضبها وقالت بجد يا ياسر
نظر لها بغموض وقال بجد ياأمي 
سألته بسعادة قولي بقى هتتجوز بنت مين 
نظر لغصون التي تنظر أرضا وقال هتجوز غصون
الفصل_الثامن_عشر
هتجوز غصون... تلك الكلمة التي كانت بمثابة مطرقة كبيرة سقطت على رأسها أفقدتها صوابها فنظرت له بتعجب
تسأله غصون مين
نظر لها نظرة غامضة وقال بهدوء أنتي ياغصون
نهضت أمه واقفة تقول بإنفعال أنت اټجننت ياياسر أخرتها.. آخرتها تتجوز الخدامة يافضيحتك يايسرا وسط الناس
اقترب منها ياسر وقال بتحذير قولتلك مية مرة ياماما غصون مش خدامة ولو سمحتي ده اختياري وأنا مسئول عنه
ردت عليه بحزن دا أنا عرضت عليك جميلات البلد بنات حسب ونسب وأعلى الشهاداتورفضتهم