اسعد قلبي

كلنا تقريبا .. هو بصلها بضيق كده وقالها اخر مره تيجي متأخره بعد كده لاقيتي الدكتور بتاعك دخل ماتبقيش تدخلي .. لاني مش هسمح بعد كده أن حد يدخل بعدي قالت له انا أسفه ومش هتتكرر تاني و قالها اتفضلي و ماكنش طايقها ماعرفش ليه !
سلسبيل امممم ... بس كده ماحصلش حاجه تاني !
مريم اه حصل إهدي شويه وانا هقولك 
سلسبيل بابتسامة طب انجزي ياختي 
مريم طول ماحنا في المحاضره عمال يبص و يدور في القاعه كلها و بعد اما خلصنا وانا خارجه ..
سلسبيل أيوه !!
مريم كنت هقع يابنتي وشكلي كان هيبقي وحش اوي 
سلسبيل و ماوقعتيش ليه وكانت تتكسر رقبتك ..
مريم بضحك ولما تتكسر رقبتي مين هيقولك أنه سألني عليك يعني 
سلسبيل اقفلي يلا مش عايزه اعرف حاجه 
مريم خلاص خلاص بعد ما اتكعبلت ضحك عليا وقالي براحه وبعدين قالي هي سلسبيل ماجتش النهارده ليه هي تعبانه ولا ايه ! قلت له لا هي كويسه الحمدلله بس هي حست بصداع وماقدرتش تيجي .. قالي طب لو حاسه بحاجه تروح للدكتور ولا حاجه طب .. قلت له هما شويه صداع وخدت برشام وبقت كويسه الحمد لله خلاص .. قالي طب الحمد لله ابقي طمنني عليها قلت له حاضر ..وبس كده ياستي خرجت بكسفتي 
سلسبيل تستاهلي 
مريم هعديهالك ... بس قوليلي ايه سر الاهتمام ده في ايه !
سلسبيل وانا اش عرفني ما سألتهوش ليه !
مريم يابت ولما أنت ماتعرفيش ملهوفه ليه كده تعرفي اللي حصل و كأنك عارفه أنه هيسأل عليك .
سلسبيل مش عارفه يا مريم و حاسه بحاجه غريبه كده وقلبي بيدق جامد لما بشوفه مش عارفه ليه .. احساس غبي 
مريم انتي اللي غبيه تقريبا يظهر كده أن قلبك سعد به 
سلسبيل بس يا بت ويلا بقي العشاء وجبت .. سلام الله عليك 
مريم وعليك السلام .
و قفلوا في لحظه ما سلسبيل قفلت دخل عمر اخو سلسبيل قالها انتي كنت بتكلمي مريم !
سلسبيل أه كانت مريم بتطمن عليا في حاجه ! 
عمر لا مفيش كنت بسأل بس .. هي كويسه صح !
سلسبيل أه يا عمر كويسه ماتقلقش انا اللي تعبانه .
عمر مش مهم أنت دلوقتي !
سلسبيل بقي كده !
عمر بهزر معاكي هو الواحد مايعرفش بهزر معاكي أبدا .
سلسبيل لا ماتهزرش وامشي اطلع برا بقي .
عمر يابنتي احترميني شويه بيقولوا اني اخوكي الكبير 
سلسبيل طب خليك بقي كلم نفسك كده وانا هقوم اتوضأ ... ولسه بتخرج من الاوضه عمر مسكها من الزعبوط الطاقيه بتاعت الترنج يعني وقالها هو انا مش لسه بقولك اني اخوكي الكبير وانك تحترميني تقومي تمشي وتسبيني كده ده انا حتي ضيف في اوضتك يعني مش كده ..
سلسبيل سيب الزعبوط يا أستاذ عمر ويلا نلحق صلاة العشاء و بالمره نصليها جماعه
..
عمر أيوه كده يلا بينا نصلي جماعه .. وضحكوا هما الاتنين وخرجوا من الاوضه 
عمر اخو سلسبيل الكبير متخرج من طب أسنان و بيحب مريم لأن مريم متدينه و محترمه وشبهه أخته سلسبيل و مستني انه يفتح العياده بتاعته و هيتقدم لها و العياده فاضلها شهر و تتفتح 
تاني يوم الصبح سلسبيل نزلت و قابلت مريم صاحبتها و حضنتها لأنها وحشاها اوي و راحوا الجامعه و دخلوا القاعه و سليم دخل و أول ما دخل بص كده شاف سلسبيل و ابتسم كده بعد اما كان جاي متدايق بقي مرتاح لمجرد أنه شافها .. 
سليم كان جاي متدايق لأن باباه