اسعد قلبي

الدكتور بتاعك تقومي تقفي احتراما له .. فاهمه 
مروه في ايه كل ده علشان البت دي دي قليله الذوق و غلطت فيا وكنت مستنياك تردلي حقي ماشوفتش منك اي رد فعل خالص ..
سليم من ساعة أما اتخطبنا وانا مش عايز الخطوبه دي ولا انتي البنت اللي بحلم بيها بس انتي اللي كنتي بارده ولا بتاخدي بالك .
مروة بدموع طب ليه ليه خطبتني من الاول و خلتني أحبك كده ليه 
سليم أبويا اللي غصبني عليكي مانتي عارفه أن عيلتنا مش بتتجوز من برا بس انا هغير الفكره دي تماما .
مروه و فتاة أحلامك دي بقي سلسبيل مش كده! شكلك باين وانت متعصب عليا و زعلك علشانها و لهفتك ع شوفتها .. و بكل شړ بتكمل وتقول بس صدقني مش هسيبك تتهني بيها يوم . و اعتبره وعد .
ولسه هتمشي مسك أيدها من ساعد إيديها كده من فوق الكم و قالها استني حط الدبله في ايديها وقالها خدي دي وانتي ماشيه .. بصلته بضيق و هي ماشيه قالها بهدوء خدي الباب في إيدك الله يباركلك 
خرجت مروة بكل غيظ و ۏجع قلب و قابلت سلسبيل في طريقها وقفت و قالت لها انتي اللي بدأتي و إحذري شړي بقي ... عدى 3 شهور من غير ما سلسبيل تقابل مروه و كل يوم سليم بيتكلم معاها و بيتودد لها و ممكن لو فيه وقت بين المحاضرات بيقعدوا و يتكلموا و يضحكوا بس طبعا وسط طلاب كتير و سليم مش بيبقي مركز غير مع تفاصيل سلسبيل وبس ساعتها سلسبيل بدأت تتشدله 
و في يوم سلسبيل مارحتش فيه الجامعه لاقت مريم بتتصل بيها و بتقولها عندي ليك خبر مش هتصدقيه ..
سلسبيل خير في ايه 
مريم زي مانتي عارفه أن دكتور سليم كان أول محاضره و احنا قاعدين لاقينا الباب بيخبط و تدخل ....
يتبع ..
البارت الرابع
سليم بعد اما خلص المحاضره قالهم ماحدش يخرج عايزكوا كلكوا تشهدوا عليا و قام وقف و بأعلي صوت قال سلسبيل ممكن تيجي هنا لو سمحتي !
سلسبيل انا !
سليم اه لو سمحتي .
سلسبيل قامت و وقفت جنبوا بس كان في مسافه بينهم . بصلها وقال كنت ببقي مجبور علي حاجات كتير ماكنتش عايزها بس النهارده و بمساعدتك أنت مش هبقي مجبور في حاجه و هبقي انا اللي اخترت .
سلسبيل بمساعدتي انا !!
سليم اه وهي انك تقبلي انك تكوني النص اللي بيهديني و بيساعدني اني ارضي ربنا سبحانه وتعالى النص اللي هكمل بيه طريقي للنجاح و نوصل سوا ونبقي واحد .. تبقي النص اللي ربنا كاتبهولي بقيت حياتي .. النص اللي بيكملني و بيدعمني .. النص اللي انا شايفه حاجه مستحيل أنها تتكرر تاني .. النص اللي مالوش مثيل .. انك تقبلي اكون شريكك في الحلو و المر .. وانا بقولك قدام الناس كلها والكل يبقي
شاهد عليا و قبليهم كلهم ربنا اللي زرع حبك جوا قلبي اني افضل احبك و ابقي سندك في أي قرار تاخديه واني اكون الجزء الحلو اللي في حياتك اللي عمرك ما هتندمي عليه .. تقبلي اني اكمل بيكي نص ديني ! علي فكره انا كلمت باباكي وهو وافق وانا طلبت منه اني اعرف اجابتك بنفسي .. تقبلي تبقي شريكة حياتي 
فلاش باك
لما كانت سلسبيل في المستشفي سليم قال عن اذنكم بقي .. سلام الله عليكم . ومشي ..خرج معاه بابا سلسبيل يوصله لحد برا ..