سيدة القمر الاسود
المحتويات
ازاي وبكده يبقى حققنا انا وانتي اول جزء من احلامنا..
ابتسمت مرام بسعاده وتفهم وهي تراه يترك يدها ويتنحنح بحرج ..
وهو يحاول السيطره على مشاعرهوهو يقول بأمل
ها يا جماعه ..نكمل والا بلاش ونخلينا في شغل التصميمات الصغيره..
ابتسمت حبيبه بحماس وهي تعلم اهمية ربح المناقصه بالنسبه لمرام وياسر ..
ا نا معاكم وان شاء الله هنكسب المناقصه..
وانا كمان معاكم ..وهنكسب ونكسر الدنيا..
اشارت مرام لهم بالصمت وهي تخرج للخارج
إستنوا يا جماعه ..الظاهر في حد جه بره..
ابتسم ياسر وهو يقول براحه..
حبيبه عاوزين نراجع الشغل بتاع قصر الرشيدي دا مهم اوي..انا عملت شوية تصميمات وعاوز اراجعهم مع تصميماتك ونشوف هنختار ايه نعرضه عليهم وننفذه
انا جاهزه تحب نبتدي دلوقتي..
الا ان مرام قاطعتهم وهي تقول بتبرم
في واحده بره عاوزه تقابلك انت وحبيبه يا ياسر ..
ياسر بتساؤل..
واحده مين..مقالتش اسمها..
مرام بضيق واضح.
اسمها فيفي ..ومرضيتش تقولي هي عاوزه ايه ..طلبتك انت وحبيبه بالاسم..
اشار ياسر لحبيبه وهو ينظر لمرام بدهشه لتغيرها المفاجئ..
ثم غادر الغرفه في حين مالت حبيبه على مرام تسئلها بدهشه ..
مالك وشك مقلوب ليه
مرام بغيظ
روحي وانتي تشوفي بنفسك.. والا اقولك ..انا جايه معاكي مش هسيبه مع الهشك بشك دي لوحدهم..
اڼفجرت حبيبه وساره في الضحك في حين قالت مرام بغيظ
هاتيجي والا هتقعدي تكملي ضحك معاها..
طبعا جايه..يلا بينا نشوف الهشك بشك الي عصبتك دي..
ثم توجهت معها الى
احدى غرف المكتب الغير مستخدمه والتي تتميز بالاناقه ولا تستخدم الا في مقابلة الزبائن اصحاب الشأن..
لتجد ياسر يجلس على احد المقاعد في حين تجلس في مقابلته سيده في الاربعينيات من عمرها طويله ذات قوام ممشوق وشعر طويل اشقر مصبوغ..
اهلا وسهلا..انا كنت لسه بشرح حالا لبشمهندس ياسر ..إني انا عندي نادي صحي كبير وكنت عاوزه اعمله ديكورات شامله.. ولما شفت الشغل الي عمله بشمهندس ياسر مع انسه حبيبه عجبني جدا .. وقلت اني اخيرا لقيت الي هينفذولي الشغل الي نفسي فيه
ان شاء الله هتلاقينا عند حسن ظنك ..
ابتسمت فيفي برقه وهي ترمق ياسر باڠراء وتقف وهي تقول بابتسامه رقيقه
انا متأكده يا بشمهندس والا مكنتش جيتلكم..
ثم اخرجت بطاقه من حقيبتها و اقتربت من ياسر حتى كادت تلتصق به وهي تقول بدلال ..
دا الكارت بتاعي عليه تليفوناتي وعنوان المكان ..ياريت تشرفني انت وأنسه حبيبه علشان تعاينوا المكان ما تبتدوا تشتغلوا في التصميمات..
اختطفت مرام البطاقه من يدها وهي تبتسم برسميه..
ان شاء الله كلنا هانيجي وهنعاين المكان مع بعض..
رفعت فيفي حاجبيها بدهشه ثم ابتسمت بسخريه..
تشرفي يا حبيبتي..المهم عندي ان الشغل الي انا عوزاه يطلع
زي ما انا عاوزه بالظبط ..
ثم حملت حقيبتها وهي تقول بهدوء..
سلام يا جماعه..هستناكم بكره عشان تبتدوا الشغل بسرعه..
تحرك ياسر معها حتى الباب الخارجي للشركه..وهو يتحدث معها عن التفاصيل تتابعهم عيون مرام التي تكاد بنفجر من شدة الغيظ..
في المساء..
جلست حبيبه على الفراش وهي تفرد كميه كبيره من الاوراق والمستندات امامها وتنظر الى جهاز الحاسوب الخاص بها تحاول بجد دراسة مشروع المناقصه التي يحاولون الفوز بها وهي تحاول تطبيق القليل مما تعلمته من دروس خاصه بالتصميمات ولكنها فشلت في النهايه من احراز اي تقدم لتقول بيأس..
انا مش فاهمه اي حاجه..انا كان مالي ومال المناقصات والعقد دي كلها ..انا اخري اشتري كرسي يليق على سجاده مش مناقصات وكلاكيع..
رفع عمر حاجبه بدهشه بعد دخوله الى الغرفه و مشاهدته لها تكاد ان بغرق وسط الاوراق المتناثره على الفراش وسماعه
لها وهي تتحدث مع نفسها بضيق..
اي يا حبيبي حابسه نفسك في الاوضه من ساعة ما رجعتي من
الشغل ليه..وايه الورق دا كله..
حبيبه بضيق..
دا ورق مناقصه المفروض ندخلها ومحدش فينا كلنا عنده خبره ومش عارفين نقارن بين المصروفات والي هنكسبه علشان منطلعش خسرانين من المناقصه دي..
ثم تابعت وهي تتأمل الاوراق بضيق..
فكل واحد هيحط تصور وفي النهايه هناقش كله ونختار التصور الاحسن..
بس زي ما انت شايف..انا فشلت فشل زريع وحاسه اني مش فاهمه اي حاجه..
ابتسم عمر وهو يقول بحنان..
وعشان كده متغدتيش لحد دلوقتي وحابسه نفسك هنا من ساعة مارجعتي..
ثم مال عليها
و وجنتها وهو ينهض ..
انا هدخل اخد حمام على السريع..
وارجعلك حالا نحل مع بعض اللغز الكبير ده..
ثم اشار لها وهو يقول بمرح
بس خلي حد يطلع لنا الغدى هنا لاني ھموت من الجوع..
بعد قليل..
استلقى عمر بجانبها بعد ان انهى حمامه وارتدى ملابس منزليه مريحه وهو يقول باهتمام..
وريني كده الاول كراسة الشروط ..
ثم بدء بقرأتها باهتمام..وهو يوجه لها العديد من الاسئله ويدرس الاوراق التي امامه ..
ثم بدء في الشرح لها بجديه وهدوء اكثر من مره دون ان يشعر بالملل حتى بدئت في استيعاب قليلا ..قليلا ما يشرحه
متابعة القراءة
