في حقي لن اتردد

جوازة واحدة تبوظ.
الجملة دي أنا مؤمن بيها من أول ما كنت شاب 
الجواز عمر جديد لو ملقيناش شخص بينا وبينه مودة ورحمة وتفاهم هنعيش عمر كامل سوا إزاي! 
الحياة مش وردي والدنيا فيها مشاكل وكل بيت فيه بلاوي محدش يعرفها غير صحاب البيت بس ع الأقل فيه مودة بين الناس اللي فالبيت تخليهم يكملوا حياتهم مع بعض حتى ف وجود المشاكل.

عينه دمعت وهو بيفتكر ماما واللي كانت بتعمله معاه لما كانت عايشة 
خدني ف حضنه وهو بيقول أنا لو عليا أخليكي عايشة معايا العمر كله هو أنا عندي أغلى منك عشان أسلمك لواحد ميحافظش عليك!
مسحت دموعي وأنا بحضنه وبقوله ربنا يديمك ليا ويديك الصحة وطول العمر.
يمكن حظي مش كبير في الدنيا بس يكفيني إني عندي أب زي بابا وأنه صاحبي اللي عمره ما بيخذلني!
بتمر الايام مكانش فيه مشاعر حزن من ناحيتي 
هو ميستحقنيش ميستحقش قلبي.. وأنا قلبي غالي.
بكلمك بجد يا ياسمين أنا لو ملبستش فستان فرحي على الشهر الجاي بالكتير هزعلكو.
يخربيت هرمونات الامتحانات اللي تعمل ف الواحد كده.
مليش غير بيت قرة عيني كدا كدا.
هو فين قرة عينك دا يا قرة عيني
بصيت بعيد وقولت هيجي وهيخطفني كده من أول مرة يعني هتبقى قصة..
مكملتش كلامي وخبطت ف حيطة على هيئة بني ادم.
دي قصة عبرة بصحيح مش تفتح عينك يا جدع أنت!
مخدتش بالي يا أمورة.
أمورة! أنت بتكلم بنت أختك!
هو أنت معانا ف الجامعة افتركتك جاية مع حد.
لا بقى لا بقى مش عشان هو طويل وقد المبنى اللي وراه يتريق علي!
أنت اللي م.. ينهارسود عليك!
لا إله إلا الله أنت مچنونة!
مچنونة! دا أنا هوريك الجنان على أصوله يا جدع أنت.
شاورله على الأرض وعليت صوتي بص ف الأرض! بص عملت إيه!
لما خبطتني القهوة والكتاب وقعوا من إيدي والكتاب باظ!
يعني هيكون بكام الكتاب دا!
حسيت إني هفقد أعصابي الدموع اتجمعت ف عيني وزعقت بجد! كل اللي همك سعر الكتاب! طب ما أنا أقدر أشتري عشرين نسخة