معذبي
المحتويات
..بقلم منال عباس
شعر احمد بالسعادة فى قلبه ..أهناك من تحبه وتهتم لأمره وهو لا يعلم ...
وكأن الله يعوضه بحب يحتاجه من كل قلبه من تلك الفتاة الطيبه ...
احمد أن شاء الله يا فريدة ..اخلص بس موضوع ساجد وأجى انا ووالدى نتقدم ليكى رسمى بصورة تليق بيكى وبمقامك الغالى ...
فريدة والسعادة تملأ قلبها وانا هفضل فى انتظارك يا احمد
فريدة بحب وانت من اهل الخير...
يمر الوقت وينام جميع أبطالنا ليأتى الصباح بأخبار جديدة وامل جديد ..
ساجد يارب انت عالم بحالى ...عمرى ما ظلمت حد ونجينى من اللى انا فيه ...
يرد عليه أحد السجناء تحب تخرج من هنا ...
ساجد أخرج ازاى !!!
السجين انا ليا ناس ..واعرف اخرجك من هنا ..واسفرك برا مصر كمان ...
السجين لا دى حكايه طويله ...فكر براحتك ..ولما تنوى عرفنى ..وتركه وقام من جانبه ...
ساجد معقول ..ابقي برئ واهرب كأنى يثبت للجميع ..انى مذنب
وانى السبب فى ۏفاة الناس دوول ....
يخرج ذلك السجين بعد أن نادى عليه العسكرى ..لمقابله زيارة له ...
السجين زى ما حضرتك طلبت بالظبط ..
الزائر وهو كان رده ايه ...
السجين انا سيبته يفكر ..واكيد دا عرض محدش يرفضه ..
الزائر برافووو عليك ...
هنتظر تجيبلى الاخبار الحلوة فى الزيارة الجايه ..وأعطاه مبلغ كبير من المال وغادر .....يتبعالجزء الثاني
معذبي بقلم منال_عباس
البارت الخامس عشر
بعد أن أعطى الزائر للسجين مبلغ كبير من المال ..غادر ...يعود ذلك السجين إلى محبسه ليجد ساجد يجلس وهو يفكر
ساجد انا ..لا مش هقدر اعمل كدا ...انا ما اذنبتش انا بريئ ليه اهرب
السجين وانت ايه يأكدلك أنك هتاخد البراءة ....
ساجد اكيد ربنا هيظهر براءتى ..
السجين عموما فكر ...وانا عايز مصلحتك ...وتركه فى دوامته من جديد ...
عند ماسه
يرن هاتفها ...تفتح بسرعه
المتصل هه وصلتى لايه مع احمد
المتصل وليه ايام ...انا عايز الملف بسرعه ..ولا ساجد ما وحشكيش ..
ماسه ارجوك ...لو عندك اى حاجه تثبت براءته ..انا هجيب ليك ملف المشروع كله بس ساعد ساجد ....
المتصل الشرط نور يا حلوة ...تسلمينى الملف ...هسلمك اللى يثبت براءته ....وكله يعتمد عليكى ...مش معقول الجمال دا كله ما يخليش احمد يسلمك حياته وهو راضى كمان ...يلا سلام ...وما تتأخريش واغلق الهاتف..
عند رامز
رامز تفتكروا احمد فعلا هيرضي يضحى بمشروع الدكتوراه بتاعه ..علشان يساعد ماسه ...
هيثم والله انا مش عارف ...على حسب معلوماتى ..أن ماسه كانت الحب الاول لاحمد ....
رامز ماسه من خلال التصنت على فونها حكت كل حاجه لشاكر بيه ...واضح أن البنت دى محترمه ...وخلت جد زوجها يعرف كل حاجه ..علشان محدش يشك ..أن فى حاجه بينها وبين احمد ...
محسن المهم ازاى لحد دلوقتي..مش قادرين نوصل لمكان اللى بيتصل بماسه...بقلم منال عباس
هيثم للاسف الشخص دا ..واضح أنه عارف هو بيعمل ايه والدليل أنه بيستخدم أجهزة تشويش ...بتخلينى ما نقدرش نحدد مكانه ....
محسن انا عندى شك فى واحد كدا ...وخصوصا أن جالى اخباريه أن نفس الشخص راح النهارده السچن وزار أحد السجناء ...بس لما سألت لقيت السجين دا مالوش علاقه ب ساجد ...عموما انا أمرت بمراقبه السجين دا داخل محبسه ...يمكن نوصل لحاجه ...
رامز اول قضيه تاخد معانا الوقت دا كله ...احنا بنتعامل مع شبح مش عارفين شكله ولا مكانه ولا تفكيره
محسن كل المعلومات اللى جمعناها ..لحد دلوقتي ...تأكد أن كل الچرائم اللى حصلت مرتبطه ببعضها
وتؤكد أن البيج بوص المجهول لينا حاليا ..هو اللى وراء كل دا ...
عند زاهر
يصل احمد الى زاهر فى مقر عمله
زاهر يا اهلا يا احمد ..طول عمرك مواعيدك مظبوطه بالدقيقة
احمد انت عارف ان دا تعود ...
زاهر قولى بقي وصلت لاسم المنتج والوقت ...
احمد الحقيقه لسه ...بس منتظر مكالمه من ماسه ...هتعرفنى كل حاجه
وانا معاك ..ما حبيتش اتأخر عليك ...
زاهر تمام ..قولى قهوتك لسه مظبوطه ولا غيرت
احمد لا زى ما هى مظبوطه ...
طلب زاهر من الساعى إحضار قهوة مظبوطه ...
عند ماسه
ماسه عمر ..كويس انى لحقتك قبل ما تروح الشركه ..
صبا ليه نزلتى يا ماسه من السرير. ...ما اتصلتيش ليه واحنا نجيلك ..ما انتى عارفه انى انا وعمر ..مش هنسيبك فى الفيلا طول ما ساجد مش موجود ..
عمر فعلا يا ماسه ..المهم اقعدى استريحى ..وقولى عايزة تقولى ايه ...
ماسه كنت عايزة اعرف اسم العلاج
اللى فى قضيه ساجد ..وكمان ميعاد دخول الصفقه دى كان امتى ..
عمر اسم الدواء ..كان ......... وميعاد دخوله للاسف فى الملف اللى انسرق من الشركه ..بقلم منال عباس
ماسه ازاى انسرق ....واشمعنى دلوقتى
عمر والله ما عارف اقولك ايه...
ماسه دا بيأكد أن فى حد ورا الموضوع
متابعة القراءة
