حبي الاعمي

وبرغم إن كنت ھموت وأنام بس برضو رغبتي إن عايزة اتكلم مع حد غلبتني فعدلت من حجابي وإسدالي عشان آدم أكيد هيبقى برة وخرجت قعدت معاهم وإتفجأت لما لقيت ناس كتيرة نوعا ما و وقتها بصتلهم بكسوف ومش عارفة المفروض أدخل تاني أوضتي ولا اعمل إيه بس عمي أنقذني لما لقيته إجه وقف جمبي
_ دي بنتي هاجر ولسة راجعة من السفر و دول يبنتي جيرانا ومن الوقت للتاني بيزرونا ونقضي وقت مع بعض

إبتسمت ليهم وقعدت أنا وعمي وبصراحة هما مقصروش ما شاء الله عليهم ما حبوش يحسسوني إن قاطعتهم ومن كتر حرصهم على ده فضلوا 
يبصوا عليا بس و يوشوشوا بعض والابتسامة بتاعتهم كانت مبينة أوي إن فعلا أنا مرحب بيا في القعدة دي لغاية لما ست كبيرة كدة باين عليها كل حاجة إلى الطيبة بصراحة لقيتها بتقول 
_بنتك إزاي يعني الكل هنا عارف إن معندكش غير الواد آدم 
دي بنت أخويا وهي عوضتني عن خلفة البنات وبفتخر لما أقول إنها بنتي
_بس محكتلناش عنها قبل كدة يعني
قاطعتها أنا وقولت أنا آسفة على التدخل مع إن مش فاهمة بصراحة مين اللي إدخل فينا بالظبط بس معلش مش إنتوا مجرد جيران يعني ليه يحكيلكم عن خصوصياتنا
بصتلي وهي متعصبة ومتكلمتش تاني بس كان في بنت جميلة قاعدة جمبها وباين إنها عندها 16 أو 17 سنة وكانت بتبص پحڈړ على آدم كل شوية فضلت أبصلها وهما كملوا كلامهم وأنا فضلت أسمعلهم وأبصلها لغاية لما البنت أخدت بالها وباصتلي وإبتسمتلي بكسوف 
_إنت عاذبة ينتي صح 
ضحكت وقولتلها لحد بكرة لأ إن شاء الله لقيتهم بصو لبعض 
_لحد بكرة إزاي يعني 
عمي وهو مانع ضحكته وبيبصلي في بكرة عريس جاي يتقدملها إن شاء الله 
_ألف مبروك 
باركولي كلهم وبعدين فضلوا يتكلموا في مواضيع ملهاش دعوة ببعض ولقيتهم بيقولوا نسيبكم إحنا وإستأذنوا ومشوا وبعدين عمي قعد يتكلم معايا كتير يطمن على حالي ويضحك معايا وطبعا الكلام كان مليان بحنيته وجمال روحه وحسسني فعلا إن بنته وبعد شوية أكلنا كلنا وآدم كان بيبصلي كل ما يضحك مش فاهمة المفروض كدة بيغريني ولا إيه بس عديتها عشان مش فاهمة هو كان بيعمل ليه كدة أصلا وخفت أظلم الولد بصراحة وبعد ما خلصنا كل واحد دخل أوضته عشان ننام ونستعد ليوم بكرة كنت نايمة بعمق لحد لما المنبه المزعج رن طفيته وكملت نوم بس قاطع نومي تاني صوت الخبط على الباب قومت فتحت والنوم في عيني وكانت مرات عمي 
_روحي يحبيبتي إتوضي يلا عشان نصلي الفجر سوا
إبتسمتلها ودخلت إتوضيت وفوقت وقتها ولبست إسدالي وصلينا سوا وعمي وآدم صلوا في المسجد وشوية ولقيناهم إجم هما كمان وإتفجأت لما لقيت آدم دخل جاب مصاحف واداني مصحف ولقيت عمي بيبصلي وبيقولي
_إحنا متعودين يحبيبتي هنا إن بعد ما نصلي الفجر بنفضل نقرأ قرآن لحد الشروق عشان نقوم نصلي الضحى وقتها وننام شوية قبل ما نصحى تاني نشوف مصالحنا
إبتسمت على العادة الأكتر من جميلة دي وبدأت اقرأ معاهم بس بإستثناء إن هما كانوا بيكملوا على وردهم لكن أنا بدأت أقرأ من الأول خلصنا القراءة وصلينا الضحى وعمي بصلنا وابتسملنا 
_تقبل الله منا ومنكم
دخلت أوضتي وأنا حاسة إني عايزة أفضل عايشة هنا ومش عايزة حاجة تانية نفضت الأفكار وحاولت أنام بس معدش جايلي نوم فلبست حجابي وكنت راحة ناحية البلكونة بس سمعت صوت من المطبخ إستغربت عشان كلهم نايمين مشيت پحڈړ ودخلت وكان آدم 
بتعمل إيه
_إي يهاجر خضتيني كنت هعمل شاي 
ضحكت على ردة فعلوا وكلمتوا وانا بضحك كل لما أفتكر منظروا
معلش حقك عليا خليني أعمله انا
_تعالي على الأقل تخففي من ندمك شوية 
كان بيتكلم بضحك هو كمان فضلنا نتكلم لغاية لما الشاي إتعمل عملت ليا وليه واخدناهم و روحنا البلكونة نكمل كلامنا 
_ده أنتي طلعتي مشكلة يهاجر مكنتش اعرف إنك فرفوشة اوي كدة 
عېپ عليك إحنا أساسها
_قلبتي سرسجية ليه كدة 
كان بيقولها وهو بيضحك وانا ضحكت على كلامه 
إنت برضو طلعت فرفوش اهو بس معلش سؤال هو إنت بتحبني
_ده انا فرفوش أوي واعجبك بصراحة كنت بحبك اوي وغيرت عليكي لما حبيتي يوسف بس قولت يلا هلاقي الاحسن 
يا بن ال
_بعدين سمعت لما يوسف