السكرتيرة الحسناء. للكاتبة نهلة أبو شهبة.
المحتويات
رشحتك تاخدي مكانها
شهد بجد طيب قوليلي العنوان
أحلام اركبي تاكسي وقوليله الشركه المتحده للتسويق العقاري
شهد خلاص استنيني انا جايه
أحلام اوعي تتأخري
شهد لا طبعا باي
أحلام باي يا حبيبتي
وجريت شهد على الحمام خدت دش بسرعه ولبست البدله البيج وكان بنطلونها ضيق والجاكت قصير ولبست تحتيها بادي بني وشوز بني بكعب وشنطه صغيره بني
في الشركه كان معتصم قاعد مدايق اوي عشان السكرتيره خدت اجازه وهو مش عارف يلاقي اي ورق محتاجه بس كان مستني السكرتيره اللي قالت عليها مدام أحلام مديرة العلاقات العامه وفضل مستنيها.................
دخلت شهد ورا خالتها مكتب المدير ولقيت شاب ممكن يكون في اوائل التلاتينات قاعد على مكتب فخم جدا ولابس بدله رمادي فاتح وتحتها قميص اسود وبشرته سمرا وعينيه سودا بس واسعه اوي وشعره اسود وناعم وطويل ولقيته بيبصلها من فوق لتحت فادايقت جدا وكانت عايزه تجري من ادامه
معتصم صباح الخير يا مدام أحلام
أحلام اقدملك شهد السكرتيره اللي كلمت حضرتك عنها
معتصم اتفضلي اقعدي يا شهد
شهد صباح الخير يا فندم ومدت ايديها تسلم عليه ومسك ايديها جامد وهي حست بان جسمها كله بترعش وقعدت على الكرسي
معتصم اتفضلي حضرتك يا مدام أحلام
معتصم فضل يبص لشهد و شهد عايزه تقوم من ادامه عشان شكله مقتنعش بيها
معتصم انتي اتخرجتي امتى
شهد الصيف اللي فات
معتصم يعني من شهرين
شهد ايوه
معتصم معاكي كورسات
شهد قدمتله ملف فيه كل الكورسات اللي خدتها وكمان التدريب بتاع الكليه
معتصم بص في الملف وضحكده انتي شكلك شاطره اوي
معتصم اصل بصراحه شكلك صغير اوي
شهد طب ما حضرتك صغير على انك تكون مدير شركه
معتصم معاكي حق بس انا مسكت الشركه بعد ما بابا تعب وبعد ما علمني كل حاجه
شهد انا مقصدش كده انا قصدي ان السن ملوش علاقه بقدرات الانسان
معتصم يعني انت قد الشغل معايا
شهد ان شاء الله
معتصم طب بصي انا هوافق انك تشتغلي شهرين تحت التدريب
معتصم والمرتب في الفتره ده 3الاف جنيه
شهد اوكيه
معتصم تيجي بكره الساعه 7 ومدام أحلام هتفهمك نظام الشغل
شهد اوكيه عن اذن حضرتك
وخرجت شهد وفضل معتصم يبص عليها وهو مش مصدق انه وافق يعين بنت ضغيره كده سكرتيره بس قعد يضحك عشان حس انها شخصيه قويه وعايزه تحقق حاجه في حياتها..…
خرجت شهد من مكتب معتصم لقيت أحلام مستنياها انا اتعينت
أحلام بجد
شهد اه وكمان هيديني 3 الاف جنيه تخيلي
أحلام مبروك يا حبيبتي
شهد انا هآجي بكره الساعه 7 الصبح
أحلام طيب تعالي معايا اعرفك النظام ايه في الشركه وكمان اعرفك مكان الملفات والاوراق المهمه…
الحلقة الثالثة.
رواية السكرتيرة الحسناء.
للكاتبة نهلة أبو شهبة.
تاني يوم صحيت شهد الساعه 6 الصبح ولبست جينز ازرق فاتح وقميص ابيض قصير وسابوه ابيض عالي وشنطه بيضا وطبعا شعرها مفرود عشان ملوش حل تاني وحطت ميك اب هادي لونه بينك وشربت نيسكافيه ونزلت عشان متتأخرش ووصلت الشركه الساعه 7 الصبح ودخلت مكتبها وكان صغير بس ليه بابين واحد منهم على مكتب معتصم فقعدت وابتدت تحضر الاوراق اللي قالت عليها مدام أحلام وكتبت مواعيد معتصم على الكومبيوتر والساعه 8 سمعت حركه في مكتب معتصم بصت من الباب اللي بين مكتبها ومكتبه لقيته دخل وهو لابس بدله كحلي مخططه بابيض وتحتها قميص ابيض وقلع الجاكت وعلقھ على الشماعه وقعد على مكتبه وابتدى يفتح اللاب توب بتاعه فدخلت شهد وقالتصباح الخير يا فندم
معتصم صباح الخير يا شهد يا ريت بلاش يا فندم ده
شهد ازاي يا فندم
معتصم انتي محسساني اني عجوز
شهد لأ طبعا حضرتك مش كبير خالص
معتصم طيب قوليلي معتصم
شهد زي ما تحب يا معتصم اتفضل ده مواعيد انهارده وده الاوراق اللي هتراجعها قبل الاجتماع بتاع انهارده
معتصم خلصتي كل الحاجات ده
شهد انا هنا من الساعه 7
معتصم طيب ممكن تعمليلي فنجان قهوه مضبوط
شهد نعم
معتصم بعد اذنك يعني اصلي لسه مفطرتش
شهد اوكيه وخرجت وهي متغاظه عشان هي سكرتيره مش شغاله هنا
وبعد ما خرجت فضل معتصم يضحك عشان حس انها ادايقت مع ان سميره السكرتيره اللي قبلها كانت بتحضره ياكل عشان كان بينسى ياكل طول اليوم بس حس ان شهد مختلفه فيها حاجه بتشده ميعرفش ايه بس اكتر حاجه لفتت نظره شعرها ولونه وتسريحته حلوين اوي وكمان عينيها اللي علطول بتلمع............
سمع معتصم خبطه عالباب ولقي شهد داخله بصينيه عليها قهوه وكرواسان وكوباية ميه وقالتاتفضل
معتصم ميرسيمش هتفطري معايا
شهد لا انا فطرت عن اذنك
معتصم اتفضلي
خرجت شهد ودخلت مكتبها وهي متغاظه وبعد شويه جت مدام أحلام تطمن عليها ولما حكتلها شهد اللي حصل ضحكت أحلام وقالت
أحلام ايه اللي زعلك في كده
شهد هو انا الشغاله بتاعته
أحلام بس اي سكرتيره بتعمل كده لمديرها
شهد يعني ايه
أحلام بصي يا شهد يا حبيبتي
متابعة القراءة
