كاملة

فوقت ياحبيبى حمدالله على السلامه .... 
مصطفى الله يسلمك 
كارما طيب صاحيهم عشان يفطرو 
مصطفى هشششش وبيشاور بأيده وبيقولها أستنى ..... ومره واحده زعق بصوته كله ..... كلهم اتفزعووو وقامو من مكانهم وخالد راسه أتخبطت فى راس حمزه وحسن اتكبت عليه الميه ....... 
مصطفى بيضحك بصوته كله هو وكارما من منظرهم ..... 
حسن أتعدل وخالد وحمزه وقربو على مصطفى كبووو عليه كل الازايز الا موجوده حواليهم 
كارما واقفه مزهوله من منظرهم وهما طايحين فى بعض ودمرو لها الاوضه وبردو بتضحك البنات طلعت جرى على صوتهم والدربكه .... وشافو المنظر فضلوو يضحكو جامد عليهم .............. 
مصطفى خلاص يا مجانين يخربيت الا يزعلكم 
خالد ها نروح واحنا مستحمين بهدومنا كدا الله يخربيتكم 
حمزه انت مستحمى من فوق وحسن وانا كله ..... ومصطفى أستحمى هو و الاوضه ومراته .
كارما الله يسامحكوو دمرتوو أحلامى واوضتى 
حسن جوزك الا رزل ويستاهل الصراحه 
خالد وربنا نفسى أعلقك فى السقف 
حمزه وانا أضربه 
مصطفى وكارما 
كارما طلع لاصاحبك هدوم من عندك وانزلو عشان تفطرووو ياله .... ونزلت هى والبنات يستنوهم تحت 
مصطفى يا ڼصابين دول أجدد 3 طقمه عندى لسا ملبستهمش .... انا عارف انهم مش ها يرجعوووو 
حسن عوض عليك ربنا 
حمزه مصائب قوم 
خالد لا الصراحه كل ما تتعب ها اجيلك دا الطقم براند أصلى 
مريم جميل قوى الطقم دا عليك يا حسن 
مصطفى ادعيلى ناااس تدفع وناااس تلبس 
ندى الله يا حمزه اللون تحفه عليك 
مصطفى اه يارب صبرنى 
خالد بيكلم نفسه الله يا خالد شكلك يجنن .... اشمعنا انا 
كلهم 
أحمد ماشى هو ويزيد بيتفرجووو على الكمبوند .... 
يزيد ماشاء الله يا أحمد روعه ..... لو قولت كل الكلام الحلووو مش ها يكفيه ..... 
أحمد ماشى يا سيدى شكرااا عارف مكسبنا 200.... يعنى ها نعدى يا صاحبى . . بفضل ربنا علينا 
يزيد بقولك ايه ..... انا عايز أعمل مشروع إسكانى للشباب اول ما نفوق من دا ويبقى كا مساعده ليهم .... لو عايزا تبقى شريك فيه .... براحتك لانى مش ها أكسب منه وها أعتبره خيرى .... صدقه للمشروع دا عشان ربنا يبارك لنا 
أحمد معااااك يابنى ما تقلقش ربنا له حق علينا كرمنا وسهل لنا أمورنا ....... 
يزيد ربنا يباركلك انا عارف انك مش ها ترفض 
أحمد مريم وصلت اهه

..... عامله ايه 
مريم الحمد لله عامل ايه يا عمووو يزيد 
يزيد الحمد لله ايه الشغل الجامد دا يا بشمهندسه 
مريم بأبتسامه دا كله شغل المهندس أحمد 
أحمد شغلى اه بس انتى لو مش واقفه وبتنفذى كل حاجه زى ما انا وانتى وتعديلاتك انتى وكارما عمره ما كان طلع بالجمااال دا .... انتى وكارما كابلز هايل فى شغلكم بتبدعووو 
مريم الف شكر 
يزيد متأخره ليه كدا انتى والابله من ساعه ما البشوات رجعت 
أحمد .... وانا مش عايز أزعلهم 
مريم ابدا والله احنا كنا بايتين عند كارما 
أحمد ويزيد بقلق ليه فى حاجه 
مريم اافتكرت انهم ما يعرفوووش ان مصطفى تعباان ... لا ابدا كنا عاملين سهرة صداقه ..... وكدا ... بس كارما مقدرتش تروح الشغل انهارده 
أحمد انا ها اروح أخنق بنتك وابنى 
يزيد معلش أستحمل دى ضريبة المعرفه ابوهااا .. وحماها .... 
خالد بعد ما روحو ندى وهو وحسن وحمزه مع بعض .... انت خط سيرك ايه دلوقتى 
حسن ها نروح نشوف البيت الا قولتكم عليه عشان تقوليلو رايكم ايه 
حمزه هو فين بالظبط 
حسن فى ال.... وصلووو الشباب للسمسار وبيعاينووو البيت ...... 
خالد ها يحتاااج شغل يا حسن ... 
حمزه بس حلووو 3 ادوار وبجنينه 
حسن ها يصرف جامد صح 
خالد ها يصرف بس تمنه فيه منطقه كويسه وكل يوم سعرها بيغلى وكمان سعره رخيص ... اشترى واعمله براحتك 
حسن انا ها ابيع الشقه بتاعتى 
حمزه شقة حبنا 
حسن ... الشقه دى شاهدا علينا احنا التلاته 
خالد 
حمزه اه ايام العزوبيه .... وما ادرام ما العزوبيه بس الجواز حلووو وربنا بيلم الواحد بردو 
حسن ايوا فعلا الجواز مخلى للحياه شكل تااانى خالص 
خالد بقولكم ايه انا لسا كفايه الله يخربيتكم ..
حسن هو نص ... نص 
حمزه هو كل حاجه وعكسها .... 
خالد ايوا اظهرو وبانو على حقيقتكم .... المهم عشان الراجل الا واقف تحت دا ..... انت معاك كام 
حسن معايا ......... 
خالد تمام احنا بردو نهزها شويه معاه مش زى ما بيقول صاحب البيت ها ناخده يعنى ..... ياله والا ايه 
حسن لا ها أخلص ... بس ها اقعد فين على ما اخلص توضيب البيت 
حمزه أقعد فى شقة مريم انت ناسيها 
حسن بتذكر اه صح كدا قضيت ياله نخلص فيه بقى . .. 
معتز أكرروووم .... يا ابووو الخدود يا عسل 
أكرم بطل رخامه طلعت عليا أبووو الخدود الله يسامحك 
معتز ماسكهم بحبهم يخربيت كدا وربنا لو ابنى ما طلع بخدود لها أطلع عينك 
أكرم وانا مالى يا رزل انا ها تقهر الواد لو طلع بخدود 
معتز مليش فيه .... المهم تعالى شوف كدا العينه الجديده دى 
أكرم تصميم مين 
معتز انا طبعا يا ابنى 
أكرم طول عمرك فنان والله 
معتز عارف عارف 
أكرم والنبى بلاش غرور
معتز ابو خدود الا ها يفرقع