كاملة
المحتويات
موجوده
معتز بابا قايم بالدورين على أكمل وجه والله صعبان عليا كان بيحبها قوى ياله اسيبك انا بقى
يزيد يا أحمد روح لعيالك بقى انت تعبت انهارده معايا
أحمد خدنى جمبك واسكت انا كلمت سالى وقولتلها انى ها ابات معاك ومش ها أمشى غير لما أطمن على داليا
يزيد ربنا يخليك يا أحمد طول عمرى بقول عليك جدع
يزيد يارب
مر الليل سريعا وبدء يوم جديد بشمس مشرقه
مريم فوقى بقى يابنتى
كارما انتى صاحيه من أمتى
مريم بقالى نص ساعه وخدت شاور ولبست وجهزت الفطار كمان
كارما
ايه النشاط والحيويه دى كلها دا حسن غيرك خالص طب كملى الاسبوع
مريم الصراحه اه بيصحو بدرى قوى ولازم يعمل تمارينه ويفطر وحاجه كدا كلها نشاط فعلا قومى بقى
مريم ها تكلمى مين لو عمو يزيد انا كلمته وقالى ان طنط داليا الحمد لله نقلوها اوضه عاديه وبقت زى الفل
كارما بجد يا مريم طب ياله عايزا اروح أشوفها
مريم اهدى بس انا محتاجه عربيتى انا لازم اروح موقع الشغل والمكتب بدالك وكمام البيوتى سنتر يعنى ها الف لان البشمهندس أحمد بايت مع والدك
مريم ياريت
كارما بتتصل على مصطفى
مصطفى خارج من الحمام وحسن وحمزه بيجهزو فطار
حسن تليفونك يا بنى بيرن
مصطفى مسك تليفونه واول ما شاف أسمها بيفرك فى عينه وفتح بسرعه صباح الجمال
كارما بخجل صباح النور انا اسفه انى بتصل بدرى كدا
كارما هى عربيه مريم فين
مصطفى راكنها تحت شقتهم والمفتاح معايا
كارما طيب ممكن تيجى تجبهلنا
مصطفى انا عند حسن عدى عليا وانا ها انزل لكم تمام
كارما تمام ربعايه كدا وابقى عندك
مصطفى ها تنورى حياتى كلها مستنيكى
مصطفى وربنا مجنونه انا لو بشتمها مش ها تعمل كدا .....
حسن هما ها ياخدو العربيه من هنا
مصطفى اه اوعى كدا خلينى البس عشان انزل لهم
حسن لا بقولك ايه فوق معايا كدا حاول تطلعهم يمكن أقدر أثر على مريم تيجى معايا
مصطفى وهو بيفرك فى راسه من ورا اه ازاى بقى
حمزه طيب ما تخططو وتجيبو ندى معاهم بالمره
مصطفى يأخى اتنيل صحيح ها يطلعو فى شقه فيها 3 عڈاب ازاى ...
حسن دى مراتى يا أهبل ودى شقتها و ها نعمل لهم ايه يعنى
حمزه الصراحه يا حسن مش باين عليك جواز
حسن أفضلو ارغو لحد ما نلاقيهم تحت ما تتحرك ياد أنت وهو .....
مريم مش كنتى سبتينا نفطر وبعدين ...انا خاېفه اقابل حسن
كارما مش مهم نفطر فى اى مكان ..... ويعنى هو بيعض يا ماما اهدى كدا وفيها ايه ماهو جوزك يا مريم
مريم اركنى ياختى ورنى عليه خلينا نمشى
كارما حاضر وبترن على مصطفى
مصطفى معلش يا كارما ممكن تطلعو خمسه بس أصل مفاتيحى كلها قالب عليها الدنيا ومش عارف انا حطتها فين
كارما خلاص ها نستناك هنا
مصطفى كارما اطلعى ما تفضلوش فى الشارع دا بيت مريم بردو عيب وقفل
مريم يواه يا كارما بقولك مش عايزا أشوفه
كارما انتى سمعتى المكالمه كلها بنفسك انزلى بقى خليكى حلوه
مريم بتأفف ياله ياختى وطلعو على فوق وبيرنو الجرس
حسن فتح الباب أهلا ازيك يا كارما وډخلها ومد ايده لمريم وحشتينى
مريم سلمت ودخلت على طول
مصطفى راح لكارما دا أحلى يوم فى عمرى انهارده
كارما بطل بقى واحترم نفسك
مصطفى وربنا انا بدئت أشك فى نفسى يا إما انتى بتسمعى الكلام غلط
كارما لا بس ما بحبش كدا ومين دا كمان
مصطفى أعرفك يا ستى دا حمزه صاحبنا
مريم قعدت جمب كارما واتعرفو على حمزه
حمزه منوارين والله احنا أسفين يا مريم اننا أستغلينا عدم وجودك وبيتنا هنا
مريم ولا يهمك
حسن مريم تعالى عايزك
مريم اتكسفت تقول لاء قدام اصحابه وقامت معاه
حسن دخل بيها اوضه النوم وقفل الباب
مريم سيب الباب مفتوح واشمعنا الاوضه دى يعنى
حسن مش ها أفتح الباب وأسمعينى بقى انتى مراتى مش واحده غريبه
مريم عايز ايه
حسن تعالى معايا ووالله ما ها نبات هناك مش عايز أزعلهم يا مريم
مريم لا يا حسن مش ها اروح معاك بردو
حسن قعدها على السرير ومسك ايديها ما تبقيش قاسيه قوى كدا عليا انا ها اسافر بعد ما أجى من البلد على طول ملوش لزوم أقعد هنا
مريم مفتاح عربيتى فين انا لازم أمشى
حسن بتهربى ليه انتى بتحبينى زى ما بحبك ..... لاخر مره ها أقولك يمكن يكون دى أخر أجازه ليا وما أرجعش ساعتها ها ترتاحى يا مريم
مريم حست بۏجع فى قلبها من كلمته انت بتقول ايه وليه بتضغط عليا بكلامك دا
حسن والله ما بضغط عليكى انا ما ينفعش اقولك تفاصيل عن شغلى بس كل الا ها أقولهولك مش عايز أمشى وانتى وابويا وامى زعلانين منى دا رجاء مش
متابعة القراءة
