العريس
المحتويات
لازم أبدأ أشغل نفسي علشان ما أفكرش فيه كتير.
ماما
هو الچاكيت البني بتاعي فيه
عند مرات خالك لو عايزاه إطلعي هاتيه ولو فاضية إبعتيهالي.
طب هاتي الخمار دا.
طنط نبيلة هي غزل فين
أدخلي جوا كانت بتطبق الغسيل.
طب ماما بتقول لك لو مش وراك حاجة إبقي إنزلي لها وأنا هدخل آخد حاجة.
غزل.
عايزة الچاكيت البني.
لسة مطبقاه هتلبسيه بكرة
أيوا أصلا محتارة ألبس إيه
بصي فيه فستان لسة جايباه هيبقى حلو عليك أوي أصبري هطلعه ليك.
لونه إيه
أهو يا ستي.. إلبسي عليه الخمار البيچ وهيبقا تحفة.
هيليق عليا
والله هيبقا حلو متقلقيش.
كفاية قلق الإمتحانات.
دا الحمدلله إنها آخر مادة والله هاين عليا أزغرط.. بس هأجلها لفرحك.
راجعي مرة واحدة ونامي يا آية ومتتوتريش أوي.
حاضر إدعيلي.
خرجت ونزلت راجعت شوية وصليت وبعدها حاولت أنام.. أنا فرحانة إنها آخر ليلة إمتحان في حياتي وفي نفس الوقت قلقانة.
طمنيني عملتي إيه
ومش بتردي على إخواتك ليه
الحمدلله كان حلو خالص والموبايل في الشنطة مسمعتوش.. هغير وأروح لهم هي ورد هنا ولا في درس
غيري وإطلعي طمني غزل وهاتيلي معاك بصلتين وأنت نازلة.
غزااال.
ودني يا ملسوعة.
خلصت إمتحانات دا ال هيطلب مني عيني مش هتغلى عليه والله.
ولما أنت مبسوطة كدا مطمنتنيش ليه يا حلوة
الموبايل كان فاصل وفي الشنطة.
طب حصل خير أنا بعمل لك چيلي فراولة بقا ولسة هعمل بسكوت علشان نحتفل بيك باليل.
هو مينفعش عمر يخليكي تعيشي معانا هنا
شوفي مين بيخبط يا عسل أنا هعيش بعيد علشان أوحشكم وتحسوا بقيمتي.
حاضر يال ع الباب إييه
إزيك يا آية.
أنت إيه ال جابك
نعم ياختي أنت عبيطة
هو أنت دماغك وردودك دي لسة زي ما هي!
أنا نازلة.
يبقى أحسن.
طب والله أنت ما عندك ذوق.
هو أنت قولتي لي حتى سلامة رجوعك لينا يا غيث!!
خبطته ونزلت وأنا حاسة إن قلبي هيطير من مكانه
يلهوي لو كان ينفع أحضنه!.
بت يا آية فين البصل
بصل إيه.
يا خيبتي في خلفتي!
بصل إيه ال بتتكلم فيه بجد!
طب هو ال شوفته فوق دا كان غيث فعلا! هو يعني كان لازم ييجي علشان فرح أخته يعني!
آها ما أنا عارفة.
عارفة! عارفة ومقولتيش ليا!
ورد الله يرضى عنك مش وقت خناق.
مالك هو ضايقك
هو يقدر
أومال فيك إيه.
مفيش يا ورد إطفي النور هنام شوية.
هتنامي إزاي وحفلة باليل.
إحتفلوا أنتم.
بعد ما قعدت كام ساعة في أوضتي بحاول أهدا وأستوعب رجوعه كانت ورد رجعت من دروسها وجت تقول لي بعد ما خرجت ڠصب عني دموعي نزلت معرفش بعيط ليه بس أنا حاسة إني تعبانة بحاول أنام بس دماغي مش راضية بعد شوية لقيت غزل بتفتح نور الأوضة ودخلت شالت الغطا من عليا وقعدت جنبي.
أنت كويسة
لاء لاء يا غزل مش كويسة.. أنا تعبانة مخڼوقة عايزة أفضل لوحدي.
إيه ال حصل
صعبان عليا نفسي يا غزل يعني كلكم حضنتوه وسلمتم عليه إلا أنا! أنا الوحيدة ال مينفعش حتى أكون موجودة في مكان هو فيه أنا أول واحدة شوفته لما جه.. عاملته وحش علشان مضعفش قدامه بس لحد إمتى هستحمل ياريتني كنت أخته في الرضاعة أنا كمان زي ورد ياريتني ما كنت بحبه يا غزل ياريتني.
تعالي يا آية في حضڼي تعالي.
بعيط من غلبي وۏجعي. أهل الحب صحيح مساكين والله مش بس مساكين دول كمان موجوعين ومش مرتاحين.
فضلت في حضنها شوية لحد
ما هديت بعدين خلتني أقوم أغسل وشي وألبس وأنزل معاها تحت.
كان غيث وورد ووائل أخوها ومراته وباقي العيلة
متابعة القراءة
