الصقر الاعمي

يالمبى كنت قولى اعملك غيرها
عمر هههه لا انا عايز دى
سيلا طيب اقول اعمل غيرها
عمر يابنتى اترزعى بقى عايز اقولك كلمتين
سيلا جلست ثانيا وتربعت ها احكى كلى اذان صاغيه
تنحنح عمر فهو لايعرف كيف يدخل معاها فى ذلك الموضوع
ولكنه نطق اخير احم بصراحه جايلك عريس
وهنا ارتسمت ابتسامه بلاهااء على وجهه سيلا وقالت بفرح الشاااطر حسن جه
وهنا نظر له عمر بطرف عينه وقال بصوت منخفض شاطر حسن البت دى هبله
سيلا هااا كمل كمل
عمر انتى ايييه يابنتى مفيش كسوف منى او خجل البنات ده بقولك متقدملك عريس المفروض يعنى تعملى كده زى البنات
سيلا ياعم بنات مين بس ثم انت مش غريب يامورى وبعدين هى اول مره ما انت كل فتره تجبلى عريس كمل بقى أن شاء الله المره ديه الشاطر حسن
نظر لها عمر بامتعاض ولوى فمه وقال ببرود اولا اسمه سيد مش حسن
سيلا وهى ترفع احدى حاجبها ولكن سريعا ما تعود لابتسامتها مش مهم الشاطر سيد عادى ها عنده عربيه صح
عمر احم هى مش عربيه بالظبط يعنى بس اهى وسيله موصلات
وطبعا كان يقصدت التوكتك
سيلا بخيبه امل يعنى مش هتمنظر على البت سعاد ده خاطبها جايب موتوسيكل ومحسسانى جايب هامر يلا
وعادت لابتسامتها ثانيا يبقى اكيد عنده قصر
نظر لها عمر بدهشه وهو يرفع حاجيه على تلك الطلبات انتى فاكره نفسك بنت محمد على قصر ايييه
سيلا خلاص نمشيها فيله حلوه برضو
عمر 
سيلا اييه يبقى شقه مس مهم السكن هاا مهندس ولا دكتور
عمر 
سيلا طيب مش مهم ده شكله عامل ازااى طول بعرض عنده عضلات زى الشحات مبروك
عمر 
سيلا وقد لاحظت أن عمر لايجيبها سوى بتعابير وجهه كرد على كلامها
سيلا فى اييه يامورى هو مش دى موصفاته ولا ايه
عمر ههههههههه يابنتى انتى بتتفرجى على افلام اجنبى باينلك ولا بتسمعى كارتون متعيشى عيشه اهلك
سيلا الله محلمش يعنى
عمر احلمى بس على قدك
سيلا بستسلام طيب هو عنده اييه او معاه اييه
عمر على فكره انتى تعرفيه
سيلا اعرفه ازاى
عمر احم بيوصلك احيانا لاخر الشارع مره كده ومره جبناه هنا اما كانت الدش بايظ
سيلا هااا انا قلبى بدات يتوغوش
عمر بصراحه هو سيد استيكه
سيلا مييييين
عمر سيد سباك المنطقه
سيلا وهى تنهض سيييييد تكاتك انا اتجوز واحد اسمه استيكه ده معاه توكتوك
ده ساكن فى شقه اوضه وصاله ده معندوش اى فكره عن العضلات
ده جسمه كله مطبات
وهنا اڼفجر عمر ضاحكا ههههههههه بس راجل كسيييب
سيلا بحزن قصدك اييه انت موافق
عمر لا طبعا انا وعدتك انى عمرى ما هدخل فى اختيار وهسيبك تختارى شريك حياتك وهسلمك بنفسى ليه بس لازم يكون محترم وابن ناس
سيلا اما بتقولى على سيد ليه
عمر يعنى اصلى بصراحه الراجل كويس وكسيب اى بنت مكانك ممكن توافق وكمان انتى مبقتيش صغير كلها سنه وتخلصى جامعتك يعنى مفيش سبب تفضلى
عشانه
سيلا يعنى اتجوز اى حد
عمر لا طبعا بس مفيش مانع تفكرى
سيلا بس ده دبلوم
عمر مش قياس ياسيلا
سيلا ايووه بس ده بيقولى يانيلا
عمر ههههههههه وايه الجديد ما الحاره كلها بتقولك كده وبعدين اعتبريه دلع
سيلا بس انا نفسى فى الشاطر حسن
عمر وهو ينهض يبقى هتعنسى ياختى سلام انا نازل الورشه
ولكن اوقفته كلامات سيلا عمر انت عايزنى اتجوز عشان تتجوز انت كمان
عمر وهو ينظر لها بحب ههههه ايه الهبل ده
سيلا انا عارفه انى حمل تقيل عليك وانك كبرت ونفسك تتجوز لو عايزنى اوافق هوافق
عمر سيلا انتى قبل ما تكونى اختى انتى بنتى وانا مستحيل اجوز بنتى لحد ڠصب عنها وبعدين مين قالك انى عايز اتجوز
تركها عمر فى حيرتها
سيلا فى نفسها يااارب هو يعنى انا مش هرتاح ولا ايه بس سيييد سييد تكاتك ده معتز برقبته اووف حلها من عندك ياكريييم
فى نفس الشقه كانت تجلس بها المراه والرجل
محمود نعم ايه اللى جابك
سميحه مالك يامحمود بتكلمنى بقرف كده لييه
محمود يعنى مش عارفه ليييه
سميحه لييه
محمود وهو يمسك سميحه من ذراعها انتى ازاااى تقولى لخالد على الحقيقه ازاااى تقوليله أن صقر مش اخوووه
سميحه وفيها ايييه مهو مسيره يعرف وبعدين وانت يهمك فى ايييه بالعكس كده لما يعرف انه مش اخوه ممكن يعمل اى حاجه عشان ياخد منه الثروه
وهنا نظر لها محمود بقرف ههه مجنونه
محمود وهو ينظر لها بشړ ويلف حولها ههههه ده مش اسلوبى ده اسلوب ناس تااانى
سميحه وهى تبتلع ريقها بصعوبه قصدك ايييه
محمود مش قصدي حاجه ياقلبى
سميحه طيب هتعمل اييه مع صقر وخالد
محمود لازم صقر ينتحر وبكده الثروه هترجع للورثه ومعرفه خالد بانه مش الوريث ممكن تضيع كل حاجه
سميحه انا مش فاهمه حاجه
محمود پغضب حضرتك قولتى لخالد كل حاجه وعرفتيه أن الثروه مش حقه يعنى كده فى حاله وفاه صقر باى طريقه الثروه هتروح للبنك والبنك هيشوف يوزعها ازاى على الملاجىء المستشفيات وانتوا ولا حاجه
سميحه بس خالد مش هيقول حاجه
محمود خالد على ومتهور زى ابوه
سميحه انا متأكده وانا هكد عليه انه ميقولش حاجه
محمود ههههه اتمنى
سميحه طيب بالنسبه لامال وبنتها
محمود سيبيهم للاخر
سميحه بس انا مش مستريحلهم امال تعرف كل حاجه حتى علاقتنا دى عارفها
وهنا نظر لها محمود نظرات غامضه ولكنه رد بجمود قولتلك انا هتصرف واكمل فى نفسه واهعرف اخلص منكم ومن غباءكم هههههه كلكم اغبيه 
الحلقه الثانيه عشر ومتى ينزاح الظلام 
مرت عده ايام كان الوضع فيها كما هو حبس خالد صقر فى غرفته ومنع عنه الطعام و الشراب حتى يستسلم اما أن يتنازل له عن الثروه اما أن ېموت ويرثها
وفى خلال تلك الايام عاد يباشر الشركه كما كان
خالد فى مكتبه فيدخل عليه السكرتير
حسن يافندم الورق ده محتاج امضاء
خالد ببرود هاته
حسن بس يافندم الاستاذ عمار قال أن صقر باشا هو اللى هيمضى كل حاجه
خالد پغضب وانت اعمى مش شااايف انا اللى ماسك الشركه يبقى أن الكل فى الكل وانا اللى امضى كل حاجه
حسن بس يافندم العملاء بقوا يشتكوا من الموضوع ده لازم نعرف مين اللى هيمسك الشركه بالظبط حضرتك ولا صقر باشا وكمان فى شيكات ولازم تنصرف والبنك موقفها لحد ما يتم اعلان الوريث الشرعى لمسك الممتلكات وده اوامر الحناوى بيه الله يرحمه
خالد انا الوريث وانا اللى همشى كل حاجه من هنا ورايح صقر مش هيرجع الشركه تاانى
حسن بس هو رجع من كام يوم
خالد كان فاكر انه هيقدر لكن للاسف هو اعمى مش هيقدر هيعمل حاجه
حسن طيب بالنسبه للحجز بتاع المانيا وسفر عشان العمليه
نهض خالد فى ثوره قولتلك مش هيرجع الشركه يعنى يفتح ميفتح مش مهم اتفضل على شغلك
خرج حسن بستسلام وهو لايعرف ما يجرى
سيلا فى الجامعه
شهد ههههههههه
سيلا بتضحكى
شهد بصراحه مش مصدقه سيلا وسيد والنبى لايقين نفس الاسم
سيلا تصدقى انك رخمه
ومش هقولك حاجه تانى
شهد خلاص خلاص بس قوليلى عملتى اييه
سيلا ولا حاجه
شهد طيب بذمتك مش دكتور معتز كان ارحم يابنتى حرام عليكى هتضيع الراجل من ايدك وتلاقى نفسك متدبسه فى سيد هههه
سيلا يابنتى معتز ايييه بس بقولك الشاطر حسن اللى يحقق احلامى
شهد سيلا بطلى احلام بقى
سيلا اووف انتى هتعملى زى عمر
شهد اخوكى عنده حق احنا مش فى زمن الشاطر حسن
سيلا