قطر وعدى بقلم ناهد خالد

فكر بها أنها تكبره بخمسة أعوام وهو مازال في الثالثة والعشرين أي زواج يبحث عنه الآن ! فصرف نظره عن الأمر ونسى أنه قد أعجب يوما بها فهي أصبحت زوجة أخيه .. ومر عام كامل بين منازعات بين زهرة وزوجة والدها حتى انفصلا عن المنزل .. وحين شعرت أن الحياة ستستقر أتت مشكلتها الأخيرة مع والدة زوجها لتقلب الموازين مرة أخرى .
يا زينب لازم تكلميه يابنتي أنت الي غلطانه ..
هتفت بها آمال وهي تحاول إقناع إبنتها بالتحدث لزوجها والإعتذار منه عن فعلتها زفرت زينب أنفاسها بضيق وهي تردد 
ياماما بقولك حاولت ومبيردش أعمل ايه !!
تروحيله .. روحي شقتك وأكيد يعني هو مش هيطردك منها ! .
ايه الي بتقوليه ده يا آمال 
رددها سعد وهو يدلف لغرفة المعيشة وأكمل 
لأ طبعا افرضي راحت وهو لسه متعصب وشدوا مع بعض هناك ميكنش حد منا موجود ! .
ايوه يعني تفضل قاعدة كده بقالها اسبوع ونص بعيده عن بيتها ..
رددتها آمال بنزق وعدم رضا على حديث زوجها ليطالعها بنظرة فهمتها معناها أن تلتزم الصمت ووجه حديثه لإبنته قائلا 
زهرة يابنتي كلنا معترفين إنك غلطي .. مهما كانت أمه دي ايه مش مسموحلك أبدا تمدي ايدك عليها وجوزك حقه يزعل وياخد موقف عشان كده هكلمه ييجي هنا وحاولي تصلحي الوضع معاه ومتعرفيهوش إنك حكيتلنا حاجه .
أومأت برأسها موافقة ليخرج هاتفه ويدق ل ياسر مرة واحدة وكان يجيب ليطلب منه الحضور مساء فوافق الأخير مخبرا إياه بقدومه .
اهو هيجي بليل شوفي هتصلحي الوضع ازاي .
أومأت برأسها بتنهيدة عميقة .. لم يكن سهلا أن تبقى كل هذة المدة بعيدة عنه وعن بيتها .. رغم وجودها في بيت أبيها إلا أنها تشعر بالغربة .. تريد العوده لمنزلها الصغير بأسرع وقت تريد أن تشعر به وبأنفاسه تحيط بها مرة أخرى .. تريد أن تستيقظ على وجهه وتنهى يومها برؤيته كما اعتادت أن تتحدث معه عما ينتابها من ضيق وهي بين أحضانه .. لا تعلم كيف استطاع أن يبتعد عنها كل هذة المده أم أن ضيقه منها غلب اشتياقه .
كان ينتظر هذة المكالمة منذ أول يوم لها ببيت أبيها .. كاذب هو إن قال أنه لم يشتاق لها كان يتركها بمنزل والديها وهو يتمنى لو تعود له باليوم التالي بأي مبرر مهما كان سخيف وهو كان سيصدقها فقط لتعود له .. ولكن لا يمكنه إظهار رغبته في عودتها فقد أخطأت مهما كان السبب لكن يبقى الخطأ جثيم لا يمكنه إمراره دون عقاپ .. وهو يعلم جيدا أن البعد عقاپ مناسب تماما لها لكنه وقع في العقاپ هو أيضا والآن يعقاب ببعدها دون ذنب .. لو قال أن أيامه التي مرت كانت ثقيله كالجبال بدونها لن يكن يبالغ أبدا .. كانت الأيام تفتقد مذاقها سواء كان حلوا أو مرا يستيقظ ليذهب للعمل ويعود ليتناول غدائه بالكاد ويجلس باقي اليوم يتابع أعماله حتى ينال منه الإرهاق فيذهب للنوم الذي يجافيه ولا يأتيه إلا بعد ساعات ... وهكذا كل أيامه أصبحت متشابهه كحاله تماما قبل معرفتها .. وأخيرا جاءت مكالمة والدها لتنقذه على الأقل سيكون هناك سبب لذهابه إليها ..
جلست أمامه بعد أن أشبعت عيناها من النظر له أثناء حديثه مع والدها بأمور مختلفه وهو أيضا كان ېختلس بعض النظرات ويظنها لا تلاحظه لكن عيناها كانت راصدة لكل حركة تصدر منه .. وأخيرا تركهما والديها ليتحدثان بحرية ويسويان أمورهما .. لا تعلم لم كل هذا التوتر الذي تشعر به وكأن بعدها لأيام صنع حاجز غير مفهوم بينهما ..
ثبت أنظاره عليها بعدما خفضت بصرها عنه يطالعها باشتياق كڈب من قال أن البعد يولد الجفا فالبعد لا يولد سوى الإشتياق أي جفا هذا وهو يلتهمها الآن بعيناه يلاحظ ما طرأ عليها في الأيام الماضية .. نحفت قليلا وفقد وجهها نضارته المعروفة هذا أكثر ما لاحظه .. تنهد بضيق وهو يراها تحك أحد أظافرها بالآخر .. حركتها المعتادة حين تتوتر ..
هتكسري ضافرك .
رددها بنزق بعدما سأم من توقفها عما تفعله .. رفعت نظرها له وقد توقفت بالفعل وأول سؤال نطقت به 
مكنتش بترد عليا ليه 
رد بنبرة جامدة 
محستش إني كنت لسه هديت .
سألته بعتاب واضح 
10 أيام مش كفاية عشان تهدى يا ياسر 
أجابها بنبرة محتدة 
لأ مش كفاية .. تخيلي إنهم فعلا مش كفاية وماما كل يوم تكلمني مستنية تعرف أنا عملت ايه معاك عشان أخدلها حقها منك .
هزت رأسها برفض وهي تردد 
ياسر أنا والله ما بكدب مامتك فعلا عملت كده و..
قاطعها بإصرار على موقفه 
هرجع تاني أقولك موضوعي مش مين الصادق ومين الكداب .. موضوعي ازاي أصلا تفكري ترفعي ايدك عليها !.
طأطأت رأسها بخزي وهي تقول 
معاك حق أنا غلط ومهما هي عملت مكنش ينفع أبدا أضربها بس أنا والله مكنتش حاسه بنفسي أنا أعصابي كانت تعبانة لدرجة إني بعدين مستوعبتش أنا ازاي عملت كده .
هز رأسه بتفهم وقال 
تمام طيب ايه الحل دلوقتي للوضع الي احنا فيه 
رفعت رأسها له وهي تردد رغم ضيقها الداخلي لكنها معترفة بخطأها 
لو عاوزني أروح اعتذر لمامتك معنديش مانع .
طالعه بصمت لثانيتان تقريبا قبل أن يزفر أنفاسه بضيق وقال 
ماشي يلا عشان نمشي وهنروح لماما قبل مانروح .
أخذت نفسا عميقا تدعو الله أن يلهمها القوة والصبر للتعامل مع تلك المرأه مجددا .
أنا آسفة يا طنط حقيقي آسفة أنا أعصابي كانت تعبانه ومعرفش عملت كده ازاي .
أنهت حديثها طابعة قبلة فوق رأسها وكف يدها وهي تردد اعتذارها مرة أخرى ..
زفرت أنفاسها بضيق وهي تردد 
ماشي وأنا قبلت اعتذارك بس مش عشانك عشان ابني وعشان شوفت قد ايه كان زعلان وحاله معجبنيش وأنت بعيدة عن البيت .. بصي يا زينب وبقولهالك بكل صراحة وقدام ابني اهو .. أنا مفيش بيني وبينك غيره ومن هنا ورايح علاقتي بيك هتبقى عشان خاطره هو وبس غيابك وحالة ابني وقتها أكدولي إنك عمرك ما هتطلعي من حياته وأنا مش هفضل طول عمري أهري وأنكت في نفسي كده .. هو حر في حياته وإن كان اختارك أنت فأنا هتعامل معاك عشانه هو وبس معاملة طيبة صباح الخير .. صباح النور وتيجي كل جمعه تتغدي معانا ابني طبعا هيعدي عليا كل يوم ويشوفني وأنت لو عاوزه تيجي في وسط الأسبوع مش هقولك متجيش بس يوم الجمعه ده أساسي .. ويبقى التعامل بينا رسمي كده ده اريح ليك وليا بدل المشاكل وۏجع الراس .
أومأت زينب موافقة فهي بالأساس لا تريد أكثر من هذا نهض ياسر ليجيب على هاتفه فأكملت والدته 
بصي مفيش غيري أنا وأنت اهو وحياة عيالي أنا مقولت ولا حرف من الي قولتيه عليا وجبتلك دكتور وقالي إنك عندك برد حوار العيل الي عاوزه أنزله ده والله يمين يحسابني عليه ربنا ما قلته ولا حصل واعتقد إنك اتأكدتي لما عرفت إنك مش حامل فعلا .
تشوش عقلها وهي تستمع لحديث والدة زوجها إذا أين الحقيقة هل يعقل أن كل ما استمعت إليه مجرد هلاوس من المړض ! عاد ياسر ليأخذها ويذهبان لمنزلهما ..
أغلق باب المنزل وهو يشعر بالراحه أخيرا استوت الأمور بين والدته وزوجته ..
الټفت ل زهرة التي توقفت في منتصف الشقة تطالعها باشتياق وكأنها غابت عنها سنوات وليست أيام اقترب منها حتى أصبح أمامها ليحتضنها بقوة معبرا عن اشتياقه البالغ لها لتبادله الإحتضان بقوة مماثلة وهي تشعر أن روحها قد ردت إليها ابتعد عنها ليغمغم بحب 
وحشتيني أوي يا زهرة .. دي آخر مرة تغيبي فيها عن البيت ده وعني .
سألته بأعين مهتمة 
ياسر أنت سامحتني 
أومئ مرددا 
أنا مسامحك من أول يوم أصلا عشان متأكد إنك مكنتيش تقصدي الي حصل أنت الي طول الوقت بتحاولي تكسبي ود أمي مش أنت الي هتتعمدي تضربيها .
ربنا يحفظك ليا يا حبيبي .
رددتها بعشق جارف لهذا الرجل الذي يفهمها أكثر من ذاتها ليبتسم لها بعبث ونظرة ماكرة لم تستطع تفسيرها إلا حينما وجدت ذاتها بين ذراعيه وهو يهمس لها بكل الكلمات التي ذكرت في قاموس العاشقين .
وسارت الحياة ب زهرة وياسر كما تسير حياة الجميع وبين تقلبات واستقرار بقى حبهم الشئ الوحيد الثابت .
زينب عانت من حديث المجتمع عن كبر سنها وتأخرها بالزواج حتى بعد زواجها مقتت جملة قطر
الزواج عدى التي تكررت علي مسامعها مرارا ولن تنكر أنها كانت تجيد الخسف بحالتها النفسية وجعلها تنطوي على نفسها أكثر مقتنعة أحيانا أنها بالفعل قد فقدت فرصتها في بناء حياة أسرية مستقرة .
فقط إذا توقف الناس عن الحديث لم شعرت زهرة بما شعرت به يوما .. نحن من نأذي أنفسنا وليست الظروف وأكثر ما يؤذينا هو حديث البشر كلمة عابرة تقولها أنت تستقر في نفسي مستقرا طويلا من تأخر عن شئ ليس من شأنك أن تذكره بأنه قد تأخر عنه فهو يعلم هذا جيدا ولا ينتظرك لتنبه من فقد شئ ليس بحاجه لك لتذكره بأهمية ما فقده .. من الأساس لا أحد يحتاج لحديث أحد خاصة إن كان ساما مؤذيا .. فرفقا بمشاعر الآخرين .
ربما انتهت تلك الجملة التي تصف الزواج بأنه قطر وعدى من حياة زينب ولكنها مازالت تتردد على مسامع فتاة ما أخرى في مكان ما آخر .. والحكاية مستمرة .
تمت بحمد الله 
الكاتبة زينب مسعد 
انتهت للتو من حفل توقيع روايتها الأخيرة والتي تسرد سيرتها الذاتية قطر وعدى لتستمع لأحد المعجبين بكتابتها ينادي عليها أثناء خروجها من القاعة فوقفت تلتفت لتلك الفتاة التي أقبلت عليها تردد بابتسامة سعيدة 
دكتورة زينب أنا مبسوطة أوي أني قابلت حضرتك .
ابتسمت زينب بحبور وهي تردد 
وأنا أكتر .
أنا بس كان عندي سؤالين عن الرواية .
اتفضلي .
هو ليه حضرتك مذكرتيش حبك للكتابة في أحداث الرواية 
ابتسمت زينب وهي تردد 
عشان أثناء أحداثها مكنتش حبيت الكتابة لسه ولا دخلت العالم ده أحداث الرواية توقفت لحد بعد جوازي بسنه أنا بقالي 7 سنين متجوزه دلوقتي وبكتب من 5 سنين .
تمام وعندي فضول أعرف حماة حضرتك بقت كويسه معاك والتزمت بكلامها الي ذكرتيه في الرواية 
ابتسامة ساخرة زينت محياها وهي تقول بلباقة 
لو كنت حابه أوضح كنت وضحت في الرواية لكن الأحداث متوقفة عند وقت معين وفيما بعد الوقت ده متروك لخيال القارئ بعد اذنك .
انهت حديثها خارجة من القاعة لتزفر أنفاسها بضيق وهي تردد 
قال كويسة قال ..
يتبع
قطر_وعدى
ناهد_خالد
انتظروا الفصل الأخير
قطر وعدى الفصل الأخير .
وصلت لمنزلها لتفتح باب الشقة فوجدت الهدوء يعم المكان وهذا
ما أوحى لها بخلود تؤاميها للنوم قابلتها المربية في منتصف الردهة لتسألها قائلة 
الولاد ناموا يا جيسي 
أجابتها الأخيرة بلكنتها العربية الغير سليمة 
يس مادام .. من شوية صغيرين وأكلوا قبلها .
تلفتت حولها وهي تسألها ثانية 
ياسر لسه مجاش 
نفت برأسها وهي تقول 
نو مدام لسه أنت تحبي احضر غدا 
نفت برأسها وهي تكمل طريقها للداخل 
لأ شكرا يا جيسي هستنى ياسر .
دلفت لغرفتها لتضع حقيبتها وتلتقط هاتفها تضعه على الشاحن سريعا لا تعلم كيف نسيت وضعه على الشاحن صباحا فأنهى شحنه منها بمنتصف اليوم وهذا ما قطع اتصالها بياسر ... غيرت ثيابها وجلست تمسك هاتفها تتصفحه لترى ردود الأفعال على حفلتها الأخيرة .. بعد نصف ساعه وجدت دقات خافته فوق باب الغرفة فظنتها جيسي مما جعلها تهتف 
ادخلي يا جيسي .
فتح الباب ليظهر منه رأس ياسر فقط وهو يهتف 
ولو ياسر يرجع 
اتسعت ابتسامتها وهي تردد بملامح مرحه 
والله مش متعوده إن ياسر بيخبط على الباب .
أصل ياسر مش لوحده .
هتف بها وهو يدلف حاملا صندوق كبير مغطى بقماشه حمراء وجهت نظرها بفضول للصندوق حتى وضعه أمامها على الفراش وهتف 
أيه مش حابه تشوفي المفاجأة 
هزت رأسها بلهفة وهي تزيل القماشة لتصرخ فرحه حين وقعت عيناها على ما بداخل الصندوق فقد كان قط أبيض كبير غزير الشعر بعيون خضراء جميله رفعت عيناها ل ياسر وهي تسأله بفرحه 
أنت مش رفضت إني أجيب قطه وقلت مبحبهمش !
هز رأسه يأسا وقال 
ومازال بس قعدت أفكر أجيبلك هدية ايه بمناسبة حفل توقيعك لكتابك الجديد ملقتش حاجه ممكن تفرحك غير دي .
وقفت تقترب منه وهي تحيط عنقه بذراعيها مردده بدلال 
يعني اتغاضيت عن كرهك ليهم وجبتهالي عشان تفرحني .
أومئ برأسه بابتسامة واسعة وهو يقول 
شوفت بقى طلع حبي ليك أكتر من كرهي ليهم .
ضحكت بدلال وهي تقول 
نفسي افهم بتكرهم كده ليه 
رفع منكبيه بلامبالة 
عادي مبحبهمش ..
سحبها من يدها ليجلسا فوق الأريكة مرددا باستفسار 
الحفلة كانت عاملة ايه 
تنهدت وهي تهتف بابتسامة ذات معنى 
السؤال المتكرر .. ياترى حماة زينب بقت كويسه معاها فعلا 
تجمدت ملامحه وهو يسألها 
وإجابتك 
رفعت كتفيها وهي تردد بقلة حيله 
الأحداث متوفقة عند نقطة معينة الي بعد كده متروك لخيال القارئ .
أكملت بيأس 
كان نفسي الحقيقة كانت تبقى زي الي أتذكر في الرواية .
شردت بذاكرتها في ذلك اليوم الذي غيرت أحداثه ..
خضعت لرغبة زوجها وذهبت لوالدته لمصالحتها ..
أنا آسفه ياطنط متزعليش مني أنا بجد أعصابي كانت تعبانه وده الي خلاني اتصرف بطريقة غريبة لكن أنا عمري ما قصدت الي عملته أنا حقيقي آسفه أتمنى تعتبريني زي سمية .
وبملامح غير مقروءه ردت الأخيرة 
حصل خير .
نهض ياسر بعد أن دق هاتفه ليستأذن منهما ويخرج تاركا إياهما بمفردهما وما إن خرج حتى استمعت لصوتها ېعنفها 
اوعي تقارني نفسك ببنتي تاني سمية متربية يا حبيبتي مش زيك قليلة الأدب بنتي لو في يوم مدت ايدها عليا أكسرهلها .
وبجدية كانت تسألها 
أنا حابه اعرف الي سمعته كان صح مش كده انا مخرفتش ولا كدبت .
مشطت بعيناها المكان لتتأكد من عدم وجود أحد ثم هتفت 
آه الي سمعتيه صح .. لما وقعت فكرتك حامل بجد بس لما جبت الدكتور لقيتك عندك برد مش اكتر كلمت ياسر وقلتله إنك تعبانه وقالي أنه جاي وقرب ع البيت وفي نفس الوقت لاقيتك بتفوقي .. مكنش في بالي حاجه وكنت مستنيه ياسر عشان امشي بس فجأه الفكره جت في دماغي كنت فاكره إن أخرك هتقولي لياسر وأقول إنك بتتبلي عليا أو تتخانقي معايا وييجي يلاقيك بتعلي صوتك عليا وبتتهميني بالباطل بس متوقعتش الي عملتيه .
ليه كل ده !
هتفت بها بصوت مبحوح من تلك الغصه التي احتلت حلقها ..
يلا يا زهرة .
التفا الإثنان على صوت ياسر الحاد الذي يعبر عن استماعه لحديث والدته التي شحب وجهها وهي تراه أمامها وأكمل 
مش ندمان إني جبتها تعتذرلك لأنك في الآخر أمي بس تنسي إني متجوز أصلا ومراتي ملكيش دعوه بيها .
زهرة 
استفاقت على ندائه لها لتنظر له فوجدته يسألها 
سرحت في ايه 
نفت برأسها وهي تردد 
ولا حاجه .. بص يا ياسر زي ما قولتلك قبل كده مكنش ينفع أبدا أطلع والدتك بصوره وحشه خصوصا والقصه حقيقيه وكلهم عارفين إنها قصتي وده الي خلاني أغير الحقايق وكمان لأن القراء هيحبوا إن حماتي تعترف بغلطها والأمور تهدى ما بنا .
قطع حديثهما دقات فوق الباب تبعها صوت جيسي يقول 
دكتور ياسر والدة أنت بره .
وضعت زينب يدها فوق جبهتها بضيق ثم وقفت وهي تهتف 
اطلع يا ياسر لتقول إني مش عاوزاك تقابلها .
اتجهت للفراش لتخرج القط من صندوقه تمسد فوق جسده بحنان ليستكين لها الآخر سريعا .
عيال ايه الي يناموا الساعه 4 العصر هيصحوا امتى دول ويناموا تاني امتى 
ياماما جم من الحضانة مرهقين عملوا الواجب واتغدوا وناموا ايه المشكله .
لا يا حبيبي في حاجه اسمها النوم بمواعيد مراتك بس الي مش فاضيلهم وسايباهم للمربية بتاعتها تنيمهم بمزاجهم .
زفر بضيق وهو يردد 
ماما أنا عارف الډخله دي كويس بتبدأ بكده وبعدها بيكون كل كلامك انتقاد لزهرة لو سمحت قولتلك متجبيش سيرتها اعتبريها مش موجودة .
ياريتها مش موجودة بجد عالأقل كنت جيت أنا ربيتلك ولادك .
نهض پغضب وهي يهتف 
ياماما لو سمحت كفايه بقى أنا زهقت بجد ارحميني ياريت تبطلي كلام عليها وريحيني وريحي نفسك !
خلاص خلاص هسكت ..
لوت فمها وهي تقول بامتعاض 
قال يعني هتكلم على السفيرة .
رمضان جانا وفرحنا به
بعد غيابه وبقاله زمان
غنوا وقولوا شهر بطوله
غنوا وقولوا
اهلا رمضان .. رمضان جانا
اهلا رمضان .. قولوا معانا
اهلا رمضان جانا
بتغيب علينا وتهجرنا وقلوبنا معاك
وفى السنة مرة تزورنا وبنستناك
من امتى واحنا بنحسبلك ونوضبلك ونرتبلك
اهلا رمضان جانا قولوا معانا
اهلا رمضان جانا 
دندنت بها وهي تخرج من المطبخ حامله أطباق الفول والبيض وخلفها الصغار زهرة و يوسف يرددون ما تقوله ببهجه ..
خرج ياسر على صوتهم ليهتف بابتسامة فرحه 
مولد كل سنه .
هتفت زهرة وهي تضع الطعام على الطاولة 
بزمتك تحس برمضان من غير الجو بتاعنا ده 
اقترب منهم ليقبل جبينها ثم انحنى يقبل الصغار وهو يهتف بسعاده بالغة 
لا طبعا .. ولا حاجه في حياتي ليها طعم من غيركوا .. ربنا يحفظكم ليا .
ابتسمت له بحب وهي تردد 
ويحفظك لينا يابابا .
يلا الفجر هيأذن .
هتف بها يوسف الذي أسرع بتناول البيض ليضحكوا جميعا عليه وهتفت زهرة بضحك 
اومال لو مكنتش بتصوم للضهر !!..
اجتمعوا جميعا حول الطاولة يتناولون السحور في جو عائلي ورغم صغر أعداد العائلة إلا أنها كانت مليئة بالحب والدفئ الذي لم تتوقع زينب أن تحصل عليه يوما .
تمت بحمد الله 
ناهد_خالد
اشوفكم في حكاية تانية