هدوء العاصفة ج2
نزلت آدم من الجنه يا روح
روح لا يا بابا الشيطان الوسواس عارض الله عز وجل و هو اللي صنع الفكره في عقل حوا خلاها تعصي أمر ربنا ودي معركه شغاله من بداية الخلق حتي الان لسه لحد دلوقتي بيخلق الافكار السلبيه في عقل ابناء آدم عشان يتولد في النفس البشريه نوع من انواع الكفر بالله ما احنا لما نكفر بما أوتي في كتاب الله يبقي بنكفر احنا اتخلقنا من ضلع آدم عشان يحتوينا بكل حلاتنا الاب بيحتوي بنته ولما بيحسن تربيتها بتكون هي بوابته لدخول الجنه والزوج بيكون بينه وبين زوجته موده ورحمه الابن بيكون بار بوالديه مش بوالده بس
مختار يااااه يا روح كلامك حلو جوي اتعلمتيه فين ده
روح من الكتب اللي كان حازم بيجبهالي خلتني افهم ديني ودنياي صح خلتني اتعلم القرآه والكتابه اعرف أتصرف في اي موقف اتحط فيه ازي علمتني اتكلم قاهري كويس واتأقلم مع الناس
روح سامحتك يا بابا سمحتك عشان ده مش ذنبك انت ده ذنب المجتمع العقيم اللي احنا عايشين فيه
مجتمع مابيعترفش بالبنت الا انها آله تعمل شغل البيت وتجيب الاطفال ورافض يعترف انها نص المجتمع بالرغم من انها هي المجتمع كله لأنها هي العامل الاساسي لوجود النص التاني
مختار عندك حج يا بتي العلام زينة للعجل صوح فين حازم
مختار ناديله انا عاوزه
روح حاضر
خرجت روح وعادت بعد لحظات ومعها خالتها وحازم فأشار مختار ل حازم قائلآ
مختار تعلا يا ولدي
اقترب حازم من مختار وجلس علي الكرسي المقارب له و
مختار فاكر يا ولدي لما طلبت مني تتجوز بتي روح وانا جولتلك معندناش بنته للجواز
حازم مالوش لزوم تتكلم الوقتي انت تعبان
مختار لاه يا ولدي ده الوجت المناسب للحديت انا بعتلك روح عشان اجولك اني عندي احلا بت في الدنيا كلياتها عندي جوهره اسمها روح ولو لسه عاوز تتزوجها
حازم عاوز ايه يا عمي انا بتمني اليوم ده من زمان
مختار يبجي علي بركة الله يا ولدي حازم طب نقرأ الفاتحه
وتمت خطبة روح وحازم ومرت الايام وبعد ان تعافى مختار عادا الي بلدتهم ليعيش رافعآ رأسه بأبنته التي يذاع صيتها في أنحاء العالم بفضل موهبتها في تصميم الأزياء وبزوج ابنته الذي يعامله كوالد له
تمت
