لم يكن فتي احلامي بقلم أيات الرحمن

دا اد بلدنا كلها دا السرير 
بس ينام عليه عشره
اه يا بابا لو تيجي وتشوف القصر دا ساعتها هتندم علي رفضك الجوازه دي فضلت افتح كل حاجه في الاوضه دي تقريبا فيها حاجات عمري ما شوفتها لحد ما نمت
وصحيت حوالي الساعه خمسه كدا وبتحرك من مكاني عادي لقيت حد نايم جنبي قومت بسرعه وانا مخضوضه وفجأه لقيت اللي نايم دا نزل البطانيه من عليه و
لقيت البطانيه بتتحرك اكيد في حد كان نايم جنبي طول الليل وانا ما حسيتش بيه ياتري هو مين دا وفجأة خرج من تحت البطانيه كلب
استغفر الله العظيم يارب هي شكل ايامي كلها في القصر دا هتكون مواقف وطرائف
بعد شويه جيت الداده ومعاها الفطار وقالت كلي كويس عشان النهارده هيكون يوم طويل وعشان في فريق من بيوتي سنتر هييجوا يجهزوكي
وسابتني وخرجت بصيت للأكل وافتكرت اهلي عيوني دمعت بس اللي صبرني ان كل ديون بابا هتتسدد واخواتي هيتعلموا احسن تعليم
وحياتهم هتكون احسن بعد حوالي من ساعه كدا جيت الداده وطلبت مني اجهز عشان فريق البيوتي سنتر طالعين خلاص مفيش مفر ولازم أواجه مصيري
جهزت لبست فستان زفاف راقي جدا جدا وميك اب هادئ وجه يوسف اخو مؤيد حط تاج علي رأسي التاج دا مصنوع من الآلماس
يوسف دا مدير الشركه اللي ذكرناه في الاول واخدني ونزلنا وتم عقد القران ومجرد ما سمعت كلمة بارك الله لكما وبارك عليكما وجمع بينكما في خير عيوني دمعت لوحدها
كان نفسي يكون اهلي معايا كان نفسي اوي لقيت يوسف بيه باس رأس مؤيد وبارك ليه وجه عندي وبارك وقال بهمس ما تقلقيش انا وفيت بوعدي وسددت جميع ديون والدك
وكل ما يكون مؤيد مرتاح كل ما اهلك حياتهم هتكون احسن والراحه هتكون متوفره ليهم علي اكمل وجه وبارك ليا كمان مره ومشي
واصبحت انا دلوقتي زوجة مؤيد الصاوي اللي عمري مااتمنيت يكون فتي أحلامي بأوصافه ايوه هو شكليا حلو لكن عجزه دا اللي مغير كل حاجه
مر وقت مش طويل مش قادره افهم البني آدم دا ولا هو كمان قادر يفهمني لحد ما جه يوم ما كانش محسوب في بالي وظهر فتي أحلامي اللي اتمنيته بجد بكل اوصافه
مال وجمال ودا مش شخص بعيد دا يبقي اخو مؤيد والاقرب ليه بس كان مسافر ورجع طبعا ما كانش في بينا معرفه ودي كانت اول مرة اشوفه فيها
لكن المره دي غيرت جوايا حاجات كتيره وبدءت رحلة متاعبي من هنا ووقعت في الحب من اول نظره مع اخو زوجي
بقلمي أيات الرحمن
المره دي غيرت جوايا حاجات كتيره وبدءت رحلة متاعبي من هنا ووقعت في الحب من اول نظره مع اخو زوجي
يوسف وانا بقول مصر كلها نورت ليه اعتقد ان عرفت السبب دلوقتي خلاص
أكمل دا مؤكد يا چو
واتبادلوا الضحكات كنت واقفه مش فاهمه ليه انا مركزه في ملامحه كدا مع ان مؤيد شكليا اجمل منه هو حلو بردوا بس مش للدرجة اللي عند مؤيد ما هو الحلو ما بيكملش
سلم علي يوسف ومؤيد وجه عندي
يوسف دي بقي يا سيدي زهراء زوجة مؤيد انا كلمتك عنها قبل كدا
أكمل أيوه فاكر دي اللي اتزوجت مؤيد مقابل الفلوس صح
وقتها حسيت كإن حد خبطني بحجر في رأسي بس بكل قوته وحطيت عيوني في الأرض يوسف عشان يغطي ع الموضوع قلبه ضحك طلعت فوق قعدت علي السرير بملل
وفضلت اشتم فيه بكل غيظ دا انسان تافه هو كان حد راضي اصلا بأخوه 
دا غيري لولا ان اهلي محتاجين يسددوا ديونهم ماكنتش وافقت اصلا ع الجوازه الزفت دي
وفي اللحظه دي دخل مؤيد
انا اسف علي اللي آكمل قاله حقك عليا ماتزعليش هو مع الوقت هيقدر يفهم ان انتي بقيتي واحده من العيله دي
اتنهدت وقولت مش هتفرق عموما حصل خير مؤيد طب اي مش عايزه تخرجي ما زهقتيش من قعدت البيت 
زهراء اكيد يعني زهقت بس هخرج مع مين
مؤيد معايا
زهراء معاك انت ازاي وانت ما بتمشيش وهنا ادركت اني اتسرعت اوي في الرد 
انا اسفه والله مش قصدي
لقيته ضحك بس بحزن وقال ولا قصدك عموما حصل خير اجهزي بس انتي وانزلي عشان
هنخرج افرجك علي المدينه كلها بس بسرعه كدا عشان نلحق نخرج وسابني ومشي
ايوه انا حسيت بالذنب لما اتسرعت في الرد بس دي الحقيقه انا طول عمري اصلا اللي في قلبي علي لساني
لبست وحطيت ميك أب هادئ جدا وخرجت من اوضتي لكن وقفت لما سمعت يوسف وهو بيتكلم مع أكمل وبيقول ليه
زهراء مش لازم تعرف اي حاجه من الحقيقه زهراء لو عرفت كلمه واحده بس هنروح كلنا في ستين داهيه
أكمل وليه مش لازم الهانم تعرف هي مش اختارت تعيش معاه وهو عاجز عشان الفلوس اكيد لو المبلغ ذاد شويه هتوافق تعيش معاه بردوا وهو قاااااتل
يوسف يا الف خساره فعلا يا اكمل محدش يعرف مين عدوه ومين حبيبه ومؤيد فاكرك اقرب حد ليه هنا بجد الف خساره
أكمل كلنا بنتخدع في بعض يا يوسف ومؤيد لو واقف علي رجليه ما كانش زمانه رحمنا انا وانت كان زمانا في الشارع وهو مستمتع بالعز دا لوحده ما هو مال امه بقي واكيد ما عنديش شك ان انت متحمله عشان تورثه
سمعت الكلام دا من هنا وماحسيتش بالدنيا غير وصوت الدكتور بيقول الف مبروك المدام حاااااااامل
يوسف واكمل بصوا لبعض وقالوا پصدمه حااااامل
استوووب هنا البارت الجاي نعرف ازاي زهراء هتكون ام ومؤيد عاجز ياتري علي معرفه بحد تاني ولا الحكايه ليها شكل مختلف عن كدا
بقلمي أيات الرحمن
وقفنا لما الدكتور قال ان زهراء حااااامل ومؤيد عاجز طب دا ازاي هنعرف دلوقتي
كانت صډمه كبيره بالنسبه ليا ازاي وانا اصلا عزراء بصيت لمؤيد بنظرة ان والله العظيم ما اعرف ازاي دا حصل ما هو في الوقت دا
ماينفعش اصلا ابص لحد من أخواته واحاول ابرر موقفي قطع كل دا كلمات أكمل اللي نزلت عليا زي الصاعقه
أكمل اكيد في حاجه غلط دا مش ابن مؤيد انا قولت ليك يا يوسف ان دي بت شمال وما يليقش بيها تشيل اسم الصاوي ما صدقتنيش
طبعا انا مش هقدر ارد لان اي كلمه هتتقال هيكون عنده الف حق فيها ما هو بعد المصيييبه دي ما ليش اي عين اتكلم اصلا
يوسف بصړاخ اخرس يا اكمل مش وقتك خالص ولسه هيوجه كلامه ليا قاطعه صوت مؤيد
مؤيد اول حاجه مع احترامي ليك يا يوسف لما تيجي يااكمل تتكلم عن زوجتي تتكلم بكل ادب واحترام تاني حاجه هي متزوجاني يبقي دا ابن مين غيري
أكمل ايوه بس ازاي
مؤيد عشان قاعد علي كرسي متحرك يعنى دا عادي انا ولسه هيكمل رد يوسف وقال
خلاص يا مؤيد انت سيد الناس كلها والف مبروك ويتربي في عزك يا حبيبي الف مبروك يا زهراء ونادي ع داده وقال ليها ان ممنوع اتحرك من مكاني
وكل حاجه تيجي لحد عندي عشان البيبي الصغير ييجي بسلام وباس رأس مؤيد واخد اكمل وخرج ولحد