غدر الصحاب

انا كنت بس بتاكد وخلاص يلا اتفضلو نامو وخرجت وسابتهم
ساندي 
مسكت سلمي من دراعها وقالت لها اكيد انتي اللي روحتي قولتي لتهاني عني مش كده برضو
سلمي 
ايوه انا اللي قولتلها عنك انك كل يوم بتخرجي وترجعي متأخرة من برة ده انا كمان مرضتش اقولها على اني شوفت الصبح وانتي واقفه مع شاب في الجامعة
ساندي 
وانتي مالك بيا يابت انتي كنتي وليه أمري ولا كنتي وليه أمري انا هنا اعمل اللي انا عايزاه وانتي ملكيش حكم عليا
سلمي 
لا يا ساندي احنا هنا مع بعض في سكن واحد واذا كنت بعمل كده يبقا عشان بخاف عليكي وكمان عشان لو اي حد اتكلم عليكي وجاب سيرتك يبقا هيتكلم علينا كلنا وانا مش هسمح بكده
ساندي 
تسمحي ولا متسمحيش ياحبيبتي خليكي في حالك ولا هتعملي لي فيها الخضرة الشريفة وانتي اصلا تلاقيكي مدوراها مع الشباب
سلمي 
الله يسامحك انا مش هرد عليكي عشان انا عارفة نفسي كويس وعارفة حدودي وعمري ما عمل حاجة غلط احنا هنا عشان نتعلم والمفروض نحافظ على نفسنا عشان احنا بنات ومعندناش غير شرفنا ولازم نكون اد الثقه والأمانة اللي اهالينا حطوها فينا
نور 
يوووه ما خلاص بقا انتي وهي خلصنا ياساندي انتي وسلمي يلا اتفضلو كل واحدة على سريرها بدل ماتيجي المشرفة وتطردنا كلنا بره
ساندي بصت لسلمى وقالت 
طييب انا هوريكي يبتاعت الشرف والأمانة
انتي
وفضلت ساندي تغلى من ناحية سلمي وعايزة ټنتقم منها باي طريقه وفكرة في فكرة
سلمي رجعت من الجامعة كانت ساندي قاعده على سريرها ونور على سريرها 
سلمي 
انا هادخل اخد دش يانور لحسن الجو كان حر النهارده جدا
نور 
طيب ياسلمي ادخلي وانا هنزل تحت اجيب لي اي حاجة اكلها اجيب لك اكل معايا
سلمي 
لا بصي هاتيلي معاكي باكو بسكوت على ماخرج
تاني يوم في الجامعه 
ساندي 
هاي يا زيزو اخبارك ايه
زياد 
سوو قلبي وحشتيني اوي ياقلبي ايه مجتيش بقالك يومين ليه دي القاعده كانت نقصاكي
ساندي 
اسكت يازيزو اصل الزفتة اللي سكنت معانا في الاوضة جديد حطاني في دماغها وراحت قالت للمشرفة بتاعت السكن اني بخرج وبتاخر راحت المشرفة زعقت معايا ومعرفتش اخرج
زياد 
نعم والبت دي تحطك في دماغها ليه أن شاء الله اكيد غيرانك منك طبعا ياسوو اسمها ايه البت دي وانا اظبطهالك
ساندي 
اسمها سلمي وبعدين انا اصلا كنت جيالك عشان عايزاك تظبطها فعلا هديلك رقمها وكمان هوريك فيديو حاجة بقا اسبشيال اوي هتشكرني عليها اوي يازيزو
زياد 
ايوه بقاااا ياسو وريني كده عايز اتفرج
ساندي 
ايوووه بالظبط كده انا عايزاها تتخرس خالص وتحط لسانها جوه بوقها بدال ما هي عملالي فيها شريفة كده
زياد 
طيب ابعتيه وانا ابعته للي هيجيب معاها من الاخر بس على فكرة هنحتاج مصاريف
ساندي 
ياحبيبي كل الفلوس تكون عندك هديك اللي انت عايزة بس البت مناخيرها تتكسر وتبقا في الأرض ومش يبقا ليها قومة تاني
زياد 
ده انتي شكلك بتحبيها اووي ياسوو ابعتي ابعتي
زياد
انا مش هوصيك بقا يامعلم عايزك تظبطها
سمير اتصل بسلمي وقالها
الووو ايوه ياجميل
سلمي
الوو انت مين
سمير
انا معجب ولهان ياقمرر
سلمي
انت جبتي رقمي منين انت اقفل اقفل
وقفلت في وشه في السكة
وبعد شويه اتصل بيها تاني
انت بتقفل في وشي السكة ياجميل لا لا انا محبش كده خليكي حلوه عشان ابقي حلو معاكي
سلمي
انت عايز مني ايه يازبالة انت على تتصل بيا تاني وهعملك بلوك حالا
سمير
لو عملتي بلوك يبقا انتي الجانية على روحك استني اوريكي حاجة
وبعتلها الفيديو على الواتساب سلمي شافته لطمت على وشها والتليفون وقع من ايديها
سلمي
يا نهار اسود ازاي ده بس حصل انا اعمل
ايه بس دلوقتي يا ربي ومين اللي هيكون عمل فيا كده 
مسكت الفون