سكريبت بقلم آيه فتحي
المحتويات
شعر بعض
ضحكت وقومت خرجت أعمل له أكل ما هو قرة عيني برضه وأنا مايهونش عليا أسيبه كدا
وعلشان كنت عارفة إن دا هيحصل ف كنت جايبة له فينو وجبنة عملت له ساندويتشات وخرجت لقيته قاعد في البالكونه قعدت جنبه وإديته الساندويتشات
الأكل
تسلم إيدك
بالهنا
هقوم أجيب الكشكول علشان تشرح لي
جبته وقعد يشرحلي وراجع لي حاجات كتير من ال فات والله أنه حبيبي حبيبي حبيبي ربنا يستره يارب
كدا فيه حاجة تاني مش فاهماها
لا الحمدلله كدا فل جدا
الحمدلله
بقول لك صحيح الشقة خلاص فاضل أقل من شهر وهتكون جهزت
إيه هي
أنا مش عايزة أعمل فرح مختلط
يا غيث عايزاه يكون إسلامي مش عايزة أول يوم في حياتنا سوا نعصي ربنا فيه وكمان كدا هيوفر فلوس كتير ممكن نسافر نروح نحج بيها أو نتصدق بيها و نساعد ناس تانية وتكون بداية لحياتنا بعمل خير بس لما فتحت الموضوع ل ماما لقيت إنها مش موافقة ومعارضاني وقالت لي مفتحش معاك الموضوع دا بس بجد مقدرتش
باس إيدي
قبل كل شيء عايز أقول لك إني فخور بيك
ثانيا أنا موافق جدا ودا قرار سليم ومتقلقيش هنقدر نقنعهم ومحدش هيجبرك تعملي شيء ڠصب عنك
الله يديمك ليا بجد
نفسي ال كام أسبوع دول يفوتوا بسرعة وتخلصي إمتحاناتك علشان نكون في بيت واحد
يوه!
طب ما أنت لاجئ في بيتنا 24ساعة يا غيث أهو ومتكلمناش فرقت إيه يعني
لاجئ في بيتكم!
أنا يا حبيبتي جاي ل عمتي مش جاي لك أصلا
طب قوم يا حبيب عمتك إنزل شقتكم يلا علشان هننام
بتطرديني هاا
كما تدين تدان يا حبيبي
قام باس راسي وهو بيضحك ونزل كان خالو وطنط نزلوا فضلت مبتسمة لحد مانزل قومت ذاكرت ال شرحه ليا وقبل ما أنام لقيته بيرن عليا إتكلمنا سوا لحد ما نمت
أنت حجزت القاعة ال هيتعمل فيها الفرح يا غيث
لاء ما إحنا مش هنعمله في قاعة
يعني إيه هتتجوزا على السطوح مثلا!!
اتوترت شوية من حدة صوتهم مسكت في إيد غيث وبصيت في عينه طمني بنظرته وبدأ يتكلم ويقنعهم
يا عمتو الفرح ممكن نعمله ونفرح من غير قاعة ومهرجان
إيه الكلام دا يا غيث يعني وافقتكم على كتب الكتاب يكون محدود ومقولتش حاجة لكن كمان عاوز بنتي تتجوز كدا هي أقل من البنات ال بتفرح وتعمل فرح ولا إيه أنا عايزة لبنتي فرح الكل يحكي
بس أنا مش عاوزة يا ماما
اسكتي أنت
ما تتكلم يا غيث
عمتك معاها حق هي عايزة تفرح ببنتها وأنا عايز أفرح ب ابني الوحيد
يا جماعة الموضوع مش زي ما أنتم
فاهمين إحنا هنعمل فرح
متابعة القراءة
