حماتي

قولت له 
كلامها يمشي عليك انت مش عليا انا عشان صدقني انت اللي هتخسر انا دلوقتي هنزل اشوف طلبات امك لحسن بعدين تعملي حكايه
ونزلت عند حماتي وقالت لي
جرا ايه ياحبيبتي هو انتي مش ناويه تنزلي تحت تشوفي البيت وتنضفيه
مريم
ليه منا نزلت اهوه ياحماتي وبعدين انا بس قولت لما يعدي يومين هنزل هو انا مش عروسه ياحماتي ولا ايه ولازم اقعد كام يوم عسل
الحما قالت بتريقة 
كام يوم عسل ايه ياختي
مريم
ايوه طبعا اومال ايه وبعدين انا الحمد لله مهنيه خالد علي الاخر حتى اساليه لما ينزل لا استنى هنادي لك عليه اساليه
ونزل خالد وقال لي
في ايه يامريم مالك صوتك عالي ليه بتنادي عليا ليه
مريم
ابدا ياحبيبي انا بس كنت بقول لحماتي اني انا وانت عايشين احلى ايام وان احنا مبسوطين مع بعض مش هي دي الحقيقة برضو
خالد
احم ااا ااه اومال ايه ده انا حتى ياماما بفكر اخد مريم ونطلع الساحل عشان نعمل شهر العسل
لقيت حماتي قالت بغل
تعملو شهر ايه ياروح امك شهر عسل بقا هتاخد دي شهر عسل خلاص يبقا رجلي على رجلكم
مريم
بس المفروض ياحماتي اننا عرسان جداد وشهر العسل ده لينا احنا انتي هتيجي معانا تعملي ايه بقا
الحما
هاجي اغير جو ياروح امك ولا انتي تتفسحي وانا لا اسمع ياخالد انا هاجي معاكم
مريم
خلاص ياحماتي روحي انتي مع ابنك وانا بقا هخليني هنا ولا انت رايك ايه ياخالد
خالد
ااا ياماما مش هينفع طبعا دي رحله خاصه بيا انا ومراتي ارجوكي خليكي هنا ياماما
الحما
بقا كده ياخالد بقا بتبقيها عليها ماشي يابن بطني خليها تنفعك بقا
وسابتنا ودخلت اوضتها وانا قولت له
انا مش رايحة رحله ولا حاجة ومش عايزة اروح وياريت بقا تطلقني عشان انا مش هستحمل العيشه دي
خالد 
انا مش هطلقك وهسيبك كده زي البيت الوقف
وعدت شهور على ده الحال ورحت لخالتي وحكيت لها هي وسارة ومصدقونيش وقالت لي 
يانهارك اسود ومنيل يابنت الكلب انتي يابت جايه تسوئي سمعت جوزك طب والله لو مرجعت بيتك دلوقتي لكون مخليه حماتك مطلعك عنيكي
سارة 
انتي جايه تعملي علينا شويتين هو احنا ناقصينك غوري يابت من هنا احنا اصلا مصدقنا خلصنا منك
ومشيت وانا مڼهارة من العياط ورجعت البيت قفلت على نفسي ومش بتكلم مع حد
وعند سارة اكتشفت انها حامل ولطمت على وشها وقالت
يلهووووي انا هعمل ايه دلوقتي انا لازم اكلم وليد واقوله انه يجي يطلبني من ماما بسرعه
وفعلا اتصلت بوليد اللي قال لها
نعم ياروح امك حامل من مين بقولك ايه انتي تروحي ترمي بلاكي على اي حد تاني انا مش هتجوز واحده يلا سلام ياقطه
وفضلت ټعيط وقالت
انا هاروح لمريم بنت خالتي وهي تشوف لي حل
وفعلا لقيت سارة جايه عندي وبتعيط وقالت لي
الحقيني يامريم انا في مصېبة وحكت لي على كل حاجة وانا قولت لها
ينهار اسود وليه ياسارة تعملي في نفسك كده ليه بس دي امك مش مخلياكي محتاجة حاجة ابدا
سارة
ارجوكي يامريم اقفي جنبي ارجوكي
مريم
طيب انا هتصرف اديني عنوان الواد ده
وفعلا اخدت منها العنوان ورحت له وقالي
ايه ده هو القمر بيطلع بالنهار ولا ايه