ملتزمة تزوجت من رجل أعمال الاخيرة

قرء قوله تعالي. احسب الناس. ان يتركوا ان يقولوا امنا وهم لايفتنون
افتكر كلام خديجه. لما قالت الابتلاء ده عشان ربنا يختبر صدق ايمانك. عرف انها رساله من ربنا ليه. 
باسم فضل يبكي ويقول. يارب. انا مش هسيب بابك حتي لو اخدتها. عندك. يارب اوعدك هفضل واقف علي بابك. يارب انا بدعيلك ليس سخطا ولكن طمعا في كرمك. يارب. احفظهالي. يارب. اشفيها. يارب. كون معاها. يارب وكلتك شفاء زوجتي. يارب انقذها يارب. مفيش حد هيرجعها غيرك. فضل يبكي ويبكي. 
انتهي من الصلاه قعد يذكر ربنا. خديجه دايما تقول ليه اترك الناس وروح لرب الناس وصدقني هو مش هيخذلك. ابدا. انت بس ادعي. واحسن الظن. بيه. 
باسم مسح دموعه وراح وقف. قدام العنايه. مستني. خديجه تطلع ليه هو عنده حسن ظن بربه. 
كلهم استغربو. بس فضلو يعيطو. قال ليهم بدل ماتفضلو ټعيطو. روحو صلو وادعو ربنا يخرجها لينا بالسلامه. 
باسم. لقي. كل الدكاترة داخلين. وبيبص لقاهم بيعملو ليها صدمات كهربا. غمض عنيه من المنظر. وسلم امره لله. وفضل يردد احسب الناس ان يتركوا ان يقولوا امنا وهم لا يفتنون. فضل يرددها والدكاترة بتعمل صدمات كهربا لخديجه. وباسم. نازل يرد. احسب الناس ان يتركوا ان يقولوا امنا وهم لايفتنون. رسالتك وصلت يارب. راضي. يارب. رسالتك وصلت يارب. رسالتك وصلت يارب. رسالتك وصلت يارب. الحمد لله الحمد لله. الحمد لله. انا راضي يارب. 
ياسمين وسميه. انهارو. ياسمين اغمي عليها مش قادرة تستحمل اكتر من كده. وسميه مش مصدقه. فعلا الانسان. بېموت في لحظه. كل نفس ذائقة المۏت. 
سميه افتكرت كلام خديجه وانها السبب في اللي هي فيه. وافتكرت ضحك خديجه ورخامتها وهزارها وافتكرتها. لما كانت بتتكلم عن ربنا وتأثرها. وهي عنيها كلها شوق. 
مني جت هي وخطيبها واهلها. ومنى اڼهارت 
وشافت. خديجه. بيتعمل ليها صدمات كهربائييه. فضلت تردد. وان اصابتهم مصېبة قالو انا لله وانا اليه راجعون. افتكرت. خديجه. لما قالت. لازم دايما نفتكر الرجوع الي الله. مني. خلاص. ياخديجه مش هتحضري فرحي. خلاص. مش هتزعقيلي لو مااشتغلتش في الدعوه الي الله. قومي ياخديجه قليلي. ايه يامني مش عايزه تكوني جند من جنود الله. قومي ياخديجه زعقيلي لو تركت القيام. قومي ياخديجه. هزري. معايه. قومي. قولي. انا مالي ومال التعليم. ياارب. اشفيها هي بين ايديك. يارب. اشهدك انها كانت نعم الصاحبه الصالحه ليا. يارب كانت بتعني دايما علي طاعتك. ردها الينا يارب بخير وسلامه. 
مني. ولئن اصابتهم مصېبة قالو ان لله وان اليه راجعون. ان لله وان اليه راجعون.
كلهم زادو في البكاء. اكتر واكتر. 
ام باسم افتكرت لما كانت بتسمع المسلسل. وخديجه نزلت وشافتها. 
فلاش باك. 
خديجه بابتسامه. السلام عليكم ياست الكل. 
ام باسم بحب وعليكم السلام ورحمة الله وبركاته تعالي يادودو اقعدي اسمعي معايه. 
خديجه. لاشكرا ياماما. انا مبسمعشي. الحجات دي. 
ام باسم. باستغراب. هي حرام ولا انتي مبتحبيش تسمعيهم. 
خديجه. لا هي حرام حرام حرام. ومش كده وبس ده بتدخل في الكبائر بسبب مشاهد بتيجي واحنا واخدين بالنا. 
ام باسم بشهقه. كمان من الكبائر. ليه يعني. 
خديجه بنفس الابتسامه. ياحبيبتي. يامامتي. مفيش حاجه اسمها بنتسلي. لاني يوم القيامه ناس هتقول لربنا. ان كنا نخوض ونلعب. ربنا رد عليهم. قل ابالله واياته كنتم تستهزؤن. يعني. الكلام ده مينفعشي نقولو قدام ربنا انا مش هسمع. الفجور دي واقول كنت بتسلي. عايزه تقضي وقتك بحاجه مباحه. او بقراءة عن السيرة. عندك حجات كتير جدا تقضي وقتك. من غير ماتعصي ربنا. وموضوع. ده تمثيل. اسفه علي اللي هقوله. 
بس حضرتك. هجيب كاميرا. واصورك انتي وبابا. واقول تمثيل. لا وانتو زوج وزوجه. او اروح اجيب اي راجل واقعدو علي سرير مع اي ست واجيب كاميرا واقول ده تمثيل. 
ام باسم بشهقه. لا طبعا. بس احنا مالنا. 
خديجه. للاسف اللي بيشوف المنكر ومينكرهوش. ده بيبقي شريك معاهم في الذنب. مش تتفرجي عليهم وبسببك ياخدو ملايين. ويزيدو في الفجور اكتر. وبعدين حضرتك بتقولي مش بيأثرو. علينا وكله عارف انو تمثيل. لا هما عارفين بيعملو ايه. انا لما كنت بتفرج علي افلام ايام زمان واشوف. الملتلزمين. اللي هما جايبينها زي فيلم عادل امام وغيره وغيره. كنت بخاف جدا. من الالتزام. بسبب انهم متشددين بالطريقه دي. وبيتعاملو مع اهل بيتهم بالطريقه دي. 
ولما ربنا رزقني الالتزام وعرفت يعني ايه حيات الملتزمين. عرفت انهم كدابين وبيشوهو سمعة الدين. 
وللاسف مرة بتخانق ظع اخويه خڼاقه عاديه. لقيته بيقلي انتو كلكو كده. کرهتو الواحد في الدين. تفضلو تقولو لناس حرام وحلال وياريت بطبقوه علي نفسكو 
انا اټصدمت. كلنا مين. انا متربيه. معاهم ومعرفشي حد غيرهم. وامتا کرهت حد في الدين. وامتا شاف عليا اني بقول حلال وحرام ومش بطبقه علي نفسي. عرفت اني اعداء الدين وصلو صورة رسالتهم صح. اني الناس تخاف من المدينين. اوعي ياماما تشاركيهم في هدم الدين اوعي يوم القيامه. يكون معاكي جبال من السيئات بسبب الناس دي. ربنا يهدينا ويهديهم. اوعي ياماما. 
ام باسم. قفلت الشاشه وقالت مستحيل ارجع اعمل كبيرة زي دي تاني. 
خديجه بسعاده. ربنا يرزقك الفردوس الاعلي من غير حساب ولا سابق عڈاب. يبقي ادعيلي ياماما. كتير. 
ام باسم بتحضن خديجه. حاضر ياحبيبة قلبي. يابنتي. ياللي. بطني مشلتكيش. 
باك 
ام باسم بدموع. ورجاء. وقلب بيتقطع. يارب كون معاها نجيها يارب. كانت السبب في قربي انا وعيالي ليك. رجع لينا النور اللي كان مالي بيتنا يارب. يارب. ابني ھيموت من بعدها. يارب. هي مهنشي عليها تبعد ابن عن عين امه. يارب ياكريم. انا بحبك يارب نجيها. يارب رجعها لينا بالسلامه. 
وفضلت تفتكر خديجه. ومواقف خديجه. والبيت اللي دخلت فيه السعاده من يوم ماعرفو خديجه. ابنها وبنتها. وهي وزوجها.
ابو باسم افتكر خديجه. وهزارها. افتكرها وهي قاعده معاه. وبتكلمه بكل ود واحترام. افتكرها وهي بتحكي ليهم قصص الصحابه وعنيها بتلمع. من شدة الشوق. افتكرها. وبكي من كل قلبه. افتكر. انها سبب سعادة ابنه. بص علي ابنه لقاه. واقف. هو حاسس بيه. متاكد اني بيتقطع. من جواه. ابنه منتظر. وعنده امل. يارب ظني بك انك تشفي مرات ابني وترجعها لينا بالسلامه. 
ابو خديجه واقف وساند علي الحيطه. مش مستوعب اني بنته جوه بټموت. يالله. افتكر لما كان يقلها نفسي افرح بيكي قبل مااموت. تقول ليه ياعالم مين اللي ھيموت الاول. 
يضحك يقول انا خلاص عجزت. اما انتي لسه شباب والعمر قدامك. 
خديجه بابتسامه. يابابا. واذا جاء اجلهم لا يستاخرون ساعة ولا يستقدمون. يعني المۏت بالاجل. مش بالصغير ولا بالكبير. 
ربنا يطول في عمرك. وافرح بيكي واشوفك في بيت زوجك. 
افتكر لما كان يدخل عليها في الثلث الاخير من الليل. يلاقيها ساجده وپتبكي. افتكر هزارها ولعبها. مع اخوها. افتكر كل مرة قعدت وفضلت تكلمه عن ربنا. 
ام خديجه. مش قادرة. افتكرت كل مرة تكلم بنتها علي الزواج تقول ليها. ياامي الزواج رزق. زيه زي المۏت. هو حد يقدر يهرب من المۏت. قالت ولا حد يقدر يهرب من الرزق. يعني اطمني. رزقي جاي جاي. 
افتكرت. كلامها. افتكرت كلام الناس عنها وانها عرفت تربي. افتكرت حضنها وحنانها. افتكرت كل حاجه. مرت من وهي طفله. افتكرت لما قررت تلبس النقاب وهي بنوته صغيره. 
مرات اخوها. مصدومه. افتكرت لما خديجه كانت بتقول ليها. رحم الله فلان كان وكان وكان لايذكر الا الاعمال. عشان كده. دايما. اعملي خير. ومش ترميه في البحر لا حطيه في ميزان حسناتك.
عبد الرحمن. افتكر هزارهم وضربهم لبعض. وافتكر وهي بتنصحه انو يلتزم ويتقرب لربنا. اااااه. 
وفجأه كلهم سمعو الدكاترة پيصرخو علي الممرضات. وزودو في الصدمات والقلب بيضعف.
كلهم فضلو واقفين ويدعو. وسميه ماستحملتش اكتر من كده واغمي عليها. وياسمين عطوها مهدء. وام خديجه وقعت هي كمان. 
وباسم الدموع بتنزل وهو واقف وبيدعي من كل قلبه.
ان شاء الله الحلقه اللي جايه. هي الحلقه الاخيره. 
مش هقدر اكتب اكتر من كده انا قلبي وجعني الصراحه. بس. الحياه مش دايما وردي. 
نكمل بكره
ملتزمة تزوجت من رجل أعمال
الحلقة الواحده والأربعون والأخيرة
دي اخر لقاء بيني وبينكم في رواية ملتزمه تزوجت من رجل اعمال. 
كلهم واقفين. وباسم. مستني. وافتكر كلمة خديجه. لما ربنا بيبتليني بفتكر ياتري ايه الهديه اللي ربنا هيعطيها ليا بعد الابتلاء. 
باسم ابتسم. وعرف اني اكيد في هديه. ورحمة ربنا. واسعه. ومش هيخذله. 
الدكاترة. اتنهدو براحه. وواحد منهم طلع. كلهم جريو عليه. ماجد. طمنا يادكتور. وباسم واقف لسانه مش قادر يحركه. بس مستني. كلام الدكتور. 
الدكتور بهدوء. الحمد لله. هي دلوقتي. عدت مرحلة الخطړ بس هنسيبها. 24ساعه في العنايه وبعد كده هتنتقل في اوضه عاديه. بس للاسف. باين عليها دخلت في غيبوبه بسبب الخبطه اللي في دماغها. 
كلهم. فرحو اني ربنا نجي خديجه وعدت. مرحلة الخطړ. 
باسم ساب المستشفي ومشي. راح صلي لله شكر وفرح اني ربنا استجاب دعائه ومراته عدت مرحلة الخطړ. وهو متاكد انها هترجع تاني. لاني ربنا كريم. 
اتصل علي مدير الحسابات. وعمل مكفأه. لجميع العاملين شهرين. من غير مايقول السبب. عملها صدقة سر. وراح. اتبرع بمبالغ كبيرة في المستشفيات ولدار التحفيظ وكمان. مجالات الدعوه الي الله. 
وفضل. يدعي ربنا. بالعمل الصالح ده. لانه افتكر خديجه. لما تكون في ابتلاء كبير او عايز حاجه من ربنا. من ضمن استجابة الدعاء. انك تعمل عمل صالح محدش يعرف بيه الا الله. وحكت ليه قصة. اصحاب الصخرة. ابحثو عنها. التلاته اللي الصخرة اتفقلت عليهم 
خديجه دخلت في غيبوبه. وباسم كل يوم يقعد يحكي ليها قصه عن السيرة. هي كانت دايما بتقول متروحشي تبص لصحابك وتبص لناس وتقول كله بيعمل كده. لا روح بص في سيرة الصحابه وشوف كانو عايشين ازاي. وصدقني هتنكثف علي دمك اول ماتشوف حياتهم وحياتنا. ودول هيقفو معانا وهيعرضو امام الله. كل يوم يحكي ليها. قصه من كتاب رجال حول الرسول. ويحكي ليها من الصحابيات حول الرسول. 
بعد مرور شهر 
خديجه ابتدت تفوق. وبتبص. لقت. دكتوره واقفه قدامها. وهي لسه بتفوق. في نقابي. انا عايزه نقابي 
الدكتورة فرحت جدا لماشافت خديجه فاقت. 
الدكتورة. الحمد لله انتي. فوقتي. اخيرا. 
خديجه بتحسس علي وشها. وتقول عايزه نقابي. فين النقاب. 
الدكتورة اي حد بيفوق. بيقول انا فين. او بتسال عن حد من اهلها. وانتي بتسالي. علي نقابك. 
خديجه. عايزه النقاب. 
الدكتوره. هتلاقيه مع زوجك بره. دقيقه بس اكشف عليكي واروح اجبلك زوجك اللي ھيموت بره. هو واهلك. 
طلعت الدكتورة وبشرتهم اني خديجه. فاقت. كلهم دخلو يحضنو خديجه. ومش مصدقين. انها فاقت ورجعت تاني. .
باسم. واقف يبص. لخديجه ومش قادر يتلم علي اعصابه من شدة الفرحه. 
خديجه بصت لباسم. وابتسمت ليه بضعف. 
باسم. بكي قدام خديجه. 
خديجه.