قبل حكم التفيذ
!! ويعمل كده مع مين مع امي
وعرفتهم اني حطتلهم السم في القهوة وانهم مش هيلحقوا ينقذوا نفسهم لأنهم هيموتوا في دقايق .
هي مكانتش قادرة تتكلم ووقعت علطول انما علاء حاول ينزل لكن انا منعته من الخروج من الشقة وبعدها بدقيتين وقع هو كمان وماتوا هما الاتنين .
حاولت امسح بصماتي من علي كل حاجة لمستها في الشقة وبعدين مسحت اتصالي علي تليفونهم هما الاتنين وكأني مش اتصلت بيهم .
قفلت كل الشبابيك والابواب وولعت ڼار صغيرة وفتحت الغاز بسيط علشان الشقة مش تتحرق الا بعد لما امشي .
نزلت من الشقة ومشيت وروحت اخدت البنات من المدرسة وروحت شقتي .
وبعد ساعة كان اتصال من جيران ماما قالولي ان حصل حريق كبير في شقتها .
ولما روحت المستشفي عرفت انهم ماتوا هما الاتنين .
لكن الشرطة حققت معايا علشان جوزي كان موجود هناك . وسألوني عن سبب وجوده هناك
وانا نفيت اني اعرف اي حاجة عن كده او عن سبب وجوده هناك .
افتكرت ان انا كده بعدت عن اللي حصل لكن للاسف مكنتش عاملة حساب الكاميرات .
اتقبض عليا وثبتت الچريمة عليا واتحولت للمحاكمة .
وفي المحكمة خالي اټهجم عليا وانا في القفص وقالي المفاجأة اللي مكنتش اعرفها قبل كده .
خالي اټهجم عليا وقالي بتقتليها ليه هو ده جزائها بعد اللي عملته معاكي
قولتله لأ كلامك معكوس يا خالي
خالي مصدقش كلامي وقالي اني بقول كده علشان اداري علي جريمتي وقالي كدابه انتي بتداري علي جريمتك !! علفكرة هي مش امك ولا عمرها خلفت وابوكي اتجوزها بعد مۏت امك اثناء ولادتك وهي ربتك وربت اخواتك زي عيالها وبعد ما
كبرتي واتجوزتي وخلفتي كانت بتربيلك بناتك .
قالي امك تبقي بنت عمنا . ولما ماټت وهي بتولدك ابوكي اتجوز اختي اللي ربتك زي بنتها .
قولتله حتي لو كلامك صح وهي مش امي ده مش يديها الحق انها ټخطف جوزي وتغلط معاه حتي لو مش عاملة حسابي ولا خاېفة مني ولا من الناس مش خاېفة من ربنا وعقابه !!
رد قالي وانتي مش خاېفة من عقاپ ربنا بعد اللي عملتيه فيها وفي جوزك !!
سألها مأمور السچن مش ندمانة علي اللي عملتيه بعد ما عرفتي انها مش. امك
ردت وقالت لأ مش ندمانة و راضية بالحكم لكن كان لازم الكل يعرف انا عملت كده ليه وكل رجل او ست تسمع حكايتي تقولي لو مكاني كانت هتعمل ايه
النهاية .
