قصه جديدة

على طباعه... هرب وقرر انه مش عايز يحارب... الى حصل انه من كذا سنه بعتلى جواب بيعيط بدل الدموع ډم انه هرب ومشى.. نفسه يرجع بس مش عارف يورى بنته وشه ازاى ولا يقولها ايه ولا انا يقولى ايه... قالى بالحرف كده... ماحدش فينا صح دايما ولا حد فينا غلط دايما كل واحد فينا سئ فى حكاية حد تاني... كل واحد فينا شرير فى روايه حد تاني.... وانا بقولهالكوا اهو... ماحدش فيكوا مميزات بس ولا كله عيوب بس..الكمال لله وحده... حب شريك او شريكة حياتك على وضعها كده وحاولوا.. حاولوا توصلوا لحل وسط... مش أسهل حاجة كلمه طلاق الى بقت على لسان الجيل ده.... الطلاق مش سهل لا على راجل ولا على ست... حاولوا... عيشوا طول حياتكوا تحاولوا... انت تتنازل شويه وهى تتنازل شويه الحياة تمشى.... عارفين بعد سبع تمن سنين جزاز هيبقى خلاص بيتكوا الهش بقى حيطه قويه واطبعطوا بطباع بعض واخدتوا على عيوب بعض... واعرفوا انكوا عمركوا ماهتلاقوا حد كامل.. لازم فى عيوب... كل ماتشوف عيب قدامك... هونها على نفسك وافتكر مميزات كتير للى معاك... مواقف حلوه وقف معاك فيها.. ساعدك... اوقات دافيه.. اسرة ولمه عيله... هى دى الحياة الى بجد مش رومانسيه على طول ولا خناق على طول... واعرفوا ان الدنيا عمرها ما بتكمل لحد... ده ربنا قالهالقد خلقنا الإنسان في كبد يالا من غير مطرود.. كل

واحد ياخد الى ليه ويروح على بيته.... يالا ياحبيبه مع وحيد ماعنديش مكان ليكى زعلانه... ليكى مكان لو جايه زياره بس.
وقف كل منهم بحماس شديد به بعض العضب او الحزن وبعضهن الدلال يذهبن كل منهن برفقة أزواجهن يحاولون ويجاهدون للحافظ على بيتهم دون اللجوء للحل السهل وهو الطلاق.
بعد مرور عام آخر
وقف شاهين خارج السور الخارجي لكلية الطب ينتظر صغيرته تتقدم منه ببطء بسبب حملها يتذكر كيف انه يحاول ان يتحمل ذلك الوضع كما هى تحملت ان تصبح حامل وهى بجامعة صعبه تحتاج لمجهود وبسنها الصغير هذا
تقدمت منه تجلس لجواره تقول اتاخرت عليك.
ابتسم ليها قائلا ولا يهمك يا حبيبتي.
تفاجئت به تقولحبيبتي!
شاهين طبعا حبيبتي. 
جيسيكا اصلك مش بتقولى كلام حلو خالص... ده أنا بقرا في الروايات كلام بيوقف قلبى اقسم بالله.
شاهين ماعلش والله انا طبعي كده... احنا اتفقنا على ايه.. مش نستحمل عيوب بعض.
جيسيكا صح.. وكفاية حنيتك عليا وانك زى بابايا واكتر.
ضمھا له يخطف قبله سريعه ثم يعود للقيادة من جديد.
عند وحيد وحبيبه.
كان يتحدث في الهاتف يعتذر عن حفلة اليوم لعرض ازياء مهم جدا.
فى حين تتقدم منه حبيبه وبيدها طبق ضخم به فيشار واخر به بطاطس مقليه عليها مزيج من الكاتشب والمايونيز ووحيد يزيح لها مكان تحت اللحاف الشتوى الضخم وهى تنضم لحضنه بقوه واحتياج تبتسم له برضا عما استطاعوا بصعوبة أن يصلوا اليه من حل وسط يرضى جميع الاطراف.
وفى مكان آخر جلس محمد على سفره ممتلئه باصناف معده بحرفيه شديدة من نورا يقول هالله هالله هالله... يحراكاتك يا تكاتك يا
نونو.
رفعت انفها بكبر مصطنع تقول عشان تعرف بس.
ذاق شوربة كريمه الدجاج الساخنه وقالوااااوو.. تحفه.
ابتسمت له قائلة بالهنا والشفا.. لولا صبرك عليا انك شجعتنى وياما اكلت امل نى وملسوع ومحروق وعمرك ماسمعتنى ولا كسرت مقاديفى ماكنتش هعرف اتعلم اى حاجة خالص... انت بتصرفاتك دى خلتنى مصره اتعلم عشانك.
ابتسم لها وقبل يدها قائلا انا عملت كده عشان بحبك... عارف نورا الى جوا... مش نورا الى الباقين عارفينها.. كله بص على عيوبك بس... لكن انا كنت شايف بنت رقيقه بس طايشه محتاجه الى يعملها ويهتم بيها ويوجهها.... وشوفتى النتيجه.. دلوقتي انتى ست بيت اى واحد يتمناها.. خصوصا بعد التزامك بالحجاب واللبس المحتشم.
وقف من مقعدها وتقدمت له تحتضنه بحب شديد ممتنه له على تغيير مجرى حياتها.
عند سالم وهاجر.
كانت تجلس أمام التلفاز تضع قدميها أمام المدفئه وهو يتقدم منها.... سالم الحمش هو من اعد النسكافيه لهم.
اعطاها كوب قائلا سجل يا تاريخ... سالم الحمش عمل نسكافيه لمراته.
ضحكت بقوه وقالتده كرم أخلاق كبير منه.
ضحك هو والله وبقيتى تعرفى تتحكمى في لسانك يا حبيبتي.
تمسحت به كقطه تقول من ساعه ما بقيت بتقولى كلام حلو وانا حلفت لاحاول اتغير علشانك.. مكنتش اعرف انك بتحبنى من زمان كده وانا الى كان كل حلمى انى اقدر اخليك تجبنى شويه.
ابستم بعشق يقول انا الى حلمت سنين تاخدى بالك من حبى ليكى.. انتى عارفه انا حافظ تواريخ أوقات جمعتنا مع بعض اكيد اكيد انتى م فكراها حتى.
نظرت له بفضول فضمھا له يسرد عليها بعض مواقفهم وهم صغار وكيف كان يغير عليها عندما تلعب مع اولاد الجيران.
كذلك عند امجد ونيروز
كان يضم الغطاء عليه هو وكنزه الثمين... نيروز وطفلة مراد.
يقبل مقدمة جبهة كل منهم قائلا انا خلاص مابقتش عايز من الدنيا حاجة غيركوا... معاكوا بحس انى بنى ادم..