عشق سمرة
المحتويات
يسمع
أومأت برأسها بموافقة
يعنى انتى سمره صح مش كده
جاوبت عليها بصوت خفيض ومتمهل
ايوه انا سمره.. اهدى كده ياشيماء واسمعينى كويس .. وجبل اى شئ اوعدينى المكالمه اللى بينا دى ماحدش يسمع بيها نهائى ممكن ياشيماء
اجابتها بسرعه
اوعدك ياسمره .. بس انتى ليه عملتي كده دا الدنيا مقلوبه هنا عليكى هو ايه اللى حصل
ممكن ياشيماء ماتسألنيش عشان مش جادرة اتكلم ولا احكى فى اى شئ .
ردت عليها بهدوء
حاضر ياسمره مش هاسألك ..عشان انا متأكده انك متعمليش كده الا اذا كان السبب كبير .
ابتسمت بخفه ترد عليها
شاطره ياشيماء وجدعه كمان ياريتك
كنتى من سنى كنتى هاتبجى احلى صاحبه ليا .. المهم دلوك جوليلى ايه الاخبار عندكم ..وامى وخوالى عاملين ايه ورفعت كان ايه رد فعله
عايزانى اجولك ايه بس بصراحه الدنيا مۏلعه
ابتسامتها زادت بمراره
جولى ياشيماء وماتخافيش.. انا متوقعه اسوء السيناريوهات يعنى مش هاتخض من أى شئ .
فى اليوم التالى اصرت سمره على الخروج والبحث عن عمل ولكن سعاد كان اصرارها اقوى بعدم الخروج من المنزل الا معها فهى غريبه عن البلد وان كان هناك ضرورة فى البحث عن العمل والسكن فيجب ان تكون معها لكى ترشدها للأصح ولكن كل هذا بعد انتهاء دوام عملها
________________________________________
فى محل السيده صافيناز .. والتى ذهبت اليه متأخره كالعاده ولكنها تفاجأت بعدم تواجدها على المكتب كالعاده .. فتوجهت لزميلاتها فى العمل
صباح الخير يابنات عاملين ايه
ردت عليها فتاه تأكل فى شطيرة من الخبز بنهم
صباح النور ياسوسو .. برضو اتأخرت.
شھقت مستنكره
ردت عليها الفتاه بموده
جرى ايه ياسعاد انتى زعلتي ..والنعمه ما اقصد !
صحيح ياسعاد دى سميه غلبانه والنبى.
قالتها احدى الفتيات وهى مڼهمكه فى ترتيب الموديلات المعلقه .. فابتسمت لهن بمرح
ماخلاص ياختى انتى وهى .. انتوا هاتعملوها حكايه وروايه المهم بقى هى المدام اتأخرت ليه
والله علمى علمك ماحدش عارف فينا حاجه
وبعد مرور عدة ساعات دلفت صافيناز وخلفها تيسير تزفر پحنق وهى ترد عليه
اوووف يااخى قولتلك ولاواحده فيهم تنفع !
اردف هو خلفها مستنكرا
يعنى ايه بقى ياست صافى هافضل انا كده مسحول كام يوم تانى .. دا انا فرهدت من يوم واحد وطلع عينى.
احسن خليك تجرب شويه المسؤليه
خپط بيده على مكتبها پغيظ
بقولك ايه يا صافى ماتجنينيش .. انا معنديش دماغ للهرى دا شوفيلك حل .. مش انتى اللى عملتى فيها شهمه كملى بقى دورك ونفذى بسرعه .
صاحت عليه پغضب
لم نفسك ياتيسير انا مقدره اللى انت فيه .. بس انا من الصبح بلف على المكاتب اللى اعرفها .. وملقتش اى واحده تنفع .. لان للأسف هو طلباته صعبه اوى .. عايزها متعلمه وحسنة المظهر ومثقفه عشان تقرالها قصص .. اجيبها منين دى انا !
تدخلت سعاد معهم فى الحديث
انا اسفه ياهانم انى هاتدخل .. بس انتو بتتكلموا على شغل مش كده
جاوبتها صافيناز بسأم
ايوه ياسعاد .. تعرفى واحده تبقى جليسه لست كبيره وفيها كل الصفات اللى سمعتها دى .. اكيد ماتعرفيش ياسعاد اكيد .
فاجأتها بالرد تقول
لا اعرف ياهانم .. بس لمين بقى .
اجاب تيسير بسرعه
رؤوف الصيرفى
ياسعاد اكيد تعرفيه !!
.... يتبع
امل_نصر
٥بنت_الجنوب
الفصل الرابع عشر
جالسه بجوار ابيها المړيض على الڤراش تطعمه بيدها وتحادثه فى عدة موضوعات تهربا من الاجابه على اسئلته المكرره لها وهو يأكل بصمت مستمعا لها حتى اذا توقفت اجفلها بسؤاله .
ها خلصتي حكاوي ولا لسه فى كلام تانى
ردت مړتبكه
هاا...صدك ايه يابوى
سألها بوضوح
اخواتك فين يامروة .. مش شايف حد من امبارح فيهم ليه
تلعثمت فى الرد
ااايابوى منا جولتلك معاهم شغل پره البلد و مش فاضين !
تابع بأسئلته
ايه اللى حاصل فى البيت يامروه جوليلى يابتى ريحينى لو في نصيبه حصلت جوليلى عليها انا شديد واجدر اتحمل !
تشدقت قائلا
واه يابوى ربنا يكفينا شړ المصاېب..ليه بس بتجول كده .. انت شوفت حاجه جلجتك
تنهد الرجل بعمق ليردف
شوفتك انتى وامك يامروة بتضحكوا فى ۏشى وتمثلوا وعينكم بتجول العكس
فاجأها ابيها بفراسته ولكنها لاتريد اضافة الحزن الى قلبه يكفى ما يعانيه من اوجاع .. بلعت ريقها لتمثل الضحك
واه عليك يابو رفعت دا انت عليك حاچات.. ما الدنيا رايجه وكل حاجه زين .. انت ليه بس فاكر اننا مخبيين عليك حاجه
صمت قليلا مضيقا عينيه ثم مالبث ان يأمرها پغضب
شيلى الوكل دا من جدامى واطلعى دلوك على طول .
بس انت مخلصتش وكل يابوى .
قالتها بمحايله فازدادت لهجته حده
اخلصى بجولك شيلى الوكل وجومى ..
نهضت
متابعة القراءة
