الاسطي اسلام
المحتويات
شوف دراستك دلوقتي أهم وجابلي احسن مدرسين في البلد ويفضل شغال طول النهار وييجي من الشغل يعملي أكل ويغسل هدومي ويتطمن إني ذاكرت كويس لحد ما ربنا كرمني وماكسفش اخويا وتعبو معايا وجبت ٩٧٪ في ثانوية العامة ودخلت كلية هندسة ساعتها كان اخويا ماشي في الشارع يقول اخويا بقي مهندس ربنا مكسفنيش وتعبي مارحش ومن فرحتو لاقيتو واخدني من إيدي ورايحين مسددين ديون ٥ غارمات ومخرجينهم من السچن علشان ربنا يديمها علينا نعمة ونفك ضيقة غيرنا زي ماربنا فكها علينا دخلت الكلية بقى ورجعت تاني الورشة بس قبل الامتحانات بشهر ونص كان يطردني علشان اذاكر كنت باكل الكتب علشان اشوف نظرة رضا في عينه وافضل مشرفو قدام الناس وبفضل الله طلعت الأول على دفعتي ٥ سنين وعينوني معيد في الجامعة ومن يومها ماليش غير الكلية والورشة وإسلام.
أنت أخوك عمل كل دا..
طب أعذرني يابني بس الأصول بتقول إن اللي مالوش كبير يشتريله كبير وانا هتكلم مع الكبير بتاعك انا مشتاق إني اشوفو واقعد معاه فهستناك تيجي انت وهو الخميس الجاي بعد المغرب بإذن الله
اتفقنا يا عمي.
سبته ومشيت وانا راجع عالبيت جبت أشيك طقم عيني جت عليه علشان أديه ل إسلام
شكلي حلو يا إسلام
قمر اوي.
امال انا ليه متوتر كدا
عشت وشفتك عريس متوتر يا باشمهندس.
لولا وجودك ماكنتش هكون كدا.
يعني مش مكسوف مني يا واد
انا اتباهى بجزمتك قدام الخلق كلها
ورحت بايس إيدو ورانن الجرس والد العروسة فتح الباب وبصلنا بإستغراب ودخلنا
بنورك يا عمي.
امال الأسطي إسلام ماجاش معاك ليه زي ما اتفقنا
بصيت لإسلام وضحكنا
وبعد كدا إسلام بصلو وقال
ازيك يا عمي انا الأسطى إسلام.
من الصدمة الراجل وقف مكانو
الأس... الأسط...
والكلام مش قادر يخرج من لسانه
الأسطى إسلام اللي عاش عمره كله لأخوه سند بنت أصلا مش ولد !
لا مش علشان لابسة فستان أزرق هكون حد تاني والله اروح ألبس هدوم الورشة واجيب العدة واجيلك.
راح باصصلي ب عتاب وقايل
انت ليه معرفتنيش إنها بنت يا احمد
انا اللي قلتله يا عمي إن لو جت سيرتي يعمل كدا علشان لو في حالة الرفض اهو يكون إترفض وخلاص من غير من يحكي تفاصيل زي دي.
يعني القمر اللي قدامي دا وعينيه زرقا ورقة وأنوثة
متابعة القراءة
