عثمان في المورستان

براحتك يابيه هستناك تخلص لعب
يافرررريد تعالى خد المچنون ده من هنا ....
ولاقيت نفسي برجع الأوضة تاني مع فريد افندي واتحطيت على السرير واتقفل عليا ماعرفش ليه الداكتور اتعصب تاني لكن ماعلينا حظي كده هعمل ايه وفضلت قاعد ع السرير وخاېف من الاوباش اللي حواليا لحد ماعيني نعست ڠصب عني وروحت في النوم 
تاني يوم الصبح فتحت عيني على اصوات بتهمس جنبي بصيت لاقيتهم قاعدين حواليا وباصينلي قولتلهم في ايه ياغجر ملمومين عليا كده ليه هتقتلوني ولا ايه 
لاقيت واحد فيهم بيقولي
هوووووووش
اهوش ليه في ايه
عشان انت مېت
مېت ازاي ياجحش مانا بكلمك اهو
انت عثمان 
خاېف اقولك اه لأخد بالقلم انا ماعرفش اسمي
ايه 
ايه
ايه 
ياعم في ايه قولي روشتني
ايه الاساتوك ده 
بتقول ايه انت 
ايه الاساتوك ده 
ماعرفش ايه البوك ده فهمني 
وفجأه لاقيتهم قاموا وبيلفوا حواليا وبيقولوا 
ايه الاساتوك ده ايه اللي ماشي يتوك ده ايه ورد الجناين ده اللي يصحى النايم ده 
ولاقيت اللي ضړبني بومبه امبارح جايلي وبيقولي
يالا ..
يالا ايه ياراجل انت
يالا اساتوك
روح يالا توك معاهم وسبني في حالي
قوم ارقص يالا
ارقص في عينك يالوح انا راجل محترم
تاخد بومبه 
لاء بلاش بومب وشى متكسر
قوم ارقص يالا
يااخينا عيب عليك ارقص ازاي
ولاقيت كشاف سداسي الابعاد نزل على قفايا كفاني على وشي قولت يانهار ابوك اسود انت كمان بتديني بالقفا ياراجل ياوسخ لاقيته بيقرب تاني وهيضربني واحد كمان فاتنفضت من مكاني ولقيت نفسي برقصلهم ..
ايه الاساتوك ده ايه ياخواتي الراجل ده اللي ماشي يعاكس ده 
ولاقيت واحد منهم لف على وسطي حاجه وبيحزمني وكله هايص وانا الزمبلك بتاع وسطي اشتغل رباني بدل مايقتلوني
وفجأه سمعت صوت بيقول اقعد انت وهو وواحد تاني ماسك صفاره وعمال يصفر اتاريهم التمرجيه ولاقيت امي واقفه ع الباب من بره بتتفرج عليا وحاطه ايدها على دقنها ومستغربه وبتقول 
لاحول ولا قوة الا بالله انت اټجننت ياعثمان
ابوس ايدك ورجلك ياما خرجني من هنا دول شقلطوني ع الاخر
ولاقيت التمرجيه خدوني اقعد معاها في مكان لوحدنا بعيد عن الاوضه وفضلت هي خاېفه مني وقاعده بعيد عني
ماتخافيش يافطومه قربي يمين بالله انا عاقل
دنا شيفاك بعيني بتتمختر زي النسوان بقلة حيا
مانتي مش فاهمه لو ماتمخترتش بمزاجي كانوا هيغتصبوني جماعي
ايه اللي لحس مخك كده
تلاجتك السوده ياوليه وصلتيني مستشفى المجانين هروح فين تاني
وليه برضو 
قصدي يامزه وصلتيني السرايا الصفرا ياجميله
عشان تعدل لسانك معايا وتسمع كلامي مهما اقولك من غير ماتغلبني
اعتبريني جزمه في رجلك بس خرجيني من هنا
طب هتسمع كلامي
هسمع اي صوت يخرج منك
طب انا هتجوز
ت ... ايه 
هتجوز ياعثمان
انت ياوليه مهفوفه باينلك مش هتبطلي انحراف
ولا تفتح بوقك معايا وتلم لسانك ومالكش صالح باللي بعمله
قومي ياوليه انجري من هنا سبيني مع اصحابي
انجر واصحابك 
طب حاضر بالأذن انا فوتك بعافيه
استني ماتبقيش حمقايه
عايز ايه خلصني ورايا كوافير
ايه كوافيل دي
هعمل شعري اصفر
يانهارك اسود يا...
يا ... ايه
يافطومة قلبي
ايوه كده
طب خرجيني ونتفاهم بره
بوس ايدي وقالي انا اسف يامامي
مامي ايه المياعه دي
انا ماشيه ياعثمان
اني اسف ياميامي سامحيني
هعمل ايه قلبي طيب ولو انك تستاهل الحپسه