حارس المقبره

الف حمد وشكر ليك يارب
في حلل وصواني كمان هنا اهو
شوفت ياعثمان عشان تعرف اننا وقعنا على كنز كبير فرعونى هنحقق كل احلامنا بإذن الله
طب هاتلنا المشتري دلوقت قبل الحاجه دى ماتتسرق مننا حاكم فى حرامية كتير بيشمشموا
على اى حاجة فرعونى
المشتري جاهز بس عايزين نعرف كل حاجه هنا ونقدرها كويس عشان ماحدش يضحك علينا
هي محتاجه حداقه ماهي كل حاجه مفهومه انا هقولك ياسيدي البابور العادي بتاعنا بحوالي ٣٠٠ جنيه لما يكون زيرو اكيد الفرعوني ده هيبقى بحوالي ٥٠٠ جنيه للواحد
لا ياعثمان البابور الفرعوني اغلى بكتير ده ممكن يعدي الالفين جنيه
طب معاك للاخر واحنا عندنا هنا حوالي ١٥ بابور فى ٢٠٠٠ جنيه يبقى المجموع كام 
كتير اوي ياعثمان الحسبة دي صعبه محتاجين افندي يحسبهلنا بالظبط
خلاص احنا نحفظ كل حاجه هنا بعددها ونخلي حد يحسبلنا
انا خاېف ياعثمان لحسن حد يعرف سرنا ويروح الكنز من ايدينا لازم نتعامل بحذر
خلاص احنا نجيب المشتري وسبني انا هبرمه والفه في جيبي بالنصاحه والحداقه كده وهنطلع منه فلوس زي الرز
خلاص بكره نجيبه إن عشنا باذن الله
طب يالا نكتشف بقيت الكنز عشان نخرج من هنا بقى ونع .... أيه الصوت ده 
صوت ايه !
الصوت ده طلع منك ياهمام 
وانا ايش عرفني صوت ايه انا ماطلعتش اصوات منا واقف في ريحك اهو
زي مايكون سمعت صوت كلب هيزوم
والكلب ده هيجي منين انت أكيد بتهيألك
وفجأة سمعنا صوت حركة في المكان وأصوات غريبة حوالينا والكلوب اللي في ايدي بقى ينور ويطفي ولاقيت همام بيقول يانهار اسود ده حارس المقپرة وأخد ديله في سنانه وجري ع السلم طلع لفوق وانا كعادتي في الحالات دي بيصبني شلل رباعي لاقيتني مش قادر احرك رجلي وبقيت واقف زي خيال المأته وحسيت بأيد اتحطت على كتفي وجسمي بقى بيتنفض وعمال اذكر الله في سري وبقول يارب نجيني وسمعت صوت من ورايا بيقولي ايه اللي نزلك لعندي 
.......
أنطق نزلت