كاس الغرام
نسيت أن امى هى السبب فى مۏت مامتك
اسد تؤ تؤ ..ما نسيتش .
ليستفيقا على صوت طرق الباب
انحرجت غرام من وضعها وابتعدت عنه بسرعه
وذهبت لفتح الباب
ام ابراهيم الست سلمى يا هانم بتسأل عليكى ..
غرام انا نازله حالا يا داده ..ونظرت إلى اسد ..
غرام لازم امشي ..
اسد غرام انا ما صدقت انى لقيتك ..اتمنى تسامحينى ونبتدى صفحة جديدة يا غرامى
اسد بحزن حقك يا غرام ..بس كمان لازم تدينى فرصه أكفر ذنبي
غرام فى نفسها بس يا واد دا انا بحبك سيبنى أظهر بدور المتماسكه
غرام ربنا يقدم اللى فيه الخير وتركته
لتغادر
اسد استنى يا غرام انتى هتنزلى بشعرك وهدومك دى
اسد شعرك حلو أوووى يا غرامى
غرام وبعدين معاك ..
أغلقت غرام الباب خلفه وقلبها يرتجف لتتذكر لحظات قربها منه ..
غرام يالهوووى على الحب وسنينه
اخيرا عيشت الحب اللى بكتبه فى الروايات ...الحب جميل اوووى واحلى ما فيه أنه
الحب الحلال ..وقامت باستبدال ثيابها ...لتنزل إلى الاسفل
سلمى بصوت منخفض ولوم لها ايه يا غرام اتاخرتى فوق ليه كدا
غرام بخجل منهم اسفه كنت بغير هدومى ...
سلمى طب يلا علشان اتاخرنا
عادل على فين ...دا بيتك يا غرام وأسد يبقي جوزك ..واظن الحقايق كلها ظهرت ..
غرام اعذرنى يا عمى محتاجه وقت اعيد فيها كل حساباتى..
نظر له الجميع باستغراب
عادل الإعدام ازاى يعنى
اسد أنها تنفصل عنى ونظر إلى غرام فى هيام ..وركع امامها فى ندم ..انا بحبك يا غرامى واتمنى الايام تكون كفيله بأنها تنسيكى اللى فات ..
تمسك غرام يده ليقوم ..
ثم نظرت للجميع
من بكرة هكون فى المؤسسه علشان استلم شغلى ..يلا يا سلمى
سلمى يلا بينا وذهب وراءهم لؤى
نظر اسد إلى والده
اسد كنت عارف انها الكاتبه المجهوله
عادل ايوا ..وكان لازم اواجهك بنفسك ..علشان بعد كدا ما تتسرعش فى حكمك على الناس ..اللى حكمت عليها بأنها فلاحة وجاهله ...هى دى اللى الكل يتمنى كلمه منها ..وغرام ليها مستقبل واسع فى عالم الكتابه
عادل يبقي تثبت لها دا وتعوضها اللى فات ...
مرت عدة أيام على أبطالنا
كانت غرام تؤدب اسد بطريقتها
كانت كل يوم ترتدى اجمل ما لديها من الملابس وتذهب إلى المؤسسه
أخذت تدريب مدته شهر على يد اسد كانت المعامله فى حدود العمل كلما حاول اسد أن يتقرب منها تصده بطريقتها مما جعله يزداد عشقا لها
قاطع اسد اى علاقه نسائيه له
فأصبح شغله الشاغل هو ارضاء غرامه كى ينول السماح
وبعد مرور هذا الشهر أصبحت غرام متقنه فى إدارة المؤسسه
ليأمر اسد بتجهيز مكتب لها فى نفس حجرة مكتبه فهو لا يريد أن تغيب عن عينيه ولو لحظه واحدة
أما لؤى فقد اتفق مع دكتور شريف
على إتمام الزفاف ووافق شريف على ذلك ...
استأذنت غرام عمها أنها تريد أن تعود إلى بلدتها وتعيش فى منزل جدها
بعد انتهاء زفاف صديقتها سلمى
عادل ليه يا غرام بيتك موجود كفايه بعد يا بنتى ..
غرام معلش يا عمى سيبنى على راحتى
عادل بقله حيله اللى تشوفيه يا بنتى
بعد الحفله هتلاقى السواق والعربيه فى انتظارك ...
عند مديحة
بعد اطلاع اوراق القضيه والقبض على ذلك الغريب
تم الحكم عليها بالسجن خمس سنوات لتهم متعددة منها تزوير اوراق بالمستشفى فى عمليه دكتور أميرة
والتعامل مع ماڤيا خارج البلاد بالتسجيل الصوتى لها ..
و المشاركه فى مساعدة الغريب بتهمه الشروع في التحرش والاعتداء
عند هايدى تم
شفائها وخرجت من المستشفى
ذهبت إلى غرام فى المؤسسه
هايدى انا مش عارفه اعتذرلك ازاى
بس ربنا خلص ليكى حقك واتمنى تسامحينى
احتضنتها غرام وقالت بحب
غرام مسمحاكى من قلبي
هايدى انتى بنت حلال وتستحقى كل خير ...وودعتها وغادرت مع سامر
لتجد أسرتها يحضرون حفله خروجها من المستشفى وايضا عقد قرانها على سامر ....
وها هو اليوم الموعود يوم زفاف كلا من لؤى وسلمى
حيث أقاموا الزفاف فى أحد الفنادق الشهيرة ..
كانت سلمى فى ابهى صورها بفستان زفافها الابيض ..
سلمى بارتباك غرام ..شكلى حلو
غرام والله شكلك زى القمر ودى المرة الالف اللى بتسألينى فيها ...أهدى كدا شويه قلقتينى يا شيخة
سلمى يعنى هعجب لؤى
غرام بضحك لو ما بطلتيش سؤال هقوم أجرك من شعرك جننتينى ..بجد الله يكون فى عونك يا
لؤى ..
سلمى لما قلبك كبير اهو وبتدعى ل لؤى ..ما تحنى على المسكين اللى مدوخاه وراكى بقالك شهر
غرام اسد لو عايزنى بجد هياخدنى حتى لو انا اعترضت ..لكن هو استسلم لقرارى ..
سلمى حرام عليكى يا شيخة ما انتى اللى كل شويه بتصديه ...
غرام مش عارفه بقي ...
تأتى رحاب والدة سلمى لتخبرهم بوصول المأذون
تم
عقد قران كلا من سلمى ولؤى
ليتبدأ الحفله الراقصه لجميع الحاضرين احتفالا بالعرس
ليأتى اسد ببذلته السوداء وهيبته
اسد تسمحيلى بالرقصه دى
غرام بابتسامه اسمح
مضى الوقت الجميل
لينتهى هذا الزفاف ..ويأخذ لؤى عروسته الجميلة سلمى بسيارته انطلاقا إلى رحلة شهر العسل بباريس
ودعت غرام صديقتها بحب
وها هى الان عادت مرة أخرى وحيدة
خرجت لتجد السيارة فى انتظارها كما أخبرها عمها عادل ..
ركبت السيارة وبصوت حزين
وصلنى على البلد لو سمحت
كان قلبها يعتصر فلم يمنعها اسد من المغادرة ..كانت على أمل أن يرفض سفرها ..ولكنه خيب ظنها وتركها لتعود لوحدتها مرة أخرى
أغمضت عينيها پألم واستندت رأسها للخلف ..تحاول أن تنسي هذه الفترة من حياتها ...لا تريد أن تعود إلى الانكسار مرة أخرى
ظلت تفكر وتستعيد ذكرياتها الحلوة والمرة مع اسدها ...مر وقت طويل
لتشعر بالسيارة تتوقف
تفتح عينيها لتشاهد السائق ينزل من السيارة ويفتح لها الباب
غرام ايه دا احنا فين دى مش البلد
لتجد من يمسك يدها وينزلها من السيارة
لتتفاجئ بأن السائق هو اسدها
غرام بفرحة اسدى
اسد غرامى
غرام ازاى وايه الملابس دى فكرتك السواق
اسد بضحك وانتى كنتى فاكرة أن ممكن اسيب روحى تبعد عنى ...
بحبك يا غرامى
غرام بخجل وانا كمان ..
اسد وانتى كمان ايه ..عايز اسمعها منك
غرام وانا كمان بحبك
اسد سامحتينى
غرام سامحتك ..قولى احنا فين وايه الشاطئ دا
اسد دا شاطئ الغرام يا احلى غرام فى الدنيا ..
ليحملها بين يديه ليبدأ كلاهما حياتهم
الورديه ...
وها ه
كاس الغرام قد انتهت احبابي ..ارجو من الله أن تنال إعجابكم ..
وان تتجرعوا كاس المحبه والغرام
مع من تحبون على سنه الله ورسوله
شكرا لكم جميعا على تشجيعكم ليا
رايكم يهمنى موااااااااه احلى متابعين للبيدج روايات_منال_عباس
تمت
