جميله وشياطين الارض حلقة الرابعة

بنت الناس ..كفايه كدا علام ..وانتى مش ناقصك حاجه 
جميلة پبكاء ابوس ايديك انا تحت امرك فى اى حاجه الا انك تحرمنى من التعليم دى امنيه حياتي ومع بكائها المستمر 
خالد خلاص موافق ..بس يوم ما تقصرى فى البيت وطلباتى ..مش هتشوفى الجامعه دى تانى 
جميلة موافقه لتتقدم باوراقها فى مكتب التنسيق لتلتحق بكليه الهندسه...

أما وائل فقد التحق بأحد المعاهد الخاصه بسبب مجموعه الصغير..بقلم منال عباس 
عند هنيه 
هنيه بقولك ايه يا وائل انت كبرت يا حبيبي وان الاوان تتجوز ويبقي ليك بيت 
وائل قولى انك عايزة البيت يفضى علشان جوزك بسلامته 
هنيه حتى لو كدا ..ما انت مصيرك تتجوز وانا عايزة افرح بيك وبنت الحلال موجوده 
وائل ودى تبقى مين أن شاء الله 
هنيه هند بنت عمك سعيد 
وائل قولى كدا بقي ...
هنيه البنت حلوة وشرياك وهتبقي تحت طوعك ..وان غلطت هنعرف نرد على ابوها ...
وائل بلا مبالاة اللى تشوفيه ..انا هقوم اروح ازور جميلة وتركها وغادر 
وائل فى نفسه انا غلطت فى حقك يا جميلة وربنا بيعاقبنى على عملته فيكى 
حتى امى بتدور على سعادتها ومصلحتها على حسابي ...
وصل إلى منزل جميلة ليجد المنزل مرتب ورائحة الطعام الذكيه تملأ المكان ..وتجلس ومعها طفلة صغيرة عمرها 6 سنوات 
وائل ازيك يا جميله عاملة ايه يا اختى 
جميلة الحمد لله عايشه 
وائل هى البت دى كل ما اجيلك الاقيها عندك ما تنزليها عند امها ..بقلم منال عباس 
جميله فاطمه بنت جميلة وهاديه وانا بحبها ثم هى مرتبطه بيا ...
وائل اللى يريحك ..انا همشي بقي كنت جاى ابلغك أن يوم الخميس هكتب كتابي على هند 
جميلة فيك الخير يا وائل ..عموما الف مبروك 
تركها وائل وغادر لتسمع رنين جرس الباب مرة أخرى لتفتح الباب لتجدها سلوى جارتها فى المنزل المجاور 
جميلة اتفضلى 
سلوى الحقيقه يا جميلة انا جاية ليكى علشان مامت فاطمه تحت تعبانه اوووى وعايزة فاطمه تنزل ليها 
جميلة بحزن على حال تلك السيدة فالبرغم أنها ضرتها ولكنها لا تكن لها إلا الخير ...
جميلة انزلى يا فاطمه لماما تحت عايزاكى
تصرخ فاطمه وتتشبث بملابس جميلة فهى تحبها ومرتبطه بها