قصة جديدة

عايزة اي وبعدين انا كلامي مع هشام جوزي لما يرجع مش معاكي .
ولا هو رجع معاكي ومش عايز يرجع بيته
يارا لا هشام لسه قدامه تلات شهور وانتي لازم تسمعيني يا مريم 
مريم انا مش عايزة اسمع حاجه
يارا انتي هتسمعيني لازم تسمعيني
_طيب انا نازله دلوقتي اودي بنتي التمرين نتكلم بعدين
_انا جايه معاكي ونتكلم هناك
مبقتش عارفه اعمل اي وكنت محتارة شوية بس هسعمها مش هخسر حاجه طيب يلا بينا امسكي داليا علي ما انزل العربيه بتاعتها

يارا داليا مين 
مريم دي بنتي وبنت البيه الي سايبني وعمال يحب فيكي
يارا مريم بلاش جو التلقيح دا احنا مش عيال صغيرة وبعدين لما تسمعيني ابقي اتكلمي
مريم طيب بس يلا التاكسي مستني تحت انزلي بداليا
روحنا النادي وغيرت لناريمان ونزلت البسين وقعدنا انا ويارا 
يارا ابتدت تتكلم وتشرحلي ان هي ملهاش علاقه بتصرفات هشام وان هي كانت بتصدوا لان هي مش ممكن تهد حياتي غير انها عارفه ان هشام خاېن و عاوز ياخد كل حاجه وان دي انانيه منه وانه كان لازم يتعب معايا ويساعدني علشان ننجح مع بعض
يارا انتي غلطتي واستسهلتي واتسرعتي في قرارك بس هو كمان كان شريك في قرارك دا و سبب كل الي انتي فيه دا دلوقتي اتطلقي منه وربي بناتك وعيشي عشانهم
وانا بسمع ومعلقتش بصتلها بس مش عشان مش مصدقاها عشان انا معنديش رد وهي عندها
حق
مريم هو مش السبب هو سبب من اسباب تانيه كتير انا الي غلطانة كان ممكن موافقش عليه هو مضربنيش علي ايدي هو اه سابني وانا محتاجاه بس انا غلطت كمان كان مفروض استني وادي نفسي فرصه وافكر قبل م اختار شريك حياتي
طارق وصل ومعاه ليلي الي جريت خدتني وسألت علي ناريمان غيرتلها هي كمان ونزلت البسين
طارق السلام عليكم يا مدام مريم 
مريم اهلا استاذ طارق اتفضل
طارقمش هتعرفيني علي اختك يا مدام مريم ولا إيه
مريم اه طبعا دي بس دي مش اختي دي انسه يارا صاحبتي معاها بكالريوس تجاره دا استاذ طارق ي يارا 
يارا اتشرفنا
طارقالشرق ليا هو صحيح جوز حضرتك فين ي مدام مريم ولا هو مش بييجي النادي انا حابب اتعرف عليه
مريم جوزي هشام مسافر في شغل وهيرجع قريب ان شاء الله
قطع كلامنا رنه التلفون بتاع طارق
طارقعن اذنكم
_الو ايهتمام هيوصل امتي
ازاي دلوقتي مش مفروض تبلغني قبلها خلاص خلاص انا جاي شوف في حجز في الفندق ولا لا سلام
انا اسف جدا انا هستأذن دلوقتي وهاجي قبل ليلي ما تخلص تمرين يا ريت تخليها معاكي يا مدام مريم انا مش هتأخر ممكن رقمك بس اتصل اطمن عليها .
ارتبكت شوية مش معايا موبيل ناريمان وقعته في الميه ولسه ما اشترتش غيره
طارق مشكلة طيب اتواصل معاكي ازاى
يارا ممكن تتكلمي من رقمي يا مريم وتطمنيه عليها انا هفضل النهارده مش هسيبك 
مريم خلاص ممكن تاخد رقم يارا 
طارق اسف احنا هنزعجك معانا يا انسه يارا انا هتصل بيكوا اشوف التمرين خلص ولا لا وان شاء الله اجي اخد ليلي
قام وسلم علي ليلي ومشي
يارا ايه دا يا مريم مين الراجل دا حب جديد ولا اي
مريم حب اي انتي متخلفه
يارا اصل له هيبة كدا وحاجه جامدة هو بيشتغل اي
مريم دا استاذ طارق شغال في السفاره مش عارفه سفير ولا ايه اصل مش عارفاه من كتير يعني.
واخته دكتوره في جامعه القاهره بتساعدني عشان انقل ورقي م الفيوم للقاهرة
يارا جامعه اي
مريم انا قدمت في حقوق.
يارا مريم بتهزري صح انتي ډخلتي حقوق امتي وازاي وجتلك الفكرة دي ازايانطقي
مريم طيب طيب هقولك يستي حكيت ليارا الي حصل وبعدها ليلي جت ناحيتنا
ليلي طططنط ممممريم انا تتتتعبت ومشششش قادددرىىه باببببي اتتتتتأخر واننننا ععععاااوووزه انننام
مريم اتصلي عليه يا يارا 
يارا غير متاح
مريم اتصلي تاني يمكن يرد
يارا غير متاح بردو يظهر فصل شحن من كتر ما رنينا
استنينا ف النادي كتير واتأخر طارق فاضطريت اخد ليلي عندي كنت مترددة جدا بس مكنش في حل غير كدا 
دا غير ان الجو ليل ولو فضلنا اكتر من كده مش هنلاقي مواصله
يارا طيب هروح انا بقي
مريم متستهبليش هتسبيني لوحد بتلات عيال 
وبعدين افرضي اتصل هعرف منين يلا معايا
يارا طيب اكلم ماما بقي اعرفها اني هبقي عندك
اخدنا البنات وروحنا البيت اخدو دوش وغيروا لبست ليلي من هدوم ناريمان واتعشوا ويارا فضلت تلاعب ليلي وناريمان وتحكي حواديت لحد ما ناموا
وعلي الساعه 12 رن تلفون يارا 
طارق الوانا مش عارف ااقول ايه والله اسف اسف جدا بس الشغل كان كتير وانا اتلهيت بصراحه ولسه حتي مروحتش البيت انتو فين علشان اخد ليلي 
يارا لا عادي ولا يهمك كلمي يا مريم 
مريم استاذ طارق ليلي نامت خلاص سيبها بقي وخدها بكره
طارقبعتذ والله جدا اصل لقيت مشكله في الشغل وكان صعب اسيب الوفد ومكنش فيه اوض فاضيه في الفندق يعني مش عاوز ازعجك بمشاكل الشغل كفايه