قصة جديدة
المحتويات
الى سلك الهاتف الملقى على الأرض .. نظر كرم اليه وهو يتمنى أن تنشق الأرض وتبلعه فورا .. تقدمت ريهام ووضعت الملف على المكتب .. وخرجت وهى ترسم ابتسامه خبيثه على شفتيها .. أما كرم فقد كان يشعر بحرج شديد من هذا المأذق السخيف الذى وضع نفسه فيه
يعني هى قالتك هى رفضته ليه
ألقى أيمن هذا السؤال على سماح وهما جالسان معا يتناولان طعام الإفطار .. قالت سماح فى ضيق
قال أيمن بإستغراب
ليه بأه
هما الاتنين مختلفين عن بعض فى كل حاجه .. الأخلاق الطباع التربية اسلوب حياتهم .. كل حاجه مختلفين فيها .. هما الاتنين مينفعوش بعض يا أيمن .. ياسمين طول عمرها عاقله وبتفكر بعقلها .. وبصراحة أنا معاها فى قرارها ده
بس ده مكنش رأيك لما عرفتى ان عمر اتقدملها
لانى مكنتش شايفه الموضوع من وجهة نظر ياسمين بس بعد ما سمعتها امبارح فهمت وجهة نظرها .. وفعلا معاها حق تخاف منه وترفضه ... متنساش يا أيمن انها مطلقه .. يعني أكيد مش عايزة تخوض تجربة فاشله للمرة التانية
قال أيمن پحده
ومين قالك انها هتكون تجربة فاشله .. انتى متعرفيش عمر بيحبها ازاى .. عمر صاحبي يا سماح عشرة سنين طويلة مش سنة ولا اتنين .. أنا عمرى ما شوفته متعلق بحد كدة .. حتى البنت اللى كان خطبها قبل كده .. مكنتش شايفه متعلق بيها كده
قال أيمن بدهشة
ازاى يعنى .. هى رفضاه عشان كان خاطب
لأ طبعا يا أيمن مش عشان خاطب .. عشان الانسانه اللى خطيبها دى .. هى سمعت كلام كتير عنها هنا فى المزرعة .. يعني اللى يخطب واحدة بالمنظر ده .. هيكون ايه يعني غير واحد تافه
قال أيمن بحزم
قالت سماح تحاول افهامه
يا أيمن أنا ما قولتش ان ده السبب الوحيد .. قولت ده أحد الأسباب .. وفى أسباب قوية جدا .. بس مش هقدر أقولك عليها .. لأن ياسمين مأمنانى ان الكلام مايوصلكش .. بس فعلا هى معاها حق ترفض
قال أمين فى حيره
والله انتوا الاتنين أغرب من بعض .. انتى مش شرحالى الموضوع على بعضه عشان كده انا مش عارف أفهم أسباب رفضها .. بس الحاجه الوحيدة اللى أنا عارفها .. ان عمر بيحبها بجد .. و دى أول مرة أشوفه بيحب واحده كده
انت واثق انه بيحبها بجد
أكد لها أيمن قائلا
أيوة واثق
قالت فى حيره
معرفش بأه .. ربنا ييسرلها الخير وخلاص
كانت تقف وتولى ظهرها الى الباب .. تقرأ الملف الذى بين يديها وتضيف عليه ملاحظاتها .. التفتت لتجده أمامها .. يقف أمام الباب وينظر اليها فى صمت .. تسارعت خفقات قلبها .. شعرت بالإضطراب .. ودت الهرب .. لكنه واقف يسد المنفذ الوحيد للهرب .. هربت من عينيه .. وساد الصمت .. قال عمر بهدوء
ازداد ارتباكها .. صمتت .. لا تدرى ما تقول .. أعاد سؤاله مره أخرى
ليه رفضتيني
أيقنت أن لا مفر منه .. نظرت اليه قائله
أعتقد ان من حقى انى أقبل أو أرفض .. وأنا رفضت
تلاقت نظراتهما فى صمت للحظة .. نظرة عتاب منه .. ونظرة صد منها .. قال لها بهدوء
طبعا من حقك تقبلى أو ترفضى .. لكن أنا بسأل عن أسباب الرفض
قالت ببرود
أفضل أحتفظ بيها لنفسي
قال بصرامة
لأ مش من حقك
احتدت عليه قائله
يعني ايه مش من حقي
قال عمر بنفس الصرامة
مش من حقك تحتفظى بأسباب الرفض لنفسك .. لازم أعرفها
تماسكت قائله
وأنا معنديش كلام أقولهولك .. رفضت وخلاص
ظهرت علامات الڠضب على وجه عمر واقترب منها قائلا
انتى ليه بتعملى كده
قالت پغضب هى الأخرى
ايه يا بشمهندس
متابعة القراءة
