قصة جديدة

_ العروسة مش موجوده 
يعني ايه مش موجوده ! 
_ عروستك هربت يا حسام 
هربت ده ايه !! أنا هقلب عليها الدنيا حسام ساب المعازيم وطلع لأوضتها في الأوتيل ملقاش غير الميكب أرتست قام قالها بسرعه
حسام لمياء راحت فين ! 
الميكب أرتست جزمتها إتسرقت 
_ نعم !! 
اه والله زمبقولك وراسها وألف سيف مش هتكمل الفرح غير لما تلاقي جزمتها حسام حس انه هيطقله عرق وقال وهو متعصب

_ يعني سابت كل حاجه ونزلت تدور على الجزمه بالفستان ! 
لا مهي قلعته حسام مسح على وشه بعصبية 
_ أنا كنت عارف إنه فيه حد باصصلي في الجوازه دي
في الشارع لمياء كانت بتجري وهي لابسه بنطلون جينز وشيميز أبيض وطرحة الفستان كانت لسة على راسها كانت ماسكه في ايدها كيس طلعت منه الجزمه ورمتها على جنب وقالت
لمياء ويكأنها اتسرقت بقا وكده فضلت لمياء تجري لحد ما نفسها اتقطع فوقفت على جنب تاخد نفسها وافتكرت السبب اللي خلاها تسيب الفرح وتهرب بحجه هبلة
فلاااااااااااااش بااااااااااااااك
بعد ما لبست الفستان كانت فرحانه بيه جدا وعماله تاخد سيلفي وبتجري في الأوضة زي الأطفال من كتر الفرحه والميكب ارتست كانت بتجري وراها وأخيرا هديت وقعدت على حيلها والبنت كانت هتبدأ تعملها الميكب بس فجأة جاتلها رسالة على الواتساب قامت اخدت الفون وقامت تشوف الرسالة بس كانت من رقم غريب كانت بالنص
بلاش تتجوزي واحد مش بيحبك لمياء قرإت الرسالة وهي مش مستوعبه وسرحت بس فاقت على صوت وصول كذا رسالة تانية كانت صور لحسام مع بنت في أماكن مختلفة و واضح انهم مبسوطين جدا وانهم بيحبوا بعض كمان لمياء فكرت بصوت عالي وقالت
لمياء اللااااه !! امال انا ايه اللي جابني هنا طاااه ! 
بااااااااااااااااك
لمياء أخدت نفس عميق ولسة هتجري فجأة حد مسكها من قفاها ولما بصت قالت پصدمه
لمياء يا ابن المتضايقة... 
يتبع.......
_ وحياة امكك!!! 
والله كنت هقولك بصوت منى زكي في فيلم خالتي فرنسا حسام كان مضايق جدا كان ماسك جزمتها في ايد ومايكها من قفاها بالايد التانية 
حسام ليه سيبتي الفرح وهربتي يا لمياء! اديني سبب محدد لمياء كانت بتتحرك كتير وبتحاول تفلت من ايده بس مكانتش قادره نهائي 
لمياء سيبني الأول وخلينا نتكلم زي مخاليق ربنا أما انت راجل غريب صحيح عايزني أشرحلك إزاي وانت ماسكني مسكة حرامي الغسيل كده حسام داس على سنانه وسابها وقال
حسام اتفضلي .. ارغي لمياء عدلت بلوزتها وأخدت نفسها وجريت بسرعه
في مكان تاني خالص نفس البنت اللي كانت في الصور اللي جات ل لمياء على الواتس البنت دي كانت في أوضتها عماله تروح وتيجي والتوتر باين جدا على ملامحها كانت بتفكر بصوت عالي
شرين يا ترى لمياء عملت ايه ! معقول تكون كملت الفرح ! لا لا لا اكيد لا يارب أنا مقدرش أعيش من غير حسام 
فلاااااااااااااش بااااااااااااااااك
حسام وشرين ماشيين على الكورنيش وبياكلوا آيس كريم 
شرين حسااام 
حسام قلبه 
شرين بتحبني 
حسام لا شرين اټصدمت و وقفت بدال ما كانت بتمشي معاه حالا عينيها دمعت وحست انه هيغمى عليها حسام كان مكمل مشي ومش واخد باله انها وقفت ولما بص جنبه ملقيهاش راحلها بسرعه وقال وهو بيضحك 
حسام والله انتي صعبانه عليا أوي بينضحك عليكي بسهوله شيري يا روحي أنا كنت بهزر معاكي انتي عرفة اني بحبك وأكتر من أي حد تاني أنا مقدرش أعيش من غيرك شرين فضلت بصاله كتير وفجأة حطتله الآيس كريم في وشه وبهدلته