ادم عليه السلام
راحوا عشان يطلبوا فاكهه الجنة ف الملايكة قابلتهم ..
قالتلهم ما تريدون وما تطلبون
انتوا عايزين أية
أولاد سيدنا آدم قالولهم إن أبونا تعبان ونفسه في فاكهه الجنة
ف الملايكة راحت لسيدنا آدم وقعدت حواليه لحد ما سيدنا آدم ماټ
ومين اللي دفنه
الملايكة هي اللي دفنته
فربنا خلي شيث بقي نبي بعد آدم..
وبعد سنة من مۏت سيدنا آدم ماټت كمان حواء ..
شيث بني الكعبة بالحجارة الطوب والطين وفضل يعمل حج وعمره كتيييير في مكة ..
كان شيث وقومه ساكنين في الجبال
يعني أية قومه
يعني الناس اللي بتسمع كلامه وكلام ربنا اللي علمهوله وسيدنا آدم علمهوله ..
شيث قال لقومه أنه ميختلطوش بقوم أخوه قابيل وميقربوش منهم خالص ..
بس يا تري بقي هيسمعوا كلام شيث ولالا !!
قصص_الأنبياء
أنوش ابن سيدنا شيث
هو قوم سيدنا شيث هيكلم قوم قابيل ولا هيسمعوا كلام شيث بقي !!
سيدنا شيث بعد مۏت سيدنا ءادم فضل يقول للناس أنهم يسمعوا كلام ربنا ويعملوا اى حاجة يقول عليها ربنا
سيدنا شيث كان عنده ولد صالح ومؤمن اسمه ايييية !
اسمه أنوش
سيدنا شيث قبل ما ېموت وصي أنوش وصية وقاله
لما أموت علم الناس الخير وابعدهم عن الشړ ..
وعلمهم الحلال والحرام وعلمهم ازاي يسمعوا كلام ربنا
سيدنا شيث عمل مع أنوش زي ما سيدنا آدم عمل معاه بالظبط ..!
وكان عنده كام سنة
كان عنده 912 سنة ..!
بعد ما ماټ سيدنا شيث فضلوا الناس يسمعوا كلام أنوش ..
وقالوا محدش هيقرب من قابيل والناس اللي معاه ولا يكلمهم زي ما سيدنا شيث وأنوش قالولهم ..
هو أنوش كان نبي برضو
لأ مكنش نبي أنوش كان بيعمل بوصيه أبوه شيث وجده سيدنا آدم أنه يعلم الناس الصح والغلط لحد ما ربنا هو اللي يختار مين النبي اللي هيجي بعده ..
اسمهم ايه !
اسمهم قينان و مهلاييل و يرد و إدريس
أنوش قبل ما ېموت هيوصي أولاده بنفس وصية سيدنا شيث وسيدنا آدم
لحد في يوم من الايام .. واحد من عند سيدنا شيث سمع صوت احتفالات وزمامير من عند قابيل
ف راح من بعيييد يبص عليهم ويشوف فيه أية عندهم لقي بنات كتييييير متجمعين ..
لقي بنات شكلها جمييل اوي ولابسين هدوم قصيرة وبيرقصوا
شاف بنات مش زي البنات الي عندهم في الجبال ..!
طبعا البنات اللي في الجبال ماكنوش بيلبسوا هدوم قصيرة ولا يرقصوا عشان بيسمعوا كلام ربنا ومينفعش يعملوا حاجه تزعل ربنا
فرجع الراجل بسرعة للجبال وقالهم الحقوا الحقوا
انا شوفت بنات جميلة اوي عند قوم قابيل بيرقصوا ويحتفلوا ولابسين قصير
واحد منهم عجبه الكلام أوي ونسي كلام سيدنا شيث وأنوش ..
وراح هو كمان عشان يتفرج على البنات اللي هناك
فرجع قالهم بقي البنات هناك جميلة اوي أحلي من البنات اللي عندنا ..
البنات اللي عند قابيل كانوا اجمل من اللي عند أنوش ..
والرجالة اللي عند أنوش كانوا اجمل من الرجالة اللي عند قابيل .!
فضلوا كل شوية واحد ورا واحد يروح عند قابيل عشان يتفرج علي البنات ..
لحد ما البنات اللي هناك شافوهم وهما عمالين يتفرجوا عليهم
البنات أعجبت أوي بالرجاله اللي كانوا كل
شوية يجوا يتفرجوا عليهم
وقعدوا يقولوا لبعض الرجاله دي جميلة اوي أجمل من الرجال اللي عندنا ..
وفي مرة من المرات بدأوا البنات يتكلموا مع الرجالة ويختلطوا ببعض ونسيوا كلام سيدنا شيث وأنوش
فضل الاختلاط كل يوم يزيد بين القومين. لحد ما حصل بينهم زني
وكانت أول مرة يحصل زني في تاريخ الإسلام !!
بدأ عدد الناس اللي من عند شيث يقل ويروح عند قابيل ..
لحد ما انتشر الفساد اكتر وبقوا يقتلوا بعض ويعملوا كل حاجة تعصي ربنا
بس تفتكري ربنا هيسيبهم وحشين كدة
لأ طبعا
ربنا هيبعتلهم نبي عشان يقولهم عن الحلال والحرام ويخليهم يرجعوا يسمعوا كلام ربنا تاني بس يا تري بقي مين النبي دة
دا اللي هنعرفه في الحلقه الجايه
