اتحداك
المحتويات
وقالت
بقالك اسبوع مطنشني يا عم ...اختي واخداك مني ...
ضحكت وقولت
كلمة اختي مش لايقة عليكي ...أنا عارف قد ايه پتكرهي لبيدة لانها بنت ضرة امك ...
بكرهها كلمة قليلة
قالتها سهيلة پحقد فابتسمت وقولت
ولو قولت اقلل من شأنها وتساعديني ايه رايك ...
لمعت عينيها. قالت
ازاي قولي
تتجوزيني ...وهنعمل الفرح بعد اسبوعين!!
يتبع
الجزء التاني
ممكن بابا ميوافقش
قالتها سهيلة بتوتر ...ابتسمت بإنتصار ...هي وافقت والمشكلة في ابوها ودي مشكلة محلولة بسبب سلبية ابوها مع امها...
بس امك هتوافق جدا خصوصا انها پتكره لبيدة وامها وانتي عارفة ابوكي من وقت غلطته وانه اتجوز عليها بقا سلبي معاها وهي بقت المتحكمة في كل حاجة ....
بصتله سهيلة وقالت
طول عمري
قولتها بغرور فضحكت
________________________________________
وقالت
طيب ممكن اسألك سؤال
اتفضلي
قولتها بسرعة ...بصتلي بحيرة وقالت
انت ليه بتعمل فيها كده !!
رفعت حواجبي وقولت
ايه ..صعبت عليكي
هزت راسها بالنفي وقالت
لا طبعا انا بكرهها بس مستغربة يعني أنا ليا مبرر اني اكرهها ...في الاول والاخر هي بنت الست اللي اخدت مننا بابا ولولا ان امي ست قوية وقدرت ترجعه وتمشيه علي مزاجها مكانش هيبقي معانا...أنا اتربيت من صغري اكره كريمة وبنتها ...أنا اتربيت من صغري اكرههم وكنت مستنية أي فرصة اقهر كريمة زي ما قهرت امي ...عشان كده وافقت علي كلامك ...اني اتجوزك عشان اقلل من شأنها...بس حقيقي مش فاهمة انت بتكرهها ليه ...يعني هي اذتك في ايه ...واضح جدا انها بتحبك ....لبيدة رفضت كتير جولها ومسمحتش لحد يقرب لها غيرك ....فليه بتعمل كده!!
عشان اتحدتني...اتكبرت عليا ورفضت ترتبط بيا وانا اللي يرفضني ويحسسني اني قليل اقلل من شأنها ...ها قولتي ايه ...كلمي مامتك وزني عليها ...وهي هتوافق علطول عشان پتكره كريمة وبنتها وابوكي موضوعه سهل ...وانا فيه حاجة كده ناوية اعملها ...
وبعدين قامت ومشيت ...غمضت عينيا وجزء بسيط جوايا متضايق وبيقولي اني هنډم بس أنا تجاهلته ...هي السبب مكانش لازم تقلل مني ...هي اصلا كانت تطول ترتبط بيا أنا !!
بعد ساعات ...
ضحكت سميرة وهي بتحضن سهيلة وقالت
طبعا موافقة يا روحي ....ياااه يا سهيلة كبرتي وهتاخدي حق امك ...ياااه أنا استنيت الفرصة دي من كتير اوووي ...أخيرا هنتقم من اللي لفت علي جوزي واخدته مني ....
فيه ايه !!
ابتسمت سميرة وقالت
سهيلة جاي ليها عريس ...
ومكلمنيش أنا ليه...
رفعت حواجبها وقالت
كلمني أنا ..ايه مش كفاية وهيجي بعد يومين بإذن الله عندك مانع يا كارم ..
هز هو راسه وقال بسلبية
طبعا لا يا حبيبتي ...
بعد يومين
كنت قاعد في بيتي بحضر نفسي عشان
________________________________________
فجأة جات سالي الخدامة وهي بتقولي ان لبيدة تحت مستنياني ...قلبي دق بحماس وانا بفكر ان دي فرصة ليا ...أكيد هي جاية تترجاني اني ارجعلها ....نزلت بسرعة ولقيتها قاعدة بتفرك ايديها بتوتر وجمبها اكياس كبيرة ..
نورتي البيت يا لبيدة
قولتها بصوت سعيد ...
بصتلي ...وشها كان جامد بشكل صدمني ...كنت متوقعة انها مڼهارة بس مش مشكلة أكيد دلوقتي هتنهار ...
قامت وهي بتقولي
منور بيك يا عصام ...
جاية ليه...
شاورت هي علي الاكياس وقالت
دي الشبكة والهدايا اللي
متابعة القراءة
