قلبه وطيبته وكنت بدعيله واقول لربنا في قيام الليل اني نفسي اقابله يوم القيامه وأشكره واقوله ربنا بعتك ليا سببب ع يردني ليه واكون صالحة المهم كنت قاعدة في الكلية وواحدة صحبتي كانت معايا وقدرا سيرته جت فقولتلها تلقاه بيجهز لفرحه راحت قالتلي ده فشكل انتي مش في الدنيا والا اي الصراحة قلبي نط من مكانه وقولتلها لا طبعا قالتلي والله انا سمعت انه كدة مش عارفة بقي روحت تاني يوم كان المفروض هيدينا وببص في ايده بالصدفة لقيته فعلا مش لابس دبلة ومن هنا اتاكدت خلاص انه فشكل
رحلتي بدأت تاني في الدعاء ودرب اليقين عندي زاد بس كل شوية بيجيني وسوسة شيطان انه في فرق عائلات وانه مستحيل يبصلي وخصوصا ميعرفش اصلا اني بدعي بجمعنا فكنت فاتحة فيس علي جروب No zero days فلقيت حد كاتب ترشيحات كتب ومنهم كتاب حضرتك معجزات الذكر فخلاص فترة ونسيته وكدة فالمهم واحدة صحبتي قالتلي بتحبي تقراي اي نوع كتب قولتها لاحمد خالد توفيق قالتلي جربتي كتب دينية قولتلها الحقيقة لا قالتلي طيب هبعتلك كام كتاب وتبدأي بيهم وكان منهم كتاب حضرتك فقولت انا هبدا به ع سمعت عنه و شوفت ريفيوهات وقد اي في قصص جبر كتير فقرأته والتزمت بالاستغفار والصلاة الإبراهيمية وكنت بدعي ربنا في قيام الليل ان يصلح حال اهلي ويرزقهم ونعدل بيتنا وربنا يجمعنا انا وهو علي خير في الوقت المناسب ووالله والله معداش خمس شهور وامورنا كلها ابتدت تتعدل وبيتنا من عشر سنوات المفروض ننضفه ويتوضب وكدة ومكنش الميزانية طبعا وكدة وفجاءة ربنا رزق اخواتي وعملوا ده كله في خلال خمس شهور من بداية الاستغفار والمفاجئة والله والله اني اتفاجي ان الشخص ده اتقدملي لما عرف اني من بلده وحاليا مخطوبين زي ما بقولك يوم الرؤية الشرعية كنت ساكته خالص فبصلي وقالي مالك كنت عايزة اقوله وكان ربنا رسم مسلسل في دماغي أو كنت في حلم وبيتحقق والله ي استاذ احمد كل حاجة طلبتها هي هي بالظبط ولما سألته انت عرفتني ازاي
قالي والله ما اعرف كنت في يوم المفروض عندي شغل مهم في الكلية وكنت نايم متاخر وماكد علي والدتي انها تصحيني بدري ع متاخرش وقال فجاءة في صلاة الفجر حلمت انك ماشية ورايا ولابسة لبس محتشم جدا زي شرعي كدة وانا ماشية وراه وكل ما يطللي اضحك وقال صحيت على صوت بيقولي زوجه صالحة زوجة صالحة قال المفروض خلاص موقف وعدي بس قالي اللطيف في الموضوع ان صحيت بدري ولحقت صلاة الفجر كمان فقال نزلت الكلية وفجاءة لقيتك جاية قصادي مع صحبتك قال كنت عايز أنادي عليكي واعرف كل حاجة عنك وازاي جيتيلي في الحلم كدة
وانا بسمع ومن جوايا قلب بيقول شكرا يارب انك وصلت الرسالة شكرا يارب شكرا
الحقيقة انا الليلة دي وانا يصلي القيام كانت من ضمن دعواتي ليه انه يشوفني في الحلم وربنا يرسل ليه رساله علي اني الزوجة الصالحة وها قد جعلها ربي حقاوموقف تاني كنت دايما لما اجي البس حاجة ادعي ربنا وانا بلبسها اقول يارب يلبس حاجة بنفس اللون واروح الكلية الاقيه مطقم معايا والله وده كله وهو ميعرفش اني بدعيله في كل دقيقة وكل ثانية معلهش طولت شوية بس واللله فيه حاجات كتير خاصة بقيام الليل معايا لو قعدت احكيها واحكي ازاي ربنا سبحانه وتعالى بيدبرها من طرق لا نعلمها الحمد لله ان فيه رب بيسمع ومعانا في كل لحظة ربنا اقرب لينا من حبل الوريد انتم متخيلين متسكتروش حاجة ع نفسكم كل اللي نفسكم فيه اطلبوه منه وتحرري اوقات استجابة الدعاء ربنا كريم اوي والله جبر الله بقلوبكم بما تتمنوا جميعا يارب
صلوا على النبي ف تعليق ووصلوها لحد يهمكوا
