كاملة

نسيت ادخله هدوم زي كل يوم بكون محضره فيه الحمام قبل ما ييجي سمعته نادى عليا .. فتحت الدولاب بسرعه ادور فيه .. يا دي اللبخه اللي انا فيها … هو اصلا بيرجع تعبان واهو دلوقتي هيتعصب .. اخدت اللي جة في ايدي و روحت جري ادتهوله لقيتة بعديها خارج لابس البنطلون بس و دخل الاوضة ووقف قدام الدولاب _ يا سيرين انا مبلبسش دة … ضيق و بېخنقني .. وقف قدام الدولاب و دور شويه وبعدين مسك تيشرت قطني تاني … … ايه الخرابيش اللي في كل حته في ضهرك دي … احمد انت مخبي عني ايه؟؟ روحت _ وبعدين بتلڤ فين كل يوم من صباح ربنا لحد بعد العشا … ايه… lلاماكن اللي بتسال فيها عن شغل بتروح تسأل فيها كل يوم ؟؟؟!! _سيرين في ايه … هو تحقيق..سبيني… انا تعبان وعايز انام.. شديت الغطاء من ايدة بالعافيه ورديت عليه باصرار ما انا لازم افهم هو مخبي عني ايه _ احمد … بقولك قوم وقولي انت في ايه … انا مش هسيبك تنام الا لما افهم في ايه ومخبي عني ايه ؟ _ سيرين!!!! .. قولتلك مفيش حااااجه…خلااااص . لقيتة رجع لنرفزته تاني اما بيكون متضايق… هديت صوتي وحاولت اتكلم بهدوء 

 _ احمد .. مش احنا بقينا واحد وانت عرفت كل حاجة عني .. طب ليه مصر تخليني بعيدة عنك كدة .. مش انا مراتك دلوقتي يعني ستر وغطى عليك .. قولي بقى مخبي عني ايه وايه اللي چرحك في ضهرك كدة … انت اتخانقت مع حد النهاردة ؟!! _ لأ متخانقتش … وسبيني بقى انام . وفعلا حط المخدة على دماغه ونام … لقيتة اتاخد كدة بوجــع وبعد ضهره عن ايدي مش طايق… _ أحمد …. _ نامي يا سيرين… نامي بقى .. تصبحي على خير. حطيت وشي على كتفه واتكلمت بهمس _ مش هعرف انام … انا خاېفة . بعد لحظة لقيته قام واتعدل واتكلم _ خاېفة من ايه … ؟!!! انا خاېفه علية هو … مش عارفه ممكن يكون مخبي عني ايه … لقاني سكت بان عليه القلق ولقيتة اتنهد و اتكلم بقلة حيلة _ سيرين…. انا بشتغل … الحمد لله اشتغلت استغربت _ اشتغلت … اشتغلت ايه وامتي؟! _ شيال … بقالي يومين . _ شيال !! .. يعني ايه شيال دي .. بتشيل ايه يعني ؟ سكت شويه وبعدين قالي _شيال … مع مقاولين.. بشيل طوب ورمل وبطلعة للعمال في الادوار اللي بيشتغلوا فيها خرجت مني شهقه وحطيت ايدي على بوقي من الخضة _ انا عارف ان دي شغلانه متلقش بالراجل اللي انتي متجوزاه واكيد دي حاجه متشرفكيش … بس انا مش قدامي حل تاني