أبويا اتجوز أمك بقلم آلاء أسامة

مني وجوازنا جايز كانوا ڠصب عنك بس يمكن اتعلمنا احنا الاتنين منهم حاجات مهمة عندك انا مثلا بقيت بطبق الهدوم احسن من امي ايوا اضحكي كدا 
انتي ما خونتيش مصطفى يا آلاء مصطفى ربنا اختاره يكون من الناس المحظوظين اللي هينولوا الجنة بدري ادعيله ربنا يرزقهاله وفوقي لحياتك .
ابتسمت لكلامه اللي كان لاول مرة احسه مريح واحس اني عايزة اتكلم اكتر معاه بس منعنا من الكلام رنة موبايله وكانت مامته ملامحه اتبدلت بعد اول ثواني من المكالمة بصلي بعيون مدمعة  

ادخلي غيري هدومك
اتكلمت پخوف وتوتر باينين
_فيه ايه يايوسف 
عمي في المستشفى باباكي
معرفش امتى لقيت نفسي في جنازته بعد ما جاتله أزمة قلبيه حادة وماقدرش يستحملها يوسف ووالدته كانوا اكتر ناس ساندني وواقفين معايا وقتها حسيت يعني ايه ضهري اتكسر مبقاش ليا حد ماما وبابا ومصطفى كلهم ربنا اختارهم مش عارفه امتى هيختارني اكون معاهم . 
................................................................
يوسف قرر انه مش هيعمل اي اجراء للطلاق دلوقت كان واقف جنبي واوقات بيهمل في شغله وعيادته عشان يكون جنبي ويهتم بعلاجي وبأكلي اخر فترة تعب شهر ونص عدوا من غير ما احس بأي لحظة فيهم كنت عايشة بتنفس وبس الأيام شبه بعضها اخر كام يوم كنت بحاول اتحسن شوية الفضل بعد ربنا كان ليوسف واهتمامه ورعايته بيا .
_شكرا 
مسك المناديل ومسح لي بوقي وحط المعلقة ف الطبق شال الصينية بعيد عني مسك العلاج وازازة الماية وقرب مني .
المهم تكوني بخير يانوارة البيت 
_تعبتك معايا اوي اخر فترة قصرت في شغلك عشاني
تعبك راحة وكل حاجة تهون عشانك 
_من بكرا ابقى ارجع اهتم بشغلك تاني انا قربت اكون كويسة .
حط البرشام ف بوقي وعطاني الماية بلعتها وفي وقتها كان هو قام عشان يجيب ورق من على الترابيزة اللي قدام السرير جه اخد مني الماية وحط الورق قدامي .
_اي دا
بصي دا عقد بيع وشراء مني ليكي للمحلين اللي تحت البيت دول دول ورثي من والدي الله يرحمه ودي بقا تصاريح من وزارة الصحة لمزاولة المهنة وفتح المركز الطبي اللي انتي عايزاها وبالنسبة لدا بقى ف دا كشف حساب والدك الله يرحمه المحامي بعته مع اعلام الوراثة.
باباكي سايبلك مبلغ كويس تقدري تبدأي بيه ولو قصروا معاكي ف انا ممكن احط مبلغ صغير ونبقى شركاء بس لفترة قصيرة لحد ما تقومي المكان ويتعرف وبعد كدا هيكون بتاعك وماتقلقيش هكون خدت حقي يعني ف المحلات عشان عارفك نفسك عزيزة ومابتحبيش حد يعملك حاجة ها ايه رأيك .
معرفتش ابدي أي رد فعل غير اني لقيت نفسي محاوطاه بايدي 
_شكرا يا يوسف شكرا بجد على كل حاجة عملتها وبتعملها عشاني.
يكفي تكوني مبسوطة قومي يالا البسي عشان تشوفي المكان وتخططي يالا يالا .
لبست عباية سمرا ونزلنا سوا فتحلي المحلين وعطاني المفتاح كانوا واسعين وحلوين اوي يفصل بينهم حيط
_ بص احنا اول حاجة هنهد الحيط دا وهنرمم مكانه الحيطان بقى مش عايزة اعملها الوان اوڤر يعني ممكن نعمل كافيهات او بيچات هتدي شكل حلو وهنا ممكن نحط المعدات بتاعة التحاليل وهنا .. وهنا 
كنت بتكلم بحماس وعفوية وانا بلف في المكان بفرحة غريبة . بصيتله لقيته واقف مربع ايده وباصصلي وهو عينيه بتلمع قرب مني اكتر وقال 
مبسوطة 
_اوي يا يوسف طايرة من الفرحة والله انت اجمل زوج في الدنيا والله .
اي دا في اي زوج اي احنا هنستهبل بقا احنا نخلينا في الوان الحيطان احسن .
................................................................
موضوع الشراكة في المركز فتحت بيننا سبل كتير للكلام واننا نعرف بعض احسن كنت بتعرف عليه كإننا مخطوبين جديد مشاركني في كل تفصيلة وبيجيب معايا كل حاجة تخص المركز وتجهيزه مرت فترة التجهيزات اربع شهور يهدوا الحيل والنهاردة واقفة في المكان اللي حلمت بيه عمري كله قدام المركز اللي عليه اسمي وفي كل ركن منه فيه تعب ومجهود سواء مني او من يوسف صحابنا والدكاترة اللي يعرفونا ويعرفوا يوسف كانوا موجودين ومعجبين بحاجات كتير بيبدوا رأيهم ويدونا نصايح ازاي نمشي الشغل كان اغلب الوقت بيصدرني انا على اساس اني صاحبة المكان على قد ما كانت حركة جميلة منه الا اني كنت بحاول مهدرش حقه معايا كنت