الفصول الاولي
المحتويات
الكلام !!
سهير حاضر حاضر يا حاج ...
حسين لهالة وانتي يا هالة لو حابة تقعدي يومين هنا براحتك لو حابة ترجعي معانا مافيش مشكلة
هالة طب مش تفهمني يا بشمهندس حسين ايه اللي حصل
حسين مافيش شوية مشاكل في الشغل ولازم نرجع فورا
هالة أها ... الله يعينك يا بشمهندس .. ع العموم أنا هاقعد مع الأولاد يومين وهكلم والدهم يجي يحصلنا ع هنا .
..........
سهير يالا يا بنات لموا الحاجات بتاعتكو احنا راجعين القاهرة الوقتي
دينا ليه يا مامي
سهير من غير ليه ابوكي قال عنده شغل ولازم نرجع الوقتي
جانا اوك
سهير نص ساعة وتكونوا جاهزين.
جانا بخضة يادي النصيبة
سهير ودينا في ايه
جانا ال bag بتاعتي لسه هناك في شاليه انكل يوسف
سهير اييييييييييه
جانا بضيق مش عارفة مش عارفة !!
سهير خلاص انا هاقول لعمك وهو يتصرف
.......
وبعد مضي بعض الوقت كان عز الدين قد عقد العزم على ما سيفعله في المرحلة القادمة فقرر التوجه إلى الشاليه الخاص بحسين الدمنهوري
هالة ايوه مين حضرتك
عز مش ده شاليه البشمهندس حسين الدمنهوري
هالة ايوه هو بس حضرتك مقولتليش انت مين
هالة أها اهلا يا بشمهندس للأسف لأ
عز طب آآآآ... جانا موجودة أو مدام سهير
هالة سهير اختي ! لأ محدش من العيلة موجود
عز أفندم طب ليه انا لسه سايبهم من شوية هنا
هالة هما فعلا كانوا موجودين بس للأسف رجعوا القاهرة ..
عز نعم رجعوا القاهرة امتى
هالة من شوية تؤمر بحاجة يا بشمهندس
هالة ولا يهمك عن اذنك ..
أغلقت هالة باب الشاليه ثم أخرج عز الدين هاتفه المحمول وحاول أن يطلب رقم حسين الدمنهوري ولكن الهاتف كان غير متاحا .....
توجه عز الدين إلى الشاليه الخاص بعائلته ولم يجد احدا هناك سوى ياسين جالسا على الأرض ....
عز اومال يا زفت انت الجماعة راحوا فين
عز ماتتعدل في كلامك !!
ياسين قال جت الحزينة تفرح مالقتلهاش مطرح منك لله يا عز طفشت الناس كلها
عز بضيق يووه بقى
ياسين حتى البونية اللي كنت عشمان تبقى ليا ابوها بسبب عمايلك السودة خدها معاه هو أصلا مش طايقني خلقة من غير حاجة جيت انت كملت ع اللي فاضل اه يا غلبك يا سينو ملكش في الطيب نصيب يا سينو يمهل ولا يهمل .....
ياسين ده اقل حاجة اعملها مش مكفيك اللي عملتوه لأ وكمان وكستني معاك !!
عز انا قايم هطلع ألم حاجتي وماشي
ياسين لم ياخويا خلاص ماهو المولد انفض.. !!!
ترك عز الدين ياسين ودخل إلى الشاليه ليجمع أشيائه فأخرج ياسين هاتفه المحمول
ياسين كله آلسطا يا معلمي ............................ !!!! شريرة
كان يشعر عز الدين بالضيق الشديد لما حدث وآلمه كثيرا أن من تسبب بجرحهم هم الأقرب إليه صعد الدرج إلى غرفته في الشاليه ليجمع أشيائه ففوجيء ب.....
عز اييييه ده
٢٠١٢ ١١١٣ م نودي قصة ... دعني أحطم غرورك !!
الحلقة الرابعة والثلاثون
Flash Back لكل ما حدث
خلال المشاجرة بين عز الدين وجانا
جانا سيبوه يا انكل خليه ينطقها ... أنا مستنياه يقولها .. لو راجل كمل وقولها !!
عز بحدة راااااااااااجل ڠصب عنك
حسين بس يا جانا اتكلمي عدل مع جوزك!
عز سيبها ماهي أصلا مش بتحترم حد!!
جانا أنا ڠصب عنك محترمة ..
حسين بسسسسسسسسسسس انتو الاتنين بطلوووووووووووا بقى اتفضلوا قدامي ونفس واحد وهدور فيكو الضړب انتو الاتنين ...
بالفعل صعد الجميع إلى السيارة ولم ينطق أحد بكلمة وكأن على رؤوسهم الطير
قام حسين في تلك الأثناء بارسال رسالة نصية إلى يوسف الكيلاني نصها...
الواد هيطلق البت جاريني في اللي هعمله بعد كده
..........
في الكافيه
يوسف الظاهر انك بعت القضية بجد انا مش عارف اقول ايه ياريتني ماوافقت م الأول ع خطوبتك لجانا انا كنت عاوز أناسب صاحبي لكن مكونتش أعرف اني لما هناسبه خسره للأبد لأ وبسبب ابني ...
عز اسمع.......
يوسف پغضب شديد ششش مش عاوز اسمع حاجة ! انا راجع القاهرة .. اتصرف بقى على مزاجك يا ... يااا بشمهندس!!!
وترك يوسف عز الدين بمفرده ...
قام يوسف باخراج هاتفه المحمول وطلب حسين
يوسف أيوووه يا سحس يا حبيبي معلم يا كبير.
حسين ضاحكا ههههههههههههههههه ده انت اللي ممثل هايل ها الواد عامل ايه الوقتي
يوسف ضاحكا ههههههههههه استوى ع الأخرررر زمانه بيحسبها صح..
حسين خليه يتربى شوية ويتعلم يحكم عقله وميبقاش مندفع.
يوسف اه بس خد بالك من جانا بتفلت منها كتير ازم تفرملها شوية وتكلم معاها المفروض تعرف ان عز جوزها وبيغير عليها !!
حسين ما انا عارف وغلبت معاها بس هي بتعاند على عند عز .
يوسف ربنا يهدي سرهم ها هنعمل ايه تاني
حسين هنكمل خطتتنا نروح ناخد العيال ونرجع القاهرة.
يوسف بس كده مش هيعرف عز يتكلم مع جانا
حسين اهوو يكون قدامه فرصة يفكر بهدوء.
يوسف خلاص يا سحس اتفقنا أه ومتجبش سيرة لحد.
حسين عيب عليك !
يوسف يالا اشوفك ع خير ولو في جديد بلغني.
حسين بأمر الله سلام
................
في شاليه حسين الدمنهوري
سهير إلحق يا حاج إلحق !!!!!
حسين في ايه يا سهير ايه اللي حصل
سهير جانا نسيت شنطتها عند شاليه المهندس يوسف.
حسين بتقولي ايه
سهير زي مابقولك كده
حسين وقد أخذ يقكر قليلا اها...
سهير هنعمل ايه الوقتي أروح أجيبها من هناك ولا نكلم عايدة هانم تبعتهالنا مع عز
حسين هه ..
سهير ها ياحاج مقولتليش هنعمل ايه
حسين هه بقولك يا سهير ريقي ناشف هاتيلي كوباية مياه ساقعة الله يكرمك !!
سهير حاضر ياحاج هجيبهالك بس مش هترد عليا هنتصرف إزاي
حسين اشرب بس الأول وبعدين أقولك
سهير طيب يا حاج ثواني هجيبلك المياه
أخرج حسين هاتفه المحمول من جيبه وطلب يوسف
حسين أيوه يا يوسف بص في جديد البت جانا نسيت شنطتها عندكو
يوسف اها..
حسين شوف عاوزك تعمل الآتي
يوسف قول أنا سامعك
حسين شوف يا سيدي ه..............و...و...
..........
في شاليه يوسف الكيلاني
يوسف الووو ايوه يا ياسين انت فين
ياسين أنا ع البحر يا عمي.
يوسف عاوزك الوقتي تجيلي عند الشاليه !
ياسين في حاجة حصلت
يوسف في حاجات هتحصل لو مجتش الوقتي وعملت اللي انا قولتلك عليه !!
ياسين هوا .. مسافة السكة لأ انا عندك أهوو افتح الباب
يوسف لعايدة عاوزك تعملي يا ديلة اللي هاقولك عليه الوقتي بالظبط!
عايدة خير يا جوو.
يوسف ان شاء الله خير بس متنسيش كل ده لمصلحة عز ابننا ..
عايدة اكييييد
................
في سيارة حسين الدمنهوري
حسين انزلي يا جانا.
جانا فين يا انكل
حسين انزلي هاتي الشنطة بتاعتك من عند عايدة هانم هي منتظراكي جوا.
جانا ب... بس يا انكل ممكن ألاقي ..آآآآ....
حسين مقاطعا اطمني لو قصدك عز هو مش موجود مافيش إلا عايدة هانم والمهندس يوسف جاي في الطريق.
جانا اوك
تأكد حسين من دخول جانا الشاليه وأدار محرك سيارته وانطلق بهدوء
سهير الله يا حاج مش هنستنى جانا
حسين لأ هنطلع احنا ع
متابعة القراءة
