هي والمارد 31 و32 بقلم ايه حسن

مساكم احلي ابتسامه 
هي_والمارد
الواحد والثلاثون 
... يا عنايات انتي يا مديرة الندامة والهم
بضيق ... خير يا كنزي هانم تؤمري بحاجة!
... ومالك يختي بتقوليها من غير نفس ليه! هو انا ضرتك يا ولية انتي
... العفو يا هانم
طلعت ورقة من صدرها
... خدي عاوزاكي تعملي أصناف الأكل اللي ف الورقة دي 
... إيه دة! لأ طبعا ... محشي بدنجان وايه! كوارع!!! لمين الحاجات دي يا هانم!

... وانتي مالك! وبعدين بلاش تقاوحي كتير أنا عازمة ماي فريند ديما 
قالتها بفخر وهي مبتسمه ببلاهة
... هتأكلي صاحبتك كوارع! 
... أيوة عندك مانع!
كشرت وهي ماسكة الورقة بقرف وتمتمت وهي ماشية
... أنا مش فاهمة ازاي حد زي مارد باشا تبقى دي بنت عمه 
... بتبرطمي بتقولي ايه يا حيزبونة انتي!
وقفت والتفتت لها وقالت بتهكم
... بقول حقيقي يا زين ما اختار 
تمتمت بحنق ... ولية كهينة أوي... 
وتابعت وهي خارجة ... أما اشوف سي لالالي بيعمل ايه! ياكش ألاقيه بيزرعلنا ألغام تحت القصر عشان يرتاح مننا وتطلع دي قضيته اللي مش عارفة هي ايه!
______
... اسمعي يا ماسة بلغي الزنخ باشا ياخد باله كويس لأنه متراقب 
ماسة پصدمة ... ايه! متراقب من مين!
... العميد يوسف حاطط عينه علينا وشكله مش هيهدى إلا لما يعرف السلاح هيروح لمين!
... هو انت خاېف ل يعرف حاجة!
بعصبية ... انتي مچنونة يا ماسة ولا ايه انا هخاف من ايه!
... طيب هتأجل التسليم! ولا ف معاده
... مالكيش دعوة المهم تخلي بالك انتي وأبوكي كويس 
_ انتي بتعملي ايه عندك يا بت! بتتفقوا ع عملية جديدة.. ويا ترى المرة دي ناويين تفجروا نفسكم ف جامع ولا كنيسة
كنزي لما شافتهم دخلت باندفاع .. ومارد غمض عينه بنفاذ صبر
ماسة ... بتقول ايه دي
... بقول انك بنت حرامية وسفاحين وعايزين تعملوا فتنه ف البلد يا ولاد الكلب يا إرهاب
بتأفف ... أنا ماشية يا مارد ولو عوزتني ابقى اتصل بيا
خدت شنطتها وقبل ما تمشي بصتلها بقرف
... إلهي يا رب أشوفك مرمية ع الدائري وما حد معبرك
وقف بضيق وراحلها ... ايه اللي بتعمليه دة!!
... مهو أنا مش فاهمة قضية ايه اللي بتتكلم عنها أكيد انت بتثبتني عشان أنسى موضوع اعتزالك
جز أسنانه پغضب ... وطي صوتك يا مچنونة
بصوت عالي ... لا مش هوطي صوتي ولازما أعرف ناوي ع ايه انت وبت الزنخ
قبض ع ايده پغضب وبعدين مسك ايدها وشدها وراه وطلع اوضتهم
_______
بتسحب ايدها ... اوعى ايدك ياض
بعصبية ... عايزة تعرفي ايه الهدف اللي بعمل عشانه كل دة !! أنا هقولك
بصتله بتوتر ... قول 
ولسة هيتكلم الباب خبط
ريم ... جاسم بيه تحت يا باشا وصاحبة الهانم 
______
جاسم رفع حاجبه بلا مبالاه لوجود ديما
... جرى إيه يا عم انت مالك بتبصلي بطرف عينك كدة كإنك ولا تعرفني 
شاورلها بإيده ... لو سمحتي انا مفيش بيني وبينك أي كلام خليني ف حالي وخليكي ف حالك
بتهكم ... وخالتي وخالتك واتفرقوا الخالات هاها
... أنا معنديش خالة غير نرجس هانم ماليش قرايب ڼصابين وديلرز
وقفت بتذمر ... هو انا عشان سكتالك يالا انا ممكن أطلع عين أهلك دلوقتي بس انا محترمة أهل البيت
وقف ومسك وشها ... طب وريني هتعملي ايه يا عجلة مفسية انتي
ضړبته بالشنطة ع دماغه
... ااااه طب وربنا منا سايبك
نزل مارد وكنزي ولقوهم ماسكين ف بعض وجريوا عليهم
مارد ... ف ايه يا جاسم
كنزي بحنق ... بتضربها ليه ياض انت
ديما ماسكة شعرها اللي شده جاسم لها وبتعيط
... عاجبك يا كنزي انا اتهزأت ف بيتك
... ما جبتيهوش من مناخير أهله الكبيرة دي ليه
مارد ... بس يا كنزي عيب .. وانت بطل شغل الأطفال دة
تمتم بحنق ... لو كنتي راجل استنيني برة 
كنزي شوحتله ... جرى ايه يالا هو محدش مالي عينك يابن المجرمين
... أهي جاتلك اللي مبترحمش! بتتسحب من لسانك ليه.. تعالى يلا يا كنزي هاتي صاحبتك 
_____
شاهد أيضا
كلهم راحوا قعدوا ع السفرة
جاسم همس ل مارد ... هم بياكلوا ايه!
... تقريبا دي بواقي حيوان
جاسم شهق پصدمة ... حتى العضم مش عاتقينه وتقوللي سفاح امال اللي بيعملوه دة ايه!
كنزي بتمتم بقصد وهي بتحط شوية كوارع ل ديما
... كلي يا بت ورمي