كاملة وشيقة للكاتبة موروو مصطفي

متشوقة علشان ح تكون مع أحمد ونظر لها بدقة فشاهد الكحل في عينها فتجهم وجهه ايه اللي حطاه في وشك ده ياجميلة فنظرت له جميلة باستغراب

جميلة انا مش بحط حاجة ياجاسر ده بس قلم كحل

جاسر امسحيه لو سمحتي ياجميلة فحزنت جميلة واخفضت رأسها ولمعت عيونها بالدموع

جميلة حاضر ياجاسر فاقترب جاسر منها ورفع وجهها ووجد دموعها تترقرق في عيونها فحزن انه السبب

جاسر جوجو انا خاېف عليكي شكلك ملفت للنظر قوي وجمال عيونك ظاهر بشكل ملفت قوي يرضيكي حد يشوفك كده فرفعت وجهها له وهي تبتسم لانها شعرت بغيرته

عليها ومسحت الدمعة التي فرت علي وجهها بظهر يدها فكانت تشبه الطفلة التي حزنت من والدها وعندما اعطاها ماتريد فرحت ونست الدموع

جميلة لا طبعا ماحبش حد يشوفني كده ح امسحه عند لمياء

جاسر طيب يالا ماتتاخروش

جميلة حاضر علي طول

دخلت ل لمياء فوجدتها انتهت وتمسك شنطتها استني يالمياء عايزة امسح الكحل هاتي وايبس

لمياء ليه ياجميلة ده تحفة عليكي ظاهر عيونك بشكل رائع

جميلة ماهو علشان كده مش مفروض ان حد يشوفني كده

لمياء طبعا اللي قالك جاسر باشا

جميلة ايوه بس هو عنده حق انا في الاول زعلت لكن لما قالي تحبي حد يشوفك كده حسيت بغلطي 

لمياء يارب صبرني علي الجوز دول اخلصي ياختي خلينا ننزل

وهبطوا سويا بعد ان مسحت جميله الكحل وغسلت وجهها وعندما راءها جاسر ابتسم في سعادة 

رباب يالا يابنات هموا علشان تفطوروا وتلحجوا تروحوا علي شغلكم أحمد لسه مكلم جاسر وهو سبجكم علي هناك

عبد الحميد بالراحة عليهم ياحاجة الدنيا ماطارتش

رباب وهو اني جلت حاجة ياحاج بس انت عارف لولو بتحب تتلكع وجاسر متسربع

لمياء لا اني خلصت خلاص يا امي جاهزة ياجوجو

جميلة اه يالا بينا انا جاهزة

جاسر طيب يالا يابنات بالأذن يابويا

عبد الحميد أذنكم معاكم ياولدي خلي بالك منيهم فاهم

جاسر في عيوني يابويا

جميلة لا اله الا الله

رباب وعبد الحميد محمد رسول الله

كان أحمد يقف في المكتب وينظم وضع مكتب ل لمياء في مكتبه وكذلك مكتب اخر لجميلة في مكتب جاسر ووجد جاسر يدخل ومعه لمياء وجميلة ووجد كل الشركه تنظر لهاتان الفتاتان اللائي يدخلان مع جاسر فتجهم وجهه ووجه جاسر ووقف في منتصف الشركه مناديا للكل

جاسر صباح الخير ياجماعة اعرفكم المهندسة لمياء اختي والمهندسة جميله بنت عمي اعتقد عارفين توضيحي ده معناه ايه فاهمين طبعا فتنحنح الجميع وهمسوا فاهمين ياريس اهلا وسهلا وكان هناك مهندس لفت نظره جميلة برقتها الملفته للنظر فنظر لجاسر

حسام باشمهندس جاسر مكتب المهندسة جميلة ح يكون فين فنظر له جاسر شذرا واخذ خطوة للامام

جاسر خير ياباشمهندس حسام بتسأل ليه يخصك في حاجة فارتبك حسام 

حسام ابدا يا باشمهندس مجرد سؤال علشان يعني نعرفهم الاماكن والشغل وكده

جاسر مايخصكش ياحسام واتفضلوا كل واحد علي مكتبه وتحرك لمكتبه وخلفه جميلة ولمياء وأحمد

أحمد جاسر ح يولع في الشركة بسبب جميلة ربنا يستر

جميلة وهو انا عملت حاجه يا أحمد

أحمد ماعملتيش يا اختي بس هو مش ح يستحمل حد يهوب ناحيتك ربنا يستر يالا بسرعة وراءه ودخل جاسر المكتب ووقف خلف النافذة حتي يحاول تهدءه نفسه قليلا ودخل خلفه أحمد وجميلة ولمياء فاقترب منه أحمد ووضع يده علي كتفه

أحمد اهدي ياجاسر مش كده انت بتخوفها منك بنرفذتك دي هي ماعملتش حاجة والټفت جاسر فوجد جميلة تجلس بجوار لمياء وعلي ملامح وجهها الحزن فتنهد وذهب لهم وابتسم

جاسر يالا يا أحمد خد لمياء معاك وابدءوا الشغل وزي مااتفقنا 

أحمد ماشي ياجاسر يالا يالولو سلام ياجميلة

جميلة سلام يا أحمد بس هو انتم مش ح تشتغلوا هنا معانا

جاسر لا ياجوجو لمياء ح تشتغل مع أحمد في مكتبه وانتي معايا هنا ولا ح تكوني مضايقة فنظرت له بحب

جميلةلا طبعا ح اضايق ليه يالا نشوف الشغل بقي علشان ننجز

أحمد طيب سلام بقي احنا يالا يالولو

لمياء سلام ياجوجو ح توحشيني الشوية دول فضحكت جميلة

جميلة وانتي كمان يالولو وخرج أحمد ولمياء وجلست جميله امام جاسر ونظرت له ها يا جاسر مش ح نبدء

جاسر طيب يعني حتي الاول تشربي حاجة

جميلة قهوة ويالا علشان نبدء

جاسر حاضر ياستي ورفع سماعة الهاتف عم علي اتنين قهوة سادة ياراجل ياطيب في مكتبي واغلق الهاتف واخذ ملف وذهب وجلس بجوار جميلة وبدء في التحدث بشكل عملي وكانت جميلة تستمع له وتناقشه ثم امسك كل واحد فيهم اللاب الخاص به وبدءوا العمل حتي استمع الي دقات علي الباب ودخل عم علي ومعاه القهوة فنظر له جاسر بعطف تسلم ايدك ياراجل ياطيب ونظر الرجل الي جميلة وابتسم لها فردت عليه بابتسامة رقيقة دي المهندسة جميلة بنت عمي يا عم علي

علي اهلا ياباشمهندسة نورتينا

جميلة منور بوجودك ياراجل ياطيب فابتسم الرجل لانه شعر انها نسخة من جاسر فى الطيبة والحنية واستئذن وخرج وجلسوا يعملون سويا حتي مرت اكثر من