حواديت مريم وجون
قاعدة وباصة للنجوم ودموعي نازلة في صمت!
مريم
اتنفضت أول ما سمعت صوته وكنت هقوم عشان امشي بس وقفني بإيده عشان خاطري خليكي
أتكلمت بسخرية وأنا ببصله انا مش من بقيت عيلتك يا چون عشان يكون لك خاطر عندي!
وسيبته ومشيت كنت لسه هنزل بس وقفت پصدمة لما قال
أنا بحبك
يتبع..
٤
أنا بحبك
وقفت مكاني پصدمة من اللي اتقال
اتنهد بحزن عارف اني زعلتك وضايقتك بكلامي الاهبل بس أنا لما عرفت أن في حد تاني متقدملك أنا أتجننت وللأسف معرفتش اتحكم في ڠضبي وطلعته عليكي
كنت ساكتة تماما منكرش أن جزء مني فرح أنه أعتذر وأعترف برضو بس مش هسامح بالساهل.....كرامتي!
إلا كرامتي يا شيماااااء!!
حاولت أهدي نفسي وأتكلمت من غير ما ألف وانا مش بحبك
لفي قوليها في وشي وهصدقك!
بتزنقني!!طب مش لاعبة
أنا نازلة
أقفي عندك
ملكش دعوة بيا وأنا هقابل العريس ولو مناسب هوافق
أتكلم پغضب نعم يا روح خالتك
يا عم بهزر أنت مبتهزرش ولا ايه!!!
معروفة في المواقف دي الجري نص الجدعنة!!
واحد اتنين تلاته اجراااااااااي
نزلت جري علي السلم وهو جري ورايا ايه شغل العيال ده!!!
كنت بجري بسرعة عشان لو وقفت معاه هسامحه بسرعه وأنا مش عايزة أبقي طيبة توء توء أنا شريرة
جريت بسرعة علي شقتي والحمدلله دخلت قبل ما يوصل
سمعت صوته من ورا الباب وهو متعصب طب أشوفك بتقابليه يا مريم وهكسرلك دماغك!!
كنت مبسوطه أوي بس طبعا عمري ما هبين
التقل برضو!!
حقيقي الحب ده غريب!
كنت بخلص شغل أون لاين
خلصت بتعب ودخلت عملت آيس كوفي وطلعت البلكونه كنت بقرأ رواية
بالك رايق بعد ما حړقتي دمي
بصيتله واصطنعت البرود وحاولت أكتم ضحكتي وأنا مالي
بصلي پغضب متعصبنيش يا مريم
بصيتله ببرود ورجعت بصيت في الرواية
كنت حاسه بيه كان عمال يفرك پغضب فضحكت بانتصار
لقيته بصلي ومستنيني أرد
انتهزت الفرصة عشان اعصبه أكتر!
ألو
أيوة يا يوسف
برقلي پغضب ويا ماما الحقيني
أيوة يا مريم معلش لو ينفع تخلصي الشغل بكرة وتبعتهولي
أبتسمت بلطف قاصده استفزازه ينفع طبعا حاضر
خلصت مكالمة مع يوسف وهو كان واقف شايط قدامي حقيقي كنت عايزة أضحك بس مقدرتش
أتخضيت وبصيتله بأستغراب ايه اللي عملته ده
كان عايز ايه منك!
وأنت مالك
مسك مشبك تاني وحدفه عليا بس صديته بالرواية اللي في ايدي
اتنرفز أنت مچنون
اتنرفز هو كمان وهو يرن عليكي في الوقت ده ليه يعني مش فاهم
اتنهدت أنت عايز ايه
قالك ايه
عايز ابعتله الشغل بكرة ارتحت
ملامحه ارتخت شوية وهمس اخر مرة أن شاء الله
بتقول ايه
بكرة هنيجي نتغدي عندك أنا وماما ولولو
بصيتله بأستغراب ده ليه
أبتسم وغمز يبقي البسي الفستان الأزرق
دخل وأنا ببص لأثره بابتسامة
تاني يوم
لبست الدريس الأزرق فعلا مكنتش هلبسه الصراحه بس لبسته في الآخر وحطيت ميكب هادي جدا عشان يكمل من الفستان وعملت شعري ويڤي
طبعا هتقولو ليه كل ده يا مريوم ده مجرد غدا هقول معلش نعمل احتياطاتنا عشان لو حصلت حاجة كده ولا كده
أنتم فاهمين بقي
الباب خبط روحت فتحت
دخلت طنط ولولو وهو كان واقف وراهم بصلي نظرة شملتني كان لابس بنطلون أسود وقميص أزرق كان شكله تحفة
وهو داخل قرب من ودني وهمس شكلك سكر مسكر
أبتسمت بخجل
اتغدينا وقدمتلهم عصير
طنط أتكلمت بصي بقي يا بت يا مريم من الآخر كده أنا عايزاكي تتجوزي الواد المدهول ده
بصلها پصدمة مش كدة يا أمي
اسكت
حاضر
ضحكت عليهم وبصيت للولو اللي قربت حضنتي وهمست علي فكرة انبارح كان
بيتكلم وهو نايم وبيقول مش هسيبك تكلميه تاني يا مريم
ضحكت لدرجة صوتي علي شوية وبصيتله
كان باصصلي بأستغراب
بص للولو پخوف قولتي ايه يا شبر ونص
ضحكت وبصتلي سر ها
ضحكت أكيد
قام وقف فجأة وبصلي يلا بينا
بصيتله بأستغراب علي فين
غمز هنخرج شوية
بصيت له ببرود أنا موافقتش لسه
أتكلم بثقة عارف أنك واقعة فبلاش فرك وفرهدة بقي
سكت شوية وبعدين قومت فجأة فعلا وأنا بقول كده برضو
طنط ضحكت بعلو صوتها مجانين
نزلنا وركبنا عربيته فضل يسوق لغاية ما وصلنا عند كافيه قدام البحر
نزل وقرب من الباب بتاعي فتحلي الباب ومد ايده
بصيتله باستفزاز بعرف انزل لوحدي شكرا
نزلت وأنا بضحك وهو كان باصصلي بنرفزة انسانه فصيلة بجد
دخلنا وقعدنا علي ترابيزة
كان باصصلي بابتسامة وساكت
خدتني كام صورة
أنت عايزة تاخدي ضړبة علي دماغك يا مريم
ضحكت وفجأة لقيت ويتر قرب مننا وشايل بوكيه فراشات لونها أزرق
أنا فاكره البوكيه ده!
كنت عملاله شير علي فيسبوك من كام شهر
أبتسمت لما افتكرت وبصيتله
هاتي ايدك
ليه
انجزي
اديته ايدي اليمين فلقيته طلع علبة صغننة فيها خاتم شكله تحفة أوي ولبسهولي
باس ايدي بحب تقبلي تكوني شريكة عمري ورفيقة دربي إلي مماتي
أبتسمت وهزيت راسي بهدوء
ومن ساعة اليوم ده وحياتي اتغيرت للأحسن
كنا طول فترة الخطوبة قط وفار مع بعض
خلصت هي خلاص مش هكمل وهقلع دبلتك
طب فكري يا مريم اقلعيها وأنا هكسر عضمك
مش معقول يعاملني بطيبة وإحساس!
مرت الشهور وانهاردة فرحنا!
لفيت وأنا علي وشي ابتسامة هادية
لقيته واقف لابس بدلة تحفة وشعرة أتحف وعلي وشه إبتسامة جميلة
قرب مني بحب شكلك سكر مسكر
حبيبي تسلم
بصلي پصدمة تسلم ماشي ماشي يتقفل علينا باب واحد وهطلع
بصيتله بتحذير هاا
أبتسم هطلع كل الحب اللي في قلبي عشانك
تمت
هقرأ رأيكم بكل حب
