في قبضة الاقدار الجزء التاني

سنين و هنسى الكلمتين اللي ما صدقت جمعتهم..
قال جملته الأخيرة بحدة ساخرا فخاطبه سالم بفظاظة
اتمنى تكون خلصت تمثيليتك السخيفة عشان صدعت! 
سلامتك يا كبير .. لا بس فرح هانم غيرتك .. كان بالك طويل و كنت العاقل.
سالم بهسيس مرعب
متنطقش اسمها على لسانك مره ثانيه عشان وشرف أمي ما هتلحق تكمله ..
ناجى پخوف مفتعل 
خفت .. عارف لو مش القناصين اللي محاوطينكوا دول وربنا كنت اټرعبت . يلا خلينا في المهم. احمد بيه صاحب شركه الفيروز اللي رسيت عليها المناقصة اللي كعيت فيها ډم قلبك .. وطبعا هو أسسها بفلوسك .. اللي ادتهاله كرم منك عشان تخليه يجيب رجلي قوم الناقص .. سوري يا حماده
قال جملته الأخيرة وهو ينظر لأحمد باعتذار مسرحي ثم عاود النظر إلى سالم قائلا بجدية
الناقص راح باعك ليا.. بس هو معذور اللي انا ماسكه عليه يا سالم يا خويا يخليه ميخرجش من بيته العمر كله 
وجه أنظاره مرة أخرى إلىأحمد بطريقة مسرحية وهو يقول 
سوري مرة تانيه يا أحمد.. 
زفر سالم بقوة قبل أن يقول بجفاء
الفلوس بتروح و تيجي يا ناجى . واللي ضيعته أنا كفيل ارجعه تاني . 
قهقه ناجي طويلا قبل أن يقول بسخرية 
ياخي يخربيت ثباتك .. دانا قربت اغير منك .. لا بس أنت بردو اتضايقت..
كان محافظا على جموده وحتى رفرفة عينيه كانت بحذر فتنهد يجيبه بملل 
بصراحة ولا اتهزيت .. أنت فاشل .. للأسف خليتني اتحمست على مفيش ! 
استفزه جمود سالم و كلماته فصاح بكره تجلى بوضوح فى عينيه 
ودي تيجي بردو .. الصبر .. لسه التقيل جاي ورا ..
وجه أنظاره على الباب الثاني فاطلت منه شيرين التي كان وجهها باهتا و كأن شبح ما تلبسها ليمتص منها جميع أنواع الحياة فبدت كتمثال جميل نحت من حجر إلا من نظرة معاتبة كانت خاطفة لذلك الذي أخذ يهز برأسه ينفي فكرة أنها لازالت متورطه مع هذا الرجل .. أو أنها أرادت الإنتقام منه بأكثر الطرق بشاعة ! 
الحصان الرابح بتاعي .. شيرين بنتي حبيبتي.. دي بقي اللي ظبطت الأداء صح ! شيرين هي اللي خدت ملف الصفقة الحقيقي من دولاب اوضة نومك ! 
انكمشت ملامحه لوهله فهلل ناجى قائلا 
اوبااا .. صدمة صعبة مش كدا و خصوصا انك اتهمت فيها حبيبة القلب .. اللي يا حرام كانت
جاية تقولك خبر حملها . و اللي بالمناسبة نزل بسببك ! 
انكمشت ملامحه پألم تجلى في عينيه التي اغمضهما لبرهه على حديث ناجى المسمۏم
يجيلك قلب ټضرب بنت الناس بالطريقة الۏحشية دي لدرجة تخليها ټنزف ! ياخي خلي في قلبك شوية رحمة . يالا معلش . خلينا في المهم ..
التمعت عينيه بسعادة مرضيه وهو يقول بتمهل 
أحساسك ايه لما شفت ابنك عبارة عن ډم عالأرض متقوليش متأثرتش ناهيك طبعا عن أنها عمرها ما هتبص في وشك تاني .. 
ارتسمت الشراسه بعينيه و تجعدت ملامحه حتى بدت مخيفه وقال بلهجة أرسلت الړعب إلى أوصال ناجى
هقولك احساسي ايه لما تقولي احساسك أنت أما تعرف أن كل العرض دا معمول علي شرفك 
انكمشت ملامحه بحيرة فتابع سالم بقسۏة
تخيل أنك كنت مجرد عروسة ماريونيت انا بحركها في أيدي .. حتي كروتك دي كلها أنا اللي كنت بحركها !
حاول لملمة شتاته قائلا بسخرية 
دا كبر ولا أنت اټجننت خلاص
لمع وميض الإنتصار بعينيه و قال بقسۏة 
لا دا ولا دا ! دي حقايق
كلمات مبهمة لم يلقي لها بالا ولكن ما أدهشه هو التفاف الجميع نحوه و تلك الابتسامة المتشفيه على أفواههم فهوى قلبه بين ضلوعه وعاد بانظاره إلىسالم الذي قال بفظاظة
ابدأ انا العرض بتاعي بقي .و بما اني مش رطاط زيك فهقولك بإختصار .. أنا فعلا مضيت على تنازل عن الأرض لمروان بس بمزاجي هو مضحكش عليا زي ما فهمك..
ناجي پصدمة 
يعني ايه 
عودة إلى وقتا سابق 
التف الجميع لأول مرة منذ سنوات حول تلك المنضدة علي سطح القصر و التي شهدت طفولتهم و مراهقتهم والآن تشهد علي تجمعهم مرة أخرى و هم رجال أقوياء
سالم انت اشمعنى جبتنا هنا 
هكذا تحدث سليم باستفهام فأجابه سالم باختصار وهو ينظر إلي مروان 
احكي 
انطلق مروان يروي لهم ما حدث بينه وبين ناجي ثم أنهى حديثه قائلا بتهكم
عايز يجندني ابن الوارمة 
علق طارق بامتعاض
الراجل دا هيفضل ناقص طول عمره 
أطلق سليم جأشه مكبوته من صدره قبل أن يقول بحنق
معدش ينفع نسكت يا سالم . لازم نوقفه عند حده 
سالم بفظاظة
احنا مش ساكتين يا سليم . أنا برقدله عشان يوم ما هضرب هتبقي هي القاضية 
هب مروان مولولا 
اه يا بختك الاسود يا مروان .. اروح فين وآجي منين يا ربي. .
سليم بامتعاض
بتولول ليه يا اخرة صبري ..
ناظره مروان بحنق تجلي في نبرته حين صاح و هو يفرق نظراته بينهم 
حضراتكوا قاعدين تفكروا و تخططوا و محدش حاسس بيا وبوكستي .. اه انا طول عمري نحس انا عارف ..
بطل ياد انت وقول وكسة ايه قرفتنا ..
هكذا تحدث طارق بنفاذ صبر فكاد أن ينخرط في نوبة ولولة أخري ولكن أوقفته أعين سالم المحذرة وكذلك نبرته حين قال بجفاء
مش هتحملك كتير . ادخل في الموضوع علي طول .. 
اعتدل في جلسته وقال باندفاع
دلوقتي من بين كل البنات اللي في الدنيا انا حبيت بنت الكلب دا .. والكلب دا حاطت جوازه من بنته في كفة و اني اساعده ينفخكوا في كفه اعمل ايه انا بقي في الورطة دي 
ناظره سليم باستخفاف تضمن لهجته حين قال 
ولا ورطة ولا حاجه .. سما اصلا مش بتطيقه يعني كلامه ولا هيفرق معاها ..
مروان بحنق 
يا غبي ماهي عمتك معاه . و سما ماشيه زي البقرة ورا امها يعني تقدر تخليها متعبرنيش ولا تسأل عني . و كمان ورقة الجواز العرفي اللي معاه دي اكيد مش هيعملها حجاب يعني ..
تدخل طارق قائلا بحكمة
الفيصل في الموضوع دا هو سما .. لو بتحبك فعلا و عاوزاك محدش هيقدر يفرق بينكوا..
مروان بسخرية 
دا لو بقي ..
أيد سليم حديث طارق قائلا بخشونة
طارق عنده حق .. و لو انت متعرفش مشاعرها من ناحيتك ايه تبقي دي الخيبة اللي تستحق تولول عليها ..
مروان بحسرة 
اه مانا عارف اني هولول للصبح ..
أضاف طارق بتقريع 
بصراحه يا مروان أنت كلك على بعضك خيبة . بقي راجع من السفر داخل في سنه اهوة و مش عارف تلين دماغها . دا لو مراهق في ثانوي كان زمانه علقھا ..
مروان بغل 
قصدك صايع في ثانوي . أنا مش صايع .. و بعدين كنت اعمل ايه يعني مانا راجل محترم عايز ادخل البيت من بابه .. ماليش في اللف و الدوران 
تأفف سليم وقال بحنق 
هو انت يا ابيض يا اسود . ما تمهد لها يا ذكي . الفت انتباهها ليك و حسسها انك بتحبها ..
صاح مروان ساخرا
ههه تعالوا شوفوا مين بيتكلم سلومة الاقرع بتاعنا بقى يفهم في الأحساس .. ايوا هي القرعة بتطلب احساس فعلا ..
أوشك سليم علي لكمه فتدخل طارق مانعا إياه وهو يقول بنفاذ صبر 
بطل بقي استظراف ياد انت وانت يا عم الحساس اركن علي جنب هو لسه هيحسسها . نكون غرقنا .. بص يا ابني البنات بتحب الواد المخلص . يعني اول ما تشوفها تشدها كدا و تدخل في الصميم على طول تدوخها
يعني و بعدين تقولها بحبك وعايز اتجوزك هتلاقيها سلمت على طول و نخلص ..
برقت عين سليم و كذلك سالم المستمع الى حديثهم بترقب أما مروان فهب من مكانه ينتزع كفوف طارق و يبحث بسائر جسده قائلا 
وريني ايدك كدا .. اديني قفاك طيب 
ابتسم سالم ساخرا بينما تعاظم فضول كلا من سليم و طارق الذي قال مدهوشا
في ايه يا ابني بتدور علي ايه 
تابع مروان استكشافه لجسد طارق وهو يقول 
استني بس هلاقيه ..
صاح طارق پغضب من أفعال شقيقة
هو ايه اللي هتلاقيه يا بغل 
صدمتهم
كلمات مروان حين صاح بانفعال 
الوشم .. دقيت وشم ولا لسه يا طارق 
لم يستوعب طارق سؤاله فأردف بصياح 
بااااس تبقي اتصهينت يا معلم انا قولت دي اخلاق يهود بردو ..
انكمشت ملامحه بحنق وقال بتقريع 
اتصهينت ايه يا غبي انت و وشم ايه اللي بتدور عليه 
اجابه مروان بتفكير 
طب ايه بقيت بوذي بتعبد العجل مثلا ولا ايه 
اغتاظ طارق من حديثه فتابع مروان بصياح 
ما تقولي جنس ملتك ايه اقرب من مين و ادوخ مين مفيش عندك اسلام خالص متعرفش أن في حرام و في حلال . هتشوي في ڼار جهنم بسببك . يخربيتك.. 
قهقه سليم علي حديث مروان الذي تابع ساخرا
يا شيخ دانا صلة الډم اللي بيني و بينها نقحت عليه و هقوم اسكع نفسي شبشبين. دانا لو مصاحب بنت من اياهم مش هعمل كدا .. 
أوشك طارق علي لكمة ولكن لفت انتباهه الجملة الأخيرة فقال بتساؤل
بغض النظر عن الدين عشان مش هنكر أنه كلامك فيه صح.. بس ايه علاقة انك تقرب منها بأنها واحدة من اياهم 
مروان بسخرية 
عشان مفيش واحده محترمة هتقبل ان واحد يقرب منها وهو مش جوزها . و مفيش واحد بيحب واحده وعايز يتجوزها هيعمل معاها كدا.. و يوم ما يعمل معاها كدا هتعرف أنه بيعتبرها زي ما قولتلك قبل كدا مش متربيه أو مش محترمة أيهما أقرب
شرد طارق للحظة وهو يتذكر شيرين التي غلف الألم نظراتها حين اقترب منها بتلك الطريقة و هنا شعر بالڠضب من نفسه التي دهست علي كل شئ و جعلته يرتكب تلك الحماقة في حقها و حق صلة الډم التي تجمعهما .. استفاق من شروده على كلمات مروان وهو يقول بتحسر
يا ربي دانا محترم والله مردتش حتى امسك أيدها و قلت هحوش كل حاجه لحد ما تبقي حلالي ..
سليم بامتعاض
متقرفناش بقى وبطل ولولة 
مروان باستهجان 
بقولك ايه متكلمش ع القرف مدام مبصتش لنفسك في المراية. 
خلصتوا 
قطع صوته الحاد شجارا كاد أن يندلع بين كلا من سليم و مروان و الټفت الجميع اليه فقال بجفاء وهو يوجه أنظار قاټلة الي طارق
طيب انا هتغاضى عن الكلام اللي انت قولته دا و مش هحاسبك عليه وأنت بالمقابل تمحيه من ذاكرتك احسن ما امحيك أنا من علي وش الدنيا .. احنا مجتمع شرقي مسلم و عندنا ضوابط و التزامات . جو القطط والكلاب دا مش بتاعنا. مفهوم ..
أومأ طارق بالموافقة فالټفت سالم إلي مروان قائلا بخشونة 
أما أنت بقى فمن وسط غبائك و هريك الكتير جبت الحل.. و هديك فرصة العمر ..
صاح مروان باندفاع
الهي يسترك دنيا و آخرة حل ايه قول ..
سالم باختصار 
هجوزك سما النهاردة قبل بكرة ..
عودة للوقت الحالي 
لون الاستمتاع ملامحه وهو يضيف ساخرا
و بصراحه سما ممانعتش أبدا لما