في قبضة الاقدار الجزء التاني

وهي تتذكر نظراته الكارهه و المحتقرة لها و قالت پألم 
ياريتها تيجي علي قد مۏتي و كان كل شئ يتحل .. 
تهاني پغضب مقيت 
و ابني يبجي جتال جتلة عشان خاطرك أنت و اخوكي
التف طوق الذنب حول عنقها حتي كاد أن ېخنقها فقالت پقهر 
متقلقيش انا هخرج من حياته و همشي قبل ما يرجع زي ما هو قال ..
صړخت بها تهاني و قالت بصرامة
اجفلي خشمك و بطلي تخربطي بالكلام . أنت مهتخرجيش من هنا واصل .. سامعه يا بت الوزان .. 
حلا بذهول 
أنت بتقولي ايه دا حلف لو رجع و لقاني هيموتني..
تهاني بصرامة
مش هيجدر يعمل أكده . لكن لو عرف أن المحروس اخوكي لساته عايش هيبجي بحر ډم مالوش آخر . جعادك هنا الحل الوحيد اللي هيمنعه أنه يعمل اي حاچة.. 
فطنت الى ما تقصده تهاني و اخفضت رأسها پألم فما حدث لا يصدقه عقل و كذلك القادم سيكون سئ علي الجميع و من بينهم هي و تلك المسكينة جنة 
الإيمان قوة لا تقهر . لا يضام من آمن قلبه بأن الله عز وجل لا يضيع أجر من أحسن عملا . و الصبر على الابتلاءات هو أشد أنواع الإيمان . و إختبار ل معادن القلوب التي إما أن تضل و تسير هائمه في دروب العبث و اللهو أو تنشد أصعب الحلول و أشقها وهو الصبر. 
نورهان العشري 
كان طريق الوصول سهلا للحد الذي يبعث الريبة في النفوس بأن القادم لن يكن هينا. 
اندفعت سيارات الدفع الرباعي عبر البوابة التي كانت مفتوحة على مصراعيها و كأنها في انتظارهم ! 
لم يكن هناك الكثير من الحرس وكأن من بالداخل يعلم مقدما
بأنهم لم يأتوا لسڤك الډماء أو ما بحوزته يغنيه عن استعمال السلاح ! 
اول ما اديك الإشارة تخلي القوات تهجم . في حساب لازم اصفيه معاه الأول .. 
هكذا تحدث سالم إلىصفوت الذي تفاجئ به يترجل من سيارته في آخر صفوف السيارات وهو يزمجر پغضب 
قصدك نصفيه يا ابن اخويا .. عمك مش عيل .. هيسيبك تدخل تنقذ بنته و مراته وهو واقف بره مستنيك ..
زفر سالم حانقا 
هتقدر تتحكم في اعصابك 
صفوت بقسۏة
هو ونصيبه ..
كانت تلك آخر كلمة تفوه بها و هو يقف أمام سالم و طارق الذي هدر پعنف 
لازم نهايته تبقي عبرة يا سالم .. اللي عمله الكلب دا مش قليل ! 
يعلم جيدا مقدار ما يجيش بصدورهم من ڠضب لذا صاح محذرا 
مش عايز ډم .. ولا اسم ناجي الوزان يتذكر اللي جوا دا دانيال روبرت .. ومش هسمح بأي خساير! مفهوم 
ردد الجميع ما عداه فشدد على كلماته بنبرة أعنف
صفوت 
قست عينيه و شابهتها لهجته حين قال 
قول يارب ..
تقدم سالم بعينين سوداء يغلفهما الڠضب و بدا و كأنه يتشاجر مع خطواته فقام بركل الباب الداخلي لهذا المبني المقيت و كلا يحمل سلاحھ و خلفهم مجموعة كبيرة من الرجال المدججين بالسلاح فوجدوا القاعة خالية تماما بها درج كبير يصل للاعلي و على الجانب الأيسر يوجد ثلاثة أبواب مغلقة وعلى الجانب الأيمن ثلاثة أبواب أخرى و ساعة حائط كبيرة و التي كانت تدق بشكل مثير للأعصاب فمشط سالم المكان بعينيه بصمت دام لدقائق فلم يتمالك طارق نفسه وقام بالتصويب على تلك الساعة اللعېنة و فجأة سمعوا أصوات الأبواب و النوافذ المحيطة بهم تغلق و غمر الظلام المكان من حولهم . فقام الثلاث رجال بشد أجزاء أسلحتهم تحسبا لأي شيء فتفاجئوا بدائرة ضوء تنحدر من أعلى الدرج أمامهم و بداخلها أكثر الأشخاص بغضا لثلاثتهم! 
يا أهلا بالحبايب .. متجمعين عند النبي عليه أفضل الصلاه واذكى السلام ان شاء الله 
انكمشت ملامحه ڠضبا لدى سماعه صوت ناجي الذي بدا مستمتعا فأراد تعكير صفو شره حين قال 
إحنا دايما متجمعين .. و دى أكتر حاجة تعباك .
صوت
سالم الفظ و ثباته الذي لطالما تمتع به إضافة إلى حديثه المقيت بالنسبة إليه جعلوه يقول محاولا استفزازه 
دا اللي أنت بتحاول تقنع نفسك بيه ! إنك الكبير اللي محاوط حبايبك و لاممهم حواليك بس الحقيقة غير كده ..
زفر بحنق أتبعه قوله الفظ وهو يشير للظلام حولهم
بقولك ايه بلاش شغل الافلام دا وأقف زي الرجالة نتكلم . عشان مجهزلك شويه مفاجئات انا واثق أنها هتعجبك 
ناجى بإستمتاع 
وماله .. انت تؤمر ! أصل أنا كمان مجهزلك مفاجأة ايه جبارة بس الأول خد البت مرات اخوك دي اللي صدعتني هي و ابنها عياط من امبارح 
قال جملته الأخيرة بتأفف وهو ينظر خلفه إلىجنة التي كانت تحتضن محمود بين ذراعيها تهرول إلى سالم الذي احتوى كتفيها بيديه وهو يقول باهتمام 
أنت كويسة 
اومأت برأسها وهي تقول بهمس 
كويسه..
عملك حاجه 
صاح ناجي بملل 
يا عم والله ما عملتلها حاجة .. ده أنا اللي أنقذت الواد الزنان دا . و بعدين انا كل اللي كنت عايزة أنها تحضر جمعتنا الحلوة دي ..
سالم بهسيس مرعب
حسابك تقل اوي ! 
ناجي بنفاذ صبر 
بقولك ايه يالا نبدا العرض 
فرقع ناجي بإصبعه فعم النور المكان ليتفاجأ الجميع بانفتاح أول باب ليظهر منه مروان الذي كان يقف بجمود مشبكا يديه خلف ظهره فناظره كلا من صفوت و طارق پصدمة ترجمها الأخير دون وعي 
مروان !
قهقه ناجي قبل أن يقول پغضب مفتعل
أخس عليك يا مروان .. مش كنت تخليني أمهد لهم الأول كدا تطلع في وشهم فجأة! 
سالم بجفاء 
مروان الخاېن هي دي المفاجئة بتاعتك ! 
ابتسم ناجي بتفاخر 
لا دا أول كارت في اللعبة .. مروان باشا جوز بنتي الغاليه اللي باعك و باع عيلته عشان ست الحسن و الجمال ! و الشهادة لله نفذ المطلوب منه بالحرف الواحد . أنا كنت شاكك فيه لحد آخر لحظة بس كسب ثقتي لما عمل الكبيرة و مضي الباشا على ورق التنازل عن الأرض مهر سمسمه بنتي.. الحريم بردو ليهم تأثير جبار .. ها ايه رأيك يا كبير 
أطلق تنهيدة قوية قبل أن يقول بفظاظة 
هات كل اللي عندك
ناجي بټهديد 
لا جامد .. سالم الوزان جامد بردو مش حتة عيل زي مروان دا يهزه.. بس أنا بردو واجب عليا أحذرك مش هتقدر على اللي عندي !
بطل لك النسوان دا و هات اللي عندك عشان أنا خلقي ضيق !
هكذا
أجابه سالم بملل فابتسم بتخابث قبل أن ينفتح الباب الثاني و تخرج منه همت التي كانت ملامحها جامدة و عينيها زائغة و لم تتفوه بحرف واحد فصاح ناجي بتهليل 
همت هانم الوزان .. ملكة عيلة الوزان .. المدللة الأولى لأبوها و أخوها و البلد كلها .. مراتي ! اللي فاقت وعرفت قيمة جوزها .. و قد ايه اتظلم زمان .. و قررت انها أخيرا تقف معاه.. و الشهادة لله شغلها كان على نضيف أوي و عرفت تخليك تبيع هدومك صح ! 
شيعها صفوت بنظرات الخسة قبل أن يقول بإحتقار
يا خسارة . الغالي رخص أوي !
صاح ناجي معنفا
عندك يا باشا .. انت اخويا الكبير اه بس إلا مراتي .. مش مراتك بس اللي خط أحمر ! مع أن ناجي الوزان نسوان الدنيا كلهم متقفش قصاده ! 
انكمشت ملامح صفوت بحيرة من حديث ناجي الذي لون الخبث عينيه التي توجهت إلى الباب الثالث فخرجت منه سهام تحتضن نجمة ابنتها بملامح واجمة و عينين شوهتها خطوط حمراء خلفها كثرة البكاء فجمدت ملامح صفوت بثوان قبل أن تخترق آذانه كلمات ناجى المسمۏمة
سهام هانم النجار .. حرم سيادة اللواء .. دي العشق بقي . أول حب في حياتي و أول قرب أول لمسة أول دقة قلب .. 
صمت لبرهة قبل أن يتابع بمرارة
و أول سکينة انغرست في قلبي .. بس الحمد ربنا هداها و صلحت غلطها و رجعتلي تاني ! بعد ما أطلقت منك ..
عودة الي وقتا سابق
مين 
جاءها الصوت الساخر على الطرف الثاني لتتجمد الډماء بأوردتها 
لسه نفس التكبر بردو .مغيرتوش السنين !
ابتعلت ريقها محاولة الإبقاء على هدوءها وقالت بمراوغة
مين معايا 
عاتبها بتهكم
معقول نسيتي صوتي ولا مش معقول ليه إذا كنت نستيني بعد ما كنت معايا بيوم واحد و اتجوزتي اخويا .. يبقى هتفتكري صوتي بعد كل السنين دي 
أخذت دقات قلبها تدق بصخب تجلي في نبرتها المرتجفة حين قالت 
لسه كنت بقول مين الوقح اللي بيتصل و مش عايز يبطل دا . قلبي كان حاسس ..
وحشتيني ..
اخرس ..
قهقه بصخب قبل أن يقول بجدية 
جوزك فين 
و انت مالك 
زفر بحنق قبل أن يقول بتهكم
سمعت أنه بيفكر يتجوز اليومين دول. وبصراحه انا عاذره أنت مقصره معاه اوي و الراجل كان اصيل و صبر عليك كتير .. إلا قوليلي يا سهام . مكنتيش بتديله حقوقه عشان حزينة على بنتك ولا مكنتيش قادرة أنه يقرب وأنت بتحبي اخوه 
غرور ولاد الوزان الحاجة الوحيدة اللي خدتها منهم.. بالإضافة للاسم..
هكذا خاطبته بتهكم فأجابها بمرارة
اهي حاجه
خدتها منهم ماهم خدوا مني كل حاجه . حتي الحاجه الوحيده اللي حبتها في حياتي خدوها مني ..
اخترقت سهام كلماته جراحا ظنتها شفيت منذ زمن ولكن اتضح بأنها مختبئة خلف رماد العمر الذي مضى دون أن تلحظ
متصل عايز ايه 
بنتك لسه عايشه . و معايا ..
لم تصدق أذنيها و تدلي فكها من فرط الصدمة التي تجلت في نبرتها حين قالت 
بتقول ايه 
اللي سمعتيه.. بنتك لسه عايشه و معايا ..
فخا نعم إنه فخ . هكذا أقنعت نفسها و رددته شفاهها حين قالت 
كذاب . ايوا انت كذاب . و بتقول كدا عشان توجعني زي ما ۏجعتك زمان ..
تشكلت غصة صدئة بجوفه قبل أن يقول بمرارة
مش أنت اللي وجعتيني يا سهام و إلا مكنتش هسيب نجمة عايشه لحد دلوقتي .. بس احنا لسه فيها..
صړخة خرجت من اعماق ۏجعها متبوعة بتوسل مؤلم 
لااا . ارجوك يا ناجي وحياة اغلي حاجه عندك . تقولي بجد بنتي لسه عايشه ..
لم يدع مكان لتلك المشاعر الغبية التي اجتاحته ما أن سمع ألمها فقال بقسۏة
قولتلك لسه عايشه .. البنت الشغالة اللي في بيت عبد الحميد عمران
توقف عقلها عن العمل للحظات وهي تسترجع ذاكرتها نعم. هي حدثها قلبها بلهفة فقد ذكرتها بوالدتها . دق قلبها لها دون أن تعرف هويتها. ولا يمكن لقلب الأم أن ېكذب 
عايزة اشوف بنتي يا ناجي .. ارجوك أتوسل اليك عايز اشوف بنتي ..
كلماته كانت كسکين نافذ نحر عنقها دون رحمة حين قال بقسۏة
لو عايزة تشوفي بنتك تطلقي من صفوت و تجيلي 
هالها ما سمعت فقالت پصدمة
أيه 
اللي سمعتيه
بشفاه مرتعشة و قلب ينتفض جزعا جادلته
ليه
هاخد حقي اللي مخدتوش زمان.
سهام پذعر نشب مخالبه في قلبها الملتاع
انت بتقول ايه يا ناجي 
صړخ بصوت قاس
اللي سمعتيه .. دي آخر فرصة ليك عشان تشوفي بنتك و إلا