حكايه حسن

كبير ومفيش اوامر حد يعرف حاجه دلوقتى ..... كل حاجه مبهمه 
يزيد انا قريب منه جدا ها احاول أطلع بأى معلومه وفعلا كلمه وبردو ماقالش حاجه بس ضاف ليه ان جوزها عنده خبر وهما ها يتصرفووو
محمود معنى كدا ان الا خطڤو مريم قاصدين حسن 
يزيد هو مقالهااااش صريحه بس من كلامه فهمت كدا 
محمود أسترهاااا يارب الستر من عندك 
داليا كارما خدى ندى وهاتى الاطفال واطلعو اعملو عصير لطنط عشان اعصبهاا تهدى 
صفيه والله ما ها ادوق حاجه غير لما ترجع بالسلامه دى بنتى الغاليه مرات الغالى ..... 
مرفانا طيب اهدى ان شاء الله ها ترجع ....
حسن وخالد ونسر المخابرات وصلو ومعاهم كمان تعلب المخابرات ........ لا أحد يشعر بهم بارعون إلى أقصى الحدود فى التخفى ..... 
النسر كدا تمام قوى يارجاله طبعا انتو حافظين المبنى زى أسمكووو وعارفين الصغرات الا ممكن نستغلها والمعلومات الا وصلت لنا انها فى المبنى دا 
خالد وحسن ايوا اساسا المبنى دا يعتبر بعيد تماما عن شغلهم الاساسى ..... وممكن او أكيد ها تكون فى الاوضه الا كان حسن فيهااا.... 
مريم انا مړعوبه يا جورى 
جورى وانا أكتر منك بس لازم نفضل متماسكين قدامهم 
مريم ايوا طبعا وقاعده وحاطه ايديها على بطنها 
جورى لسا تعبانه 
مريم يعنى بس أحسن دلوقتى 
جورى هششش فى صوت برا وبصوت واطى سامعه 
مريم ايوا سامعه ها نعمل ايه 
جورى زى ما اتفقنا ها نضربهم ونهرب 
مريم مش ها أعرف يا بنتى 
جورى طيب خليكى انتى وانا ها اتصرف أقفى ورا الباب ووقفو الاتنين ... والباب اتفتح بعد ما خلصو على الا واقفين حراسه ..... ودخلو اتنين ملثمين .... ومره واحده جورى نطت بطريقه مضحكه حتى مريم ضحكت وعماله تعمل حركات بأيديها ورجليها مش مفهومه وبتقول اعاااا ياااااا اعااااا 
جورى نطت على خالد وبتضربه وعماله ټشتم وحسن جرى على
مريم عرفته هى دى ريحته الا بتعشقها وصوته الا لايمكن تنسااااه .... 
خالد مسك جورى يا شيخه اتهدى بقى وخپطها فى راسها بطريقه معينه واغمى عليها وشالها وخرج بسرعه ومعاه حسن ومريم وسابووو لهم ورقه ... على چثث الحراسه .... مكتوب فيها اللعب مع الكبار بيعوررر ... إمضاء نسر المخابرات .... وفعلا أمن خروجهم نسر المخابرات والتعلب أمن خرجهم من برا وانطلق بيهم بسرعه ...... 
حسن عملو فيكى حاجه يا مريم مين الا عورك فى وشك كدا 
مريم بنرفزه الا تعرفها عليا 
التعلب ونسر المخابرات ضحكووو بصوتهم كله وخالد مركز مع البنت الا فى ايده .... ومش بتخاااف ... بس هبله وملامحه جميله اه قمحيه بس عسل وتايه خالص معااااه 
حسن أكيد ليزا مفيش غيرها 
مريم عارف يعنى اوعى بقى كدا واوعى تكلمنى تانى فاهم 
حسن طيب أستنى وفرى الخناق فى البيت شردتى جووزك 
مريم لا يا حسن مش دول القاده بتوعك 
نسر والتعلب فى نفس واحد ..... اه 
مريم طيب كويس البيه... ارفدووه 
حسن يا نهااار ابيض ... بتبعينى كدا فى ثانيه 
مريم اه وها تطلقنى يا حسن روح لها هى مستنيك هناااك 
حسن وانا بقول عليكى ست
عاقله 
التعلب مفيش عقله لو
فيها واحده 
نسر ايووون ربنا معاااك 
حسن بقولك ايه يا مريم 
مريم نعم 
حسن نامى انتى محتاجه راحه عشان عارف هورمونات الحمل صعبه 
مريم بعصبيه ملكش دعوه انام أقوم ملكش دعوووه 
جوررى اه .. راسى .. اه .. وبتفتح عنيها لقت نفسها نايمه واحد متعرفوش .... ايه دا واتعدلت انت مين يااا ولقت مريم وحسن الا عرفته على طول من الصور واتنين كمان ..... 
خالد ايه فوقتى والا لسا بتستوعبى 
جورى وهى راحه عند مريم تقعد جمبها وبتقول لمريم مش دا جوزك 
مريم اه هوووو 
خالد ايه الا كنتى بتعمليه دا 
جورى ايه 
خالد اعااااا يااااا ايه دا بقى 
جورى دفاااع عن النفس عندك اعتراض 
خالد لا ابدا عجبنى بس مين الا علمك عشان عايز اروحله 
جورى كابتن . .... فى ..... 
خالد اه شكلك متمكنه وبقالك اد ايه بتتعلمى 
جورى لسا انهارده تانى يوم تدريب ليا بس ملحقتش اروح 
خالد وحسن انفجرووو فى الضحك ووونسر والتعلب مستمتعين جداااا ... 
مريم انتى بتتكلمى بجد امال كنا ها نهرب ازاى وتدافعى عننا 
جورى بتلقائيه يعنى مشفتنيش وانا طايره فى الهوا وبدافع عنك 
خالد لو عايزا تتعلمى دفاااع عن النفس انا فى الخدمه عامل دوره مجانيه على فكره 
حسن ايه دا من امتى 
خالد من دلوقتى يا خفيف 
التعلب واخد بالك 
نسر ايوا واخد سيبه يمكن يتلم ويتجوز 
التعلب تفتكر دا قرب يعنس 
نسر لا لسا شويه عليه شكله بيلحق نفسه
خالد قرب على الكراسى بتاعتهم وبصوت واطى سمعتكم على فكره 
نسر زق راسه بأيده يا شيخ اتنيل روح الحق نفسك اجرى .... 
جورى مريم ايه الطياره الغريبه دى انا بشوف الطيارات فى التلفزيون غير كدا 
حسن تسمحيلى ارد 
مريم اتفضل 
حسن دى طياره خاصه بينا احنااا مش طيارة ركاب 
جورى اه قولتلى .....
خالد قالك ايه 
جورى فى حاجه يا أخ 
التعلب ونسر 
حسن الاخوه حلوه مفيش كلام 
خالد أخ دا انتى طلعتى هبله بجد بقى 
جورى هى مين الا هبله 
خالد انتى هبله 
جورى بصتله ومردتش عليه ودا دايقه جدا 
مريم مسكت بطنها من تحت واتوجعت منها 
حسن مالك يا مريم فيكى حاجه 
جورى ايه يا مريم تعبتى تانى .... 
مريم اه بطنى بتوجعنى 
حسن من ايه 
جورى البنت الا كنت معاها ضړبتها 
حسن پصدمه ... طيب ماشى انتى كمان وبيطمن على مريم ضربتك فين .... بنت ال.... 
خالد وانتى عرفتى منين بقى انه معاها شوفتيه 
نسر مش محتاجه مفهوميه يا خالد يعنى أكيد مصورينه محسسنى انك جديد عليهم 
خالد يعنى كام صوره ليهم تثبت انه والا أى كلام هما بيقولوه صح ..... لازم يا مريم تبقى واثقه فى حسن انه مش كدا .... إلا لو انتى شوفتيه او هو فى طبعه الخيانه ولازم بردو تقدرى انه فى شغله بيبقى تحت ضغوط رهيبه مش أى حد ممكن يتجاوزها بسهوله 
مريم اى واحده ها تشوف الصور الا انا شوفتها مش ها تقبل من جوزها الا بتحبه وضع زى دا حتى لو شغل 
حسن يعنى أسيب شغلى عشان يرضيكى 
مريم ....... 
حسن ردى ادام انتى الا فتحتى الموضوع قدامهم كلهم 
جورى انت بتلومها على حبها ليك المفروض كنا جبنا الصور تشوفها والا تشوف كمية الغل الا كانت فيها البنت من ناحية مريم دى كانت عايزا تسقطها 
حسن بصى انا مش ببرر وعارف كويس قوى الصور الا بتتكلمى عنها واتاخدت ازاى رغم انها فى الحقيقه عكس كدا تماما ومريم انا صونتها فى غيابها
وفى وجودها زى ما هى بتصونى بالظبط ومش ها أقبل منها شك فيا 
مريم انا مشكتش فيك انا زعلت قوى وحسيت بالغيره عليك لمجرد بس ان واحده غيرى يبقى ليها مكانه عندك فى غيابى عنك
حسن بعتاب امال ايه الكلام الا قولتيه دا ...... زعلنى قوى يا مريم 
نسر الكلام دا ليك أنت وهى ..... مهما تزعلووو من بعض ميباقش الحساب وقتى لان خلافه بيكبر ووبردو مش قدام حد لانكو ها تواجهووو كتير وماينفعش يبقى فى تالت بينكم ..... والثقه اثاث نجاااح أى علاقه ..... وحبكم الصادق هو الا ها يخلق الاعذار والالفه بينكم عشان تستمروووو فاهمين ..... وكمان مفيش وقت للتهريج بتاعكو دا فى عيلين ربنا يحميهم فى البيت وفى اتنين جاين فى
السكه ان شاء الله بالسلامه .... لازم يشوفو التفاهم بينكم ويبعدو تماما عن العصبيه والخلافات عشان تطلع أطفال سويه بتحترم العائله والعلاقات ..... فاهمين 
حسن ومريم بصوووو لبعض نظره طويله كلها معانى كتير وحب بجد ...... فاهمين
جورى كلامك حلووو يا عموووو 
نسر اتعلمى انتى كمان الكلام دا ها ينفعك 
خالد ايوا اتعلمى ياختى عشان متطلعيش عين الواد 
جورى هو انت مركز معايا ليه 
خالد المفروض اركز مع مريم وحسن
وابقى حشرى 
حسن ازاى انت كلك ذوق يا صاحبى 
خالد سامعه 
جورى ابتسمت وسكتت 
التعلب ياله يا شباب 
حسن قومى يا مريم 
مريم مش قادره 
حسن ونزل
بيها 
وكلهم نزلو ........ 
حمزه ومصطفى ومحى جاتلهم الاخباريه وواقفين مسنين عل وصولهم بالسلامه ........ 
حمزه شاف حسن ومريم جرى عليها هووو ومصطفى ومحى ... 
حمزه مالها يا حسن 
حسن تعبانه شويه 
مصطفى حمدالله على السلامه 
مريم الله يسلمكووو 
محى مبروك رجعوكم بالسلامه يا رجاله 
كلهم شكرا يا فندم 
محى حمدالله على السلامه يا بنات 
خالد بجد شايفنى رخم 
جورى بعد اذنك اروح أطمن أمى عليا الا مش بعيد تكون ماټت من قلقاها عليا 
خالد طيب ممكن أوصلك ومش ها اتراخم يا ستى 
جورى شكرا كفايه تعابكم معانا لحد كدا بعد اذنك ومشيت راحت لمريم ..... 
مريم ياله يا جورى عشان تروحى معانا بس ها نروح للدكتور الاول اطمن أصلى حاسه بمغص مش عايز يقف 
جورى طبعا ها اجى اطمن عليكى دا بعد اذن الاستاذ حسن 
حسن من غير أستاذ حسن بس وانتى مرحب بيكى فى اى وقت معانا كفايه جدعنتك مع مراتى 
جورى شكرا طيب ممكن تليفون أكلم أمى أطمنها عليا 
حسن طبعا اتفضلى 
جورى بتتصل ايوا يا حبيبتى 
توحيده بدموع وفرحه جورى بنتى انتى جورى 
جورى ايوا يا ماما انا 
توحيده انتى فين يا بنتى ومين الا دا 
توحيده براحه ماشى يا بنتى وقفلت وهى بتحمد ربنا ان بنتها بخير 
خالد انا وراك بالعربيه يا حسن وبكرا ان شاء الله ها نرجع كلنا عشان فى شوية حاجات كدا لازم يتكلمو مع مريم والانسه جورى فيها ...
حسن خلاص ماشى بس أطمن عليها بلغتهم فى البيت زى قلتلك 
خالد كله تمام 
حسن تسلم وركبووو وبدئو يمشووو كلهم 
محمود الحمد لله أطمنتى يا صفيه 
صفيه مش ها أطمن غير لما تبقى قصاد عينى 
كارما ها نشوفها يا طنط هانت 
ندى الحمد لله 
داليا حمدالله على سلامتها 
صفيه الله يسلمك يا حبيبتى 
محمود الله يسلمكم 
يزيد قدامهم اد ايه 
محمود جاين فى الطريق ماعرفش والله قدامهم اد ايه 
وجميعهم برغم تأخر الوقت ظلوووو منتظرين 
حتى وصولهم بالسلامه 
حسن داخل. مريم ومعاهم اتنين ..... مش معروفين بالنسبه لهم بس البنت عرفووو ان هى الا كانت مع مريم .....أما الشاب فا من هيئتنه فهمووو انه زميل حسن فى شغله ....... 
محمود اتفضلى يابنتى اتفضل يا ابنى .... ودخلووو كلهم ورا حسن 
صفيه قامت خدت مريم فيكى حاجه يا مريم طمنينى يابنتى 
مريم مفيش ياماما انا كويسه الحمد لله .... وبعد إطمئنان وسلامات من الجميع غادر يزيد وابراهيم وأحمد ومعاهم ندى وكارما وداليااااا ..... واتبقى خالد وجورى 
خالد حسن فين القطاقيط الا اتولدت على ايدى 
حسن اتولدو على ايدك اتاريهم 
خالد ايه لم نفسك وهاتهم البت قاعده ما تشردناااش قدامها 
حسن له عد الجمايل انا ها أمسك لسانى أهوووو وراح جاب ريناد وزياد من جدتهم جوا ... 
خالد هات ياخى كلت العيال جاتك القرف 
حسن واحشنى ياله مبشبعش منهم 
جورى ماشاء الله دول ولادكم 
زياد بيبص لجورى وعمال يضحك لها 
خالد ابنك بيعلق من وهو فى اللفه 
حسن طالعلك مولود على ايدك 
خالد حبيب خالوووو تعالى ..... وجورى شايله ريناد ومبسوطه قوووى بيها وزياد بيشاغلها من بعيد وهو واخته مش مبطلين ضحك ...... وخالد وجورى بيضحكو على ضحكهم