شيفروليه الغرام

بقى اخرسي متوترنيش
قالت بزهول ...اوترك هو كلامي الي موترك مفيش حاجه تانيه توتر... يا خراااابي يا جزمتي يا شرابي ...وانبي حرام عليك انا صغيره والله صغيره وابويا عندو السكر وامي عندها شاي ...وانبي يا اسمك ايه مش عايزه اموت دلوقتي
بصلها وهو لسه بيسوق وقال بابتسامه..زين ..اسمي زين
تهاني صړخت فيه وقالت..وانا مالي باسمك هو انا هطلعلك بطاقه..اتصرف في النيله الي احنا فيها دي

زين ساق بسرعه ومشي على الكبري بطريقه محترفه بقى يدخل ما بين العربيات
بعد شويه وصل حته مقطوعه كده متطرفه وقف العربيه واخد نفس وقال....يلا بقى تقدري تنزلي
تهاني بصت حواليها المكان كان مقطوع ويخوف والدنيا ضلمه قالت بتوتر...انزل فين...لا ..لا انت لازم ترجعني ورشتي انا مش عارفه احنا فين حتى
زبن بصلها پخنقه وقال...بصي يا بتاعه انتي انا كنت مستحملك لان العربيه عطلت قريب من ورشتك ومكانش فيه طريقه غيرك و
تهاني قاطعتو وقالت ..ايوه عارفه ما انا الي راميه المسامير هناك
بقلم..زهرة الربيع
زين بصلها بدهشه وقال...نعم يااختي... يعني انتي الي عطلتي العربيه..ما انا بقول ازاي العجل ينام كلو مره واحده لا و حظي يطلع حلو كده والعربيه تعطل جمب ورشه.. دا انا غبي غباء يحترم
تهاني قالت بزعيق...ياعم فلقتنا بالعربيه .ماخلاص هيه عربيه محمد رمضان دي حتة شيفروليه معفن من الألفينات ...وبعدين اركنلي غبائك على جمب دلوقتي..انا هرجع البيت ازاي...ومين دول الي بيجرو وراك
زين قال پغضب... وانتي مالك مين دول انتي هتصاحبيني
تهاني وقفت وقالت پغضب لا بقولك ايه...متكرمشليش وشك مش بعد ما كنت هروح فيها بسببك انت وعربيتك تقولي انتي مالك
زين بصلها بضيق وقال..انتي الي جبتي كل ده لنفسك حد قلك تخدعي الناس وترمي مسامير تبوظيلهم بيها عربياتهم ...المهم هقولك احسن ما فضولك يقتلك واتبلي بيكي...طلع شنطه من تحت الكرسي وقال..دي شنطه فيها الماس بملاين...ارتحتي
تهاني قالت .. طب يا

عم ما انت غلطان من الاول...حد يحتفظ بحاجتو الغاليه كده في العربيه.. وديها يا عم بنك ولا نيله على دماغك ده انت فعلا غبي غباء يحترم ويضربلو سلام كمام
زين ابتسم وقال ببساطه...لا مهو هيه