اسكريبت روعة

يا غيث عايزاه يكون إسلامي مش عايزة أول يوم في حياتنا سوا نعصي ربنا فيه وكمان كدا هيوفر فلوس كتير ممكن نسافر نروح نحج بيها أو نتصدق بيها و نساعد ناس تانية وتكون بداية لحياتنا بعمل خير بس لما فتحت الموضوع ل ماما لقيت إنها مش موافقة ومعارضاني وقالت لي مفتحش معاك الموضوع دا بس بجد مقدرتش 
باس إيدي 

قبل كل شيء عايز أقول لك إني فخور بيك 
ثانيا أنا موافق جدا ودا قرار سليم ومتقلقيش هنقدر نقنعهم ومحدش هيجبرك تعملي شيء ڠصب عنك 
كل ال أنت عيزاه هيكون 
الله يديمك ليا بجد 
نفسي ال كام أسبوع دول يفوتوا بسرعة وتخلصي إمتحاناتك علشان نكون في بيت واحد 
يوه! 
طب ما أنت لاجئ في بيتنا 24ساعة يا غيث أهو ومتكلمناش فرقت إيه يعني 
لاجئ في بيتكم! 
أنا يا حبيبتي جاي ل عمتي مش جاي لك أصلا 
طب قوم يا حبيب عمتك إنزل شقتكم يلا علشان هننام 
بتطرديني هاا 
كما تدين تدان يا حبيبي 
قام باس راسي وهو بيضحك ونزل كان خالو وطنط نزلوا فضلت مبتسمة لحد مانزل قومت ذاكرت ال شرحه ليا وقبل ما أنام لقيته بيرن عليا إتكلمنا سوا لحد ما نمت 
فات أسبوعين وكنا معزومين عند خالو وفي وسط ما إحنا قاعدين سأل أخويا غيث على القاعة 
أنت حجزت القاعة ال هيتعمل فيها الفرح يا غيث 
لاء ما إحنا مش هنعمله في قاعة 
يعني إيه هتتجوزا على السطوح مثلا!!
اتوترت شوية من حدة صوتهم مسكت في إيد غيث وبصيت في عينه طمني بنظرته وبدأ يتكلم ويقنعهم
يا عمتو الفرح ممكن نعمله ونفرح من غير قاعة ومهرجان 
إيه الكلام دا يا غيث يعني وافقتكم على كتب الكتاب يكون محدود ومقولتش حاجة لكن كمان عاوز بنتي تتجوز كدا هي أقل من البنات ال بتفرح وتعمل فرح ولا إيه أنا عايزة لبنتي فرح الكل يحكي
ويتحاكى بيه ولا إيه يا محمود ما تشوف ابنك 
بس أنا مش عاوزة يا ماما 
اسكتي أنت 
ما تتكلم يا غيث 
عمتك معاها حق هي عايزة تفرح ببنتها وأنا عايز أفرح ب ابني الوحيد 
يا جماعة الموضوع مش زي ما أنتم
فاهمين إحنا هنعمل فرح وهنفرح وننبسط بس هو لازم نفرح وإحنا بنعصي ربنا!! 
بنعصي ربنا إزاي يعني 
يا عمتو لما نعمل فرح أكيد هيكون مختلط وفيه موسيقى ورقص وتجاوزات كتير وكل واحد هيبص لواحدة أجنبية عنه إحنا هنشيل ذنبه وكل حاجة غلط هتحصل إحنا هنشيل ذنبها دا غير حرمانية سماع الموسيقى وكمان دا إحنا هنخلي كام واحد يسمع يعني كإننا مش عاملين فرح لاء دا كإننا عاملين ليلة نشيل بيها ذنوب على ذنوب 
بعدين يرضيكم تبقى ليلة عمرنا نبدأها بالمعاصي دي كلها وربنا مش يبارك لنا في حياتنا ال هتبتدي 
إحنا هنعمل فرح إسلامي مفيهوش إختلاط ولا موسيقى وبالفلوس الباقية هنعمل بيها خير وهتشوفوا والله هنفرح إزاي صدقوني يا جماعة مفيش أجمل من إننا نبعد عن معصية ربنا في وسط الزمن دا دا أجره بيكون كبير 
وافتكروا إن من ترك شيئا لله عوضه الله بخير منه 
كلهم سكتوا محدش إتكلم 
بصيت له وأنا مبسوطة وفخورة بيه بعد شوية ردت طنط على كلامه
أنا موافقة على كلامكم يا ابني ربنا يرضى عنكم 
قومت بوستها وحضنتها وأنا فرحانة طب بالله عندي زوج عسل وحما سكرة هحتاج إيه تاني
فضلت باصة لماما وبابا وخالو وبدعي أنهم يوافقوا 
مش هطلع أنا الشريرة يعني موافقة بس أنا كنت عايزة أفرح بيكم 
والله يا ماما هتفرحي وهتشوفي كفاية إننا مش هنعصي ربنا 
كلهم وافقوا الحمدلله وغيث إستأذن بابا وماما ودخلنا البالكونة 
أنا مبسوطة أوي